الماهمه أهتمامي سقط حقه بعد يحلم دقيقه إبالي يبقه أريد اليسهر ويتعبلي ويذوب عندي الحب أعله گد المشقه لتسجل حضور براسي وتغيب تكتبلك حرف وتروح طلقه وتجي بعد الضهر تكتب كلمتين أرد أهلا حبيبي ترد تغلقه وجديده مال اوك نحچي بعدين مع كل الأسف ظنيتك أرقى أسمع مو ألي البعدين تنگال آنه الماصير آخر ماتبقه أدري أنت بحياتي ليش موجود غيابك عن وجودك شنهو فرقه تتوقعني أحبك ونشغل بيك وضل ولهان هاي البل الأزقه لا غلطان ...؟ أعرفه اليگطع وياي يگعد ويه غيري يبيع رقه وي وزع غرام الهذا والذاك مايسكت ألسانه باب رزقه كاتب عن عشرتك خوش تقرير وي لحضة وداعك راح أرفقه وحسبلك عدد زلاتك وياي وقراااهن عله أذنك ورقه ورقه وگلك روح لطفا گلبي مسدود حصراً ينفتح لليستحقه...؟!؟
Oops! This image does not follow our content guidelines. To continue publishing, please remove it or upload a different image.
______________
تجاهلني بعد وياي ثگل الدم لاتنطي مجال اصعب وكابر هم ضبط سوي روحك عود مامهتم والله تحبني حب بس الله بي يعلم تراقب عن بعد گلبك عليه يلوب جرأه البالگلب لو تنتقل بالفم چا كلمة احبك جزت ذاك الصوب والاطرش سمعها واجه وگلك تم من اكعد گبالك تلتفت ليغاد مو يمي القضيه وانت رب اليم اسولف ويه غيرك احس بيك تموت فص عينك طلع ما اعرف شدردم احجي بصوت عالي شدردمت لتخاف من المنضغط اتوقع اشبع ذم ولو مرات ادك دگة خباثه وياك اشوفك روحي واكعد اختل اتبسم تظل عينك تدور عليه بين الناس والبيدك يطيح ويغدي وجهك دم هنا يبدي الضعف ويبين المبهم بهاللحظة المشاعر صدك تترجم حسبالك رحت؟!! لاما رحت موجود.. وهذا الوگع من ايدك دهاك الزم دايخ بيه دايخ هسه شموازيك فضها وكول احبك شلك بهالهم يعجبك شكلي صوتي ووكفتي وممشاي حافظني حفظ تندلني وين انشم متردد بطبعك حذر مدري شبيك ترجع الف خطوه وخطوه تتقدم اذا حتى السلام ترده بالمثقال ما اسلم تكول شدعوه ما سلم لكن هم اعذرك عقلك مأذيك الله يساعدة چم قسم يتقسم ما بين المكابر والخجل والشوگ والحب والشرف والنسب وابن العم ترا الدنيا گصيره والسنين خفاف من تتبده منك بعد ما تنلم💕😏
Oops! This image does not follow our content guidelines. To continue publishing, please remove it or upload a different image.
