လှိုက်ခနဲဖြစ်ပြီးလန့်နိုးလာတဲ့အချိန်
Cora ရောက်နေတာ စားပွဲတစ်လုံးပေါ် မှောက်လျက်အိပ်နေခဲ့တယ်
" နိုးပြီလားဆရာမ"
ဘေးက နွယ်နီက ပြုံးပြီးလာနှုတ်ဆက်တယ်
ပိုပြီးထူးဆန်းတာက Cora ဝတ်ထားတာ အိမ်နေရင်းအဝတ်အစားနဲ့မဟုတ်ပဲ ဂျူတီကုတ်နဲ့
" ထက်ဘုန်းရော ....."
Cora ရဲ့ဝရုန်းသုန်းကားအမေးကို နွယ်နီကကြောင်အမ်းအမ်းဖြစ်သွားသည်
" ထက်ဘုန်းဆိုတာ အမကိုလာလာကြိုနေကြ ဆိုင်ကယ်နဲ့အကိုကြီးလား ရှေ့မှာတော့ရောက်နေတာမတွေ့ဘူးရော်"
ဟင်.... ဒါဆို ခုနက ငါအိပ်မက်မက်နေခဲ့တာလား
Cora လှိုက်ခနဲဝမ်းသာမိသွားတယ်
တော်တော်ကြောက်ဖို့ကောင်းတဲ့အိပ်မက်ပါလား
" ရေသောက်လိုက်အမ"
နွယ်နီကမ်းပေးလာတဲ့ရေခွက်ကိုသောက်ချရင်း အချိန်ကိုလှန်းကြည့်လိုက်တော့ ည ၁၀ နာရီ
ဒီချိန်ဆိုထက်ဘုန်းရောက်နေလောက်ပြီ
Cora ပစ္စည်းတွေသိမ်းရင်းထက်ဘုန်းဆီအပြေးထွက်လာခဲ့တယ်
မီးရောင်ခပ်ပြပြအောက်မှာ ခြင်ကိုက်လို ဟိုကုတ်ဒီကုတ်လုပ်နေတဲ့ ထက်ဘုန်းကိုမြင်လိုက်တော့ Cora အတော်လေးပျော်သွားခဲ့တယ်
Cora ပြေးပြီး ထက်ဘုန်းကို အတော်ကြာကြာထိ ဖက်ထားမိတယ်
ထက်ဘုန်းက Cora ကိုကြောင်အမ်းအမ်းနဲ့ပြန်ဖက်တယ်
Cora ကဒီလိုအပြုမူမျိုး လုပ်တာသိပ်မရှိ
" ထီပေါက်လာလို့လား Cora"
Cora မျက်နှာကိုကြည့်ရင်း အသာအယာမေးလိုက်တဲ့သူ့ကို
ခြေချောင်းတွေထောက်ရင်း ပါးကို ရွတ်ခနဲ နမ်းလိုက်တယ်
Cora ရှက်မနေတော့ပါဘူးလေ
ချစ်တဲ့သူကိုအသက်ရှင်လျက်ပြန်ရလိုက်တဲ့ခံစားချက်က ဘယ်အရာနဲ့မှမတူ
Cora အပြုမူကြောင့် သူကအတော်လေးထူးဆန်းနေသလိုကြည့်တယ်
" ဒါတော့တော်တော်ထူးဆန်းသွားပြီ"
သူကပြောလည်းပြော ရှက်ရှက်နဲ့ နီရဲနေတဲ့မျက်နှာနဲ့ ဆိုင်ကယ်ဦးထုပ်ကို ကျကျနနလာဆောင်းပေးတယ်
" ဘယ်လိုကောင်မလေးလဲမသိဘူး တက်"
တီတိုးရေရွတ်ပြီးဆိုင်ကယ်ပေါ်တက်သွားတော့သည်
Cora သူ့နောက်ကျောကို ခပ်တင်းတင်းဖက်ပြီး တစ်လမ်းလုံးမှီနွဲ့လာခဲ့သည်
သူမေးပေမဲ့ Cora မဖြေချင်
Cora သူ့ကိုဆုံးရှုံးရတဲ့အကြောင်းအိပ်မက်အဖြစ်တောင် ပြန်မပြောပြချင်
YOU ARE READING
Déjà Vu ( ဒေဂျားဗူး)
Mystery / Thrillerချစ်တယ်ပြောပြီးတစ်ယောက်ကိုတစ်ယောက်နာကျင်စေမယ်ဆိုရင်အချစ်ဆိုတာကိုငါမယုံဘူး လူတွေက ခဏတာချစ်ကြတယ် ပြီးရင် လမ်းခွဲကြတယ် နာကျင်ကြတယ် နောက်ပြီးအဆုံးသတ်ကျရင် အိမ်ထောင်ပြုကြတယ် ပြီးရင်နောက်ဆုံးပြန်ခွဲခွာသွားကြတယ် ဒါနဲ့ပဲသံသရာလည်နေကြတာ ချစ်တယ်ပြောပြီးတစ်စုံ...
