-زواج قاصرة -

البارت الآۆلْ

#زواج قاصرة

بيوم عُاَدّيَ من الايام جنت كاعدة العب ويه جهال اخوي وعادي فرحانين ...اجو جماعة دخلو بلديوان ووياهم ابوي وخواني

امي: حبيبتي مريومة اخذي الجهال ودخلي جوه ...حجت الام ووجها ينطي اللوان من لخوف

خذيت لجهال وطبيت غرفتي سمعت صوت حجي عالي وحتى ضرب بعدين صوت بابا ينكسر

استغربت من لوضع تالي باوعت لكيت الخطار طلعو

ركضت بسرعة للديوان لكيت ابوي كاض كلبه ومؤمل شغل جكاره بعصبية وبدا يدخن

مريم: بابا مؤمل لَيش هيج وجوهكم ...حجيت باوعلي مؤمل وضرب الكاونتر بيده

مؤمل: لحيوانات هذول يلي مسميهم زلم يردونج لبنهم مكان دين ابوي وانا ماابيع اختي هيج

حجه مؤمل انه نقهرت باوعلي هوه وحضني

مؤمل: لاتخافين مريم صدكي وثقي مستحيل اخليهم يمسون شعره منج ....

ايسر: بس الحق وياهم 100 مليون مو شويه وبرأي نزوجهم مريم عادي اول وتالي حتزوج

مؤمل:  خويه شنو يعني مالها حق تحب وتدرس وتتوضف.....

ايسر:  هههه حبيبي ترا احنه بلعراق ولاتنسه هيه بت عشاير واصول معقولة نخلي بتنه تدرس؟ وتتوضف؟

باوعت لايسر يلي كلامه مثل السم تجاهلنا كلنا بس ابوي ضل مقهور .....رحنا كلمن لغرفتة ونمنا عُاَدّي بس بعدني افكر بالي صار ليوم

(ثاني يوم)

كعدت الصبح غيرت ملابسي ليوم اريد اروح للسوك هو قريب من بيتنه

دورت بلبيت مالكيت لاابوي ولا خواني.....رحت للمطبخ لكيت امي

امي:  صباح لخيرر مريم! .....اقتربت ‏​‏​منـِْهـ♡̨̐ـِْا وبس خدها هي جانت تطبخ

مريم: يمه اريد اروح للسوك ممكن؟ ....باوعتلها بذاك لوجه لبريئ ووافقت

حضنتها قوي وطلعت تمشيت للسوك لان كلش قريب علينه

لاحظت ثنين يمشون وراي ضخام ولابسين اسود

مريم: منو انتو؟ وليش جاي تلحكوني.....طلع واحد منهم ورقة من جيبه وقريتها

مكتوب بيها شحلات مرتي لمستقبلية وهي تمشي وشعرها يطير وراها باوعت حوالي بلكي الكه منو يراقيبني

مريم : كلوله لشيخ لعشيرة مالتكم يحلم اصير مرتة ....ذبيت الورقة بالارض ورحت للسوك

جاي اتمشى وانه شايله لعلاليك ثكال واجه واحد وشالهن وياي

مريم: انه مو كلت لشيخ عشيرتكم الغبي يتركني لحالي ولله ارجع للبيت واخبر ابوي مايرحمكم.......حط الولد اصبع ع حلكي باوعت همزين مجان اكو احد يشوفنا

علي:  حبيبتي وياج ابن شيخ لعشيرة ههه. شحلاتج وانتي ساكته وماتحجين

بعدت عنه وخذيت لعلاليك من ايده

مريم:  اسمعني كلش زين هاذ لزواج مراح يتم ولاراح اكون زوجتك بعدني صغيرة ....اقترب مِڼـّي لدرجة احس بنفسه على وجهي

علي:  اريد اربي زوجتي على ايدي وتكونين بنيتي وحبيبتي ....شوي مثل لجذبني حجيه وضليت ساكته اباوع بعيونه

تجاهلته ومشيت لبيتنه دخلت لكيت مؤمل يغسل سياره اول مشافني اجه يشيل وياي علاليك(اكياس )

مؤمل:  شكم مرة كلت لطلعين بحدج هسه يشوفوج ذوليج الانذال....يحجي مؤمل وانه بس صافنه ودخلت جوه

مر الوكت تغدينه وكعدنه سوه كعائلة نشرب جاي

بابا: ابني مؤمل اقره هاي لرسالة اجتي ع تلفوني من رقم غريب!  .....اخذ مؤمل لتلفون شوي وطاح تلفون بلكاع

ومن كد ماعصب مؤمل تحس عيونه صارت بكصته

مؤمل: هذول لكلاب يكولون عدكم 3 ايام لْـۆ تنطونه بتكم بدال لدين لْـۆ لبيت ولسيارة

انصدمت انه من لحجي ركضت لغرفتي وقفلته دفنت وجهي بلمخدة وضليت ابچي ....يتبع .....

______________________________________

مرحبا حبايبي ❤️

حطو فوت وعلقو رأيكم يهمني جدآ 💎

حبكم باي 😊💕