أولاد الوازنة

الجزء الخمسون

...و تمر االايااام !! ايام قليلة فقط ، كل عائلة تتعيش روتينها و حياتها خصوصا عطلة الصيف الايام تتمر بسرعة ، هاد المرة الوازنة كامت مع ابنها سعادة السفير ، لانه قريب يودع البلد و جابها دوز معاهم هاد الايام..لكن لليلة عندهم تجمع عائلي ، مثل اي عائلات مغربية العراضة تتدور
جنى : ( هازة عكر فيديها ) آلميمة ! انا نحماق على هادوو
الوازنة: ( تبثت شوفة ) اوا زيدك مع هاد جيل! حشوومة ابنتي
جنى: ( تتقاتل مع كلمات ) ولكن انا يبغي هادو
الوازنة : الله ابنيتي مالكي مع العربية معكلة
امير : ( مبتسم ) راه شوية دبا الميمة تتهضر ، اما صغرها غير تاتشوف فيك
الوازنة: من الخير ! اوا يا الحبيب راجعين تاني داك البلاد لي الله يعطيكم خيرها و يبعد عليكم شرها
امير : آمين الميمة ! تانا مخنوق فيها ماعاجبانيش
الوازنة: انا اوليدي غير دراي لي بدلت ويشدني شوق و نمشي نطل ! عساك البلاد بالبلاد
امير : ( عنقها جنب قبل راسها ) تنتوحشوك الميمة
الوازنة : ( دمعت عينيها ) حتى انا الحبيب
جنى : ( قربت عند الوازنة مسحت عينيها ) آمبكيش الميمة ! انا تاهيا لوفيوو
الوازنة: اوا الحبيبة مافهمتك
أمير: ( جر ختو معنقهاا ) قالت ليك هاد الكاجوية تتبغيك الميمة
الوازنة : آفرحي اسعدي بزينة لبنات
...الوازنة حضن دافئ و الحب لي تلمسو فكلماتها ، كانت خدامة تتعاون طريطور لي بدا يرتب للعشا لليلة و جنى تتمشي تتجري جهتهم و امير حاضي معها لاطيح لانها ماتتركزش فللعب ، تاهز نظرو فوق للمح ليالي نازلة لابسة جبادور اسود مع دجين
ليالي : ( تتسوط ) شوية احبيبى ، صحتي ضراني
_الوازنة : اوا ارتاحي ليك ابنتي
ليالي: الله يزيد فراحتك اطاطا! عيت من نعاس قلت نزل نتوانسو على مايوصلة لبنات
الوازنة: الله يشافيك ابنتي
ليالي : آمين اطاطا ! نتي مرتاحة؟ ياكما ناقصاك شي حاجة ؟
الوازنة : الرحمة سيدي ربي ابنتي!
..ليالي حطت يديها على فمها طنت انها تكرع لكن ردات ..ناضت تتجري خلااتهم تيشوفو و امير تبعها ..
...تيسمع غير صوتها تترجع ! و الكحبة تتكحب و تتعصر..طل عليها وتم خارج يتصل بمغيث حتى لقاها داخل هاز جنى تتبكي خايفة
..مغيث : خود ختك و خرجها جردة !
..دخل عليها الحمام لقاها مرخية على لافابو و تتلهث ! صفرا و عينيها داخلين
مغيث : ( قرب عندها ) عمري ؟ شنو ضارك ؟
ليالي: ( جرت فوطة تتمسح فمها جلست على ساش ) مااايمكنش ...
مغيث : ( نزل مستواها تيسألها بعينيه ) شنو لي مايمكنش ؟ ( تبع يديها نزلت للكرشها ) تعطلو عليك ليغيكل ؟
ليالي: ( بتذمر ) تلف ليا حساب ! اااخر حاجة نتوقعها هيا لاكغوسيس !
مغيث : ( شد يديها فرحان ) الرزق من عند الله!
ليالي : شحال بقى ليا لأربعين!؟ تلت سنين بففففف
مغيث: ( وقفها معنقها ) يونسناا ! بااغيهم شحال ونا تنتسنة شي بيبي يزيد يعمر علينا
ليالي: مي كنت تندير احتياط غير هاد شهور مابقيتش منتظمة
مغيث : ( طبطب على حنكها ) خاصنا نتأكدو ! يااربي يكون نفس توقعنااا
ليالي : ( هزت فيه عويناتها مرمشين ) شبه متاكدة ! غير ما عندي جهد اولادنا كبرو
مغيث : ماكبرو والو ! فوق ماجا الخير ينفع ، مهم الصحة
مغيث: ( قبلها فمها قبل متعددة) حشمتي ؟
ليالي : جاتني حشمة و الله ! خصوصا لافامي كلها كاينة
مغيث: نأجلو الفرحة الالة ! مايكون غير خاطرك ، اتصل بيا يعقوب
مغيث: ( عنقها خارجين جهة جردة تسم هوا ) نكولو عارض راسو ! متشبث برؤيا بزاف
ليالي: ضروري خاصهم يتعرفو اقل حاجة
مغيث : تعارف تيدخل فالرسميات ! من غير هاد مصطلح بتعتير مصاحبة وهادشي فاروق يقدر يقلب عليه و يسمعهم لرؤيا
ليالي : مالزموش يزير عليها
مغيث : مامزير والو ! تيخاف على رؤيا و شايف العجب فهاد دنيا لي يخليه يشك فخيالو ! بارح حنا جابدين هاد موضوع، و عاود لنا واحد بنت شي حاجة فمخزن البنات خرجو على ابنتو عطاوها شي قرقوبي خلاوها تحيد حوايجها فزنقة
ليالي : لا حول ولا قوة الا بالله!
