"ဆောင်း မမတို့ခြံထဲလမ်းဆင်းလျှောက်ရအောင်""ဟုတ် မမ"
"လာမမကိုတွဲလိုက်"
ဆောင်းကချိုင်းထောက်လေးကိုတစ်ဖက် လွှာ့ကိုတစ်ဖက်အားပြုပြီးလမ်းလျှောက်ကျင့်နေလေသည်။ဆောင်းလေးဒီလိုအခြေအနေထိတိုးတက်လာတာကိုလွှာတစ်ကယ်ပဲကျေနပ်မိသည်။
ခြံထဲမှာသမီးငယ်နဲ့လွှာတို့လမ်းလျှောက်နေကြတာကိုကြည့်ရင်းကျေနပ်စွာပြုံးနေသူကဒေါ်မေသက်ထားပင်ဖြစ်သည်။သမီးငယ်ဆောင်းရဲ့အခြေအနေကအရင်ကထက်စာရင် အများကြီးတိုးတက်လာခဲ့လေပြီ။
အချစ်ရဲ့စွမ်းအားတွေကြောင့်ပဲဆိုရလေမလား။လွှာသူမတို့အိမ်ရောက်လာခဲ့ပြီး၆လအတွင်းဆောင်းလေးရဲ့အခြေအနေက တစ်နေ့ထက်တစ်နေ့ပိုပိုပြီး တိုးတက်လာခဲ့သည်။အခုဆိုရင် သမီးငယ်ဆောင်းလေးကလမ်းတောင်စလျှောက်ကျင့်နေပြီ။
အစတုန်းကလွှာက ဟိုဘက်လမ်းကသူ့အိမ်လေးမှာ ပြန်နေမလို့ဆိုလား။ လွှာကမိန်းကလေးဖြစ်နေတော့ တစ်ယောက်ထဲနေဖို့ မသင့်တော်တာရယ် ပြီးတော့ ဟိုအိမ်ဒီအိမ် သွားလိုက်လာလိုက်နဲ့လွှာလဲပိုပင်ပန်းမှာစိုးတာကြောင့် အိမ်မှာပဲနေစေလိုက်တာဖြစ်သည်။
လွှာဆိုတဲ့မိန်းကလေးက သူမသမီးဆောင်းအပေါ်အတော်လေးကိုချစ်ရှာပါသည်။ဆောင်းလေးရဲ့ဝေယျာဝစ္စတွေကို မညည်းမညူပဲလုပ်ပေးနေရှာတာ မိဘတွေဖြစ်တဲ့သူမတို့တောင်ပြန်အားနာနေရသည်။အင်း...သမီးငယ်ကျန်းမာလာရင်တော့ မြန်မြန်လက်ထပ်ပေးတော့မှပါပဲ။
~~~~~~~~~~~~~~~~~~~~~~~~~~~~
၃လခန့်ကြာပြီးနောက်
လွှာ ဆောင်းရဲ့အခန်းမှာခဏလေးအိပ်ပျော်သွားမိတာ လွှာနိုးလာတော့ဆောင်းကမရှိတော့ချေ။ဟင် ဆောင်း...ဆောင်းဘယ်ကိုများရောက်သွားပါလိမ့်။လွှာစိုးရိမ်တကြီးရှာမိသည်။
"မမ"
"ဆောင်း"
လွှာအံ့ဩနေမိသည်။ဆောင်းကအခန်းထဲကိုတစ်လှမ်းချင်း လှမ်းလာသည်။လွှာမျက်တောင်ပင်မခတ်ပဲငေးကြည့်နေမိသည်။
YOU ARE READING
ချစ်ဝဋ်ကြွေးရယ်မပြေစေလို
Romance"ဆောင်း မမကိုချစ်တာမမရဲ့အတိတ်ကိုမဟုတ်ဘူး ဆောင်းကမမရဲ့ပစ္စုပ္ပန်ကိုချစ်တာ... ဆောင်း မမကိုမမြင်ဖူးခင်ကတည်းကချစ်ခဲ့တာ မြင်ဖူးပြီးတော့လည်းပိုချစ်တယ် မမအတိတ်မှာဘာပဲဖြစ်ခဲ့ဖြစ်ခဲ့ ဆောင်းမမကိုချစ်တယ် မမပျိုတာအိုတာ ဆောင်းဂရုမစိုက်ဘူး"