ဉာဏ်များလွန်းသော ခင်ပွန်းသည်

အခန်း (၂၀) / (က)

Burmese Translation of Fu Jun You Zhe Dian {夫君，悠着点} by Author 苏行乐.

အခန်း (၂၀) / (က)

TRANSLATOR - JINNIE GRACE
--------------------

နန်းစောင့်တပ်များက လုပ်ကြံသူများကိုဖမ်းမိသွားကြသည်။

သို့သော် လုပိကြံသူများက အဆိပ်ကိုလျှာအောက်တွင်ဖွက်လာခဲ့ကြသဖြင့် ဖမ်းသိသည်နှင့် မြိုချလိုက်ကြသည်မို့ သွေးပွက်ပွက်အန်ကာ သေဆုံးသွားခဲ့ကြတော့၏။

ဘုရင်မင်းမြတ်က နန်းစောင့်တပ်ကို လုပ်ကြံသည့်ကိစ္စအား စုံစမ်းရန်အမိန့်ပေးပြီးနောက် တော်၀င်သမားတော်များအား သူ့အခန်းသို့လာစု​ေ၀းကြရန် အမိန့်ပေးလိုက်သည်။ အကြောင်းမှာမူကား ဖေ့ကျန်းတစ်ယောက် ဒဏ်ရာရသွားသောကြောင့်ပင်။

စားသောက်ပွဲအတွင်း ဖေ့ကျန်းသည် ဘုရင်းမင်းမြတ်နားတွင်မထိုင်သော်ငြား လုပ်ကြံသူများရောက်လာသည်ကိုကြားသည်နှင့် ဘုရင်မင်းမြတ်ကိုကာကွယ်ရန် ရောက်သွားခဲ့သည်။ သို့သော် သူဘုရင်မင်းမြတ်ကိုကာကွယ်နေတုန်းမှာပင် လုပ်ကြံသူတစ်ဦး၏ဓားက သူ့ခန္ဓာကိုယ်အား ထိုးမိခဲ့ခြင်းဖြစ်လေသည်။

ဘုရင်းမင်းမြတ်၏ အခန်းထဲတွင်တော့ မေ့မြောနေသောဖေ့ကျင်းအနား၀ိုင်း၀ိုင်းလည်နေသည့် တော်၀င် သမားတော်များရှိလေသည်။

"အကယ်၍ သတ္တမမင်းသားသာ တစ်ခုခုဖြစ်ခဲ့ရင် မင်းတို့ကိုပါ သူနဲ့အတူတူမြေမြှုပ်ပစ်မယ်"
ဘုရင်က ဒေါသတကြီးခြိမ်းခြောက်တော့သည်။

မုမိဖုရားကတော့ မေ့​မြောနေသော သူမသားကိုကြည့်ရင်း ငို၍သာနေတော့သည်။

မိဖုရားခေါင်မှာမူကား ဖေ့ကျန်းကို စိတ်ပူဟန်ဆောင်နေ၏။ စိတ်ထဲတွင်တော့ ဓားနှင့်ထိုးကတည်းက သေမသွားရကောင်းလားဟု ကျိန်ဆဲနေတော့လေသည်။ ထို့အတူဖေ့ကျန်းသတိပြန်ရလာပြီး ဘုရင်မင်းမြတ်နှင့်ဆက်ဆံရေးအရမ်းကောင်းသွားကာ အိမ်ရှေ့မင်းသားနေရာကို ဖေ့လန်အစား ဖေ့ကျန်းကို အစားထိုးလိုက်မှာမျိုးလည်းကြောက်ရွံ့နေ၏။

ဖေ့လန်ကတော့ သူ့မိခင်ဘေးတွင်ထိုင်ရင်း အခြေအနေကို နက်နက်နဲနဲတွေးတောနေသည်။