#بيوت_الشمس
#البارت_الثاني
#للكاتب _ محمد_ ابو جود
لا ما تحس !! ، و انه ادري
بيك شكد نَحس ..
و لو دمعي حط چادرحِزن يم غيبتك ،
ضحكاتك تچودر عِرس ..!
شمس : كاعدة ع الكرسي بالمطبخ و اني اشوف امي و نسوان عمي يشتغلون بدون صوت حيل يخافن من الشمس و بنفس الوقت يكرهنها لان الشمس ما خلت احد يحبها و للأسف اني اسمي عليها اني شمس و هي الشمس
اني بطبعي دائما ساكتة و هادئة حياتي عبارة عن اكل و نوم و موبايل و مرات نطلع اني و ميسلون لو البيت يحترك ما ادخل بي
الدراسة بصف خامس اعدادي و تركتها من بين صفنتي فززتني زينب اختي
زينب
" وين صافن الحلو "
شمس
" عوفج مني انتي وين جنتي "
زينب
" رحنة اني و حور للسوك جبنة كم شغلة تعرفين دا نجهز للعرس يوم الالج ان شاء الله "
شمس
" اسم الله فال الله خير من فالج "
ضحكت زينب و راحت لغرفتها ترتب بالغراض جان بوقتها زينب مخطوبة لحيدر ابن عمي شاكر
و طبعاً هل شي تم بطلب من الشمس لكن بنفس الوقت زينب و حيدر واحد رايد الثاني يعني أمر الشمس اجة من صالحهم
الوحيد من احفاد الشمس زين هوا حيدر و محمد اما الباقين ابد مو راحة
اما احمد و امير كلش مو محترمين و خاصة ويانا البنات غلطهم كلش قوي
اما بنات عمي سما و كوثر علاقتي بيهم شبه معدومة
اما حور بنت عمي شاكر علاقتي حلوة بيها يعني مو كلش قوية بس بيناتنة محبة و احترام
اتنهدت و كمت للغرفة اتمددت كلش مخنوكة و ضايجة ما عندي شي اسوي رغم عرس زينب و حيدر بعد كم يوم لكن اني كلش ما الي خلك الة و ما مجهزة نفسي صادف يومها احد
و حنة حيدر و زينب الخميس و العرس الجمعة مسوينة بقاعة لان معازيم الشمس كلها ناس معروف دكاترة و مسؤولين بالدولة يعني كلة من الطبقة العليا
دخلت ميسلون للغرفة و كالت
" ليش كاعدة هنا كومي خلي نطلع اني وياج نغير جو و نتعشى برة و نشتري ملابس للعرس و الحنة خوما عرس اختج و انتي ما مشترية "
شمس
" اي والله ياريت خلي نطلع " كمت بدلت بسرعة ما دام طالعة ويا ميسلون ماكو داعي استأذن من امي لان تسمحلي اطلع وياها طلعنا اول شي تمشينا دخلنا مولات ملابس اخذنا كم حاجة اشتريت بس فساتين مال محجبات للعرس و الحنة عندي فساتين حفلات كلت البس منهن مو الا اشتري بعدين رحنة لمطعم تعشينا و كعدنا نشرب عصير
شمس
" ميسلون "
ميسلون
" عيونها "
شمس
" اروح فدوة لعيونها "
STAI LEGGENDO
بيوت الشمس (دمار)
Casualeبيوت بها اسرار و بها ذنوب لا تغفر و لا تنسى سببها أمرأة متسلطة حاكمة ظالمة انتم انظروا للحكاية و اعطوا وصفاً للخفاية