مغيث : ها علاش هو خايف عليها ! عارف عندو نقرة صافية ولكن بنادم ما يقيلكش !
اليالي : دنيا مابقى فيها مايعجب
مغيث: الدنيا هيا هيا ! بنادم لي مابقى فيه مايعجب ..( قبل راسها ) ارتاحيتي ؟
اليالي: وي ! ندخلو طاطا جالسة بوحدها
مغيث : ( جرها داخلين جلسها حداه ) الواااليدة مرتاحة ؟
الوازنة : اللهما لك الحمد اوليدي ! شوية آبنتي ؟
ليالي : ( بخجل ) حمد الله اطاطا
...مجموعين بيناتهم و جنى منشطة القضية و امير ملاهي مع تلفون، اما رشيد و غيثة طلعو فرنسا بحالهم ، ساعات وصلو نوصير وزاينة و اولادهم و نبيل و عائلتو ، فرمشة عين الجو تيتنشط باصوات دراري ! جنى مع نعمة و توام مع امير لاصقين فيه يوريهم للعبة لي عندو فالبيت و العرايسات مع الوازنة تيتحدثو
اسماء: قالك تيتسناو جدارمي
زاينة: نااري شي نهار يسمعك ! راه آجودان
اسماء: ( بطنز ) اااه وي !؟
ليالي : عهههه منين شديتي لفونسي ؟
اسماء : ( بجدية تامة ) فصغري كنت تنهضر غير هولندية
ليالي : بصح ؟ مشيتي لصغرك ليها ؟
زاينة: ( شدات كرشها ) ههههههه العداااو
أسماء: ( دفعاتها تاضحك ) تنضحك معاك امرات السفير ..ياك هاكا سفير
ليالي: ناري خاصك دخلي داك ليمسيون ضحك ..خطيرة ..
...بعض البيوت المغربية تقدر كلامهم طبيعي يكون صراخ و صراخهم يكون صراع ، الا كانو من زعماء العائلة راه تيتجمع صراخ و الصراع اثنين ..مثل العادة فاش تيكونو معروضين ضروري كومبا تنوص
براء: وااا غير كولي ليا اماما دبا واش منهزش راس
فاروق: ( طاح ليه سورات نزل جابهظ تيهضر ) رااااه الباااب شفتيه ؟ يلاه رووول بلا باكاج
خديجة: ( واقفة بحال لاربيط بيناتهم ) ياااك رااه فعطلة ؟ خليه ياخد راحتو فللبس
فاروق: فينا هووو هاد النم ؟ ( تيشير شورط مقطع ) هدااا لباااس؟ مريكان تتلبسكم ليهم لبس شياطة
براء: ( بضحكة فقصة ) ااااه العااااالم تيلبس شياااطة ! انت فين ما تحراف ليك دوز عندي
فاروق: ( بإشارة امر ) دوز تريح مع مخخخحك ..
خديجة: فاااروق صافي !! ( بهدوء ) طلع اولدي بدل عليك ، تاتكون مع صحابك والبس لي بغيتي
فاروق: من الادااااب ! ابنااادم للبس قصير عيب ، جرب دخل شي إدارة ولا مدرسة بشورط مقطع شوووف واش يدخلوووك
براء : ااش داني شي ادااارة ؟ ااانااا متبع راااسي ولي كااال ليا راااسي
فاروق: راسك سلكوووط ! رااااسك بالعربية تاعراابت خاص دلمو تهراس ..
براء : ( تجنن تيتهز ) مااااامبدلش ! انااااا ماااااامبدلش
قاروق : لهلا فين يبدلها ليك ! بحالك نيت ماشي ديال جلسات العائلية
فاروق: تتسول اصفر سيفة ؟ شتي داك سراح الغنم لي فدوار تعطيه هاد حوايج يديرهم جفاف
براء : دبا السراح احسن مني ؟ سير جيبو يكون ولدك! انا باللله العلي العظيم لا زدت ضربة هنا
خديجة: ( ناضت تتجري شداتو ) برااااء سمعني
براء : ( دموع مجمعين ليه ) صافي اماما خليني ! ياك شتيه تيجري عليا ؟ خليني نمشي هو ديما حاكر عليا وابزاااااف
فاروق: ( تيلبس صباطو ) باغييك راااجل الحماار !
براء : ( بالغوات مجنن ) راااااجل ! و فوووتني الواااليد ، شتي اناااا و ضد خووووت واتت تاتشد معايا ضدد
فاروق: ( وقف تيشير للباسو ) هااا رجووولة ! شتيها ؟ اما ضد دبا نوريك ضد معقول
خديجة: ( شدت راسها منزلاه تحت تا غواتات ) براااااااكة
فاروق: ( برود ) مالك تتغوتي ؟
براء : ( بتوتر) تعصبيش اماما ! انا نطلع نبدل
..وقفت دايرة يديها على خصرها ! مرضوها عصبوها ! للحظة لي غواتات و نسحبو ، ظنت انها تتحلم ولا تتخيل ..رجعت حمرا مزنكة تانزلت رؤيا هازة صاكها كانت دايرة موسيقى ما سمعت والو
خديجة: ( خنزرت ففاروق وبراء لي هابط مبدل ) قسمااا بالله الا حشمت بلاصتكم ! كن ما وجه صاحبتي و مرات لوسي قربت تمشي ياهاد ليلة نوصلها معاكم فين مابغيتو
فاروق: ( عنق رؤيا ) والو الحاجة ! آجي بغيت نهضر معاك آبنتي ..
..جرها من يديها متجهة جهة سيارة، تافتح الباب حط لافيست دار عندها ..
فاروق: شنو ابنتي ؟ فكرتي ؟
رؤيا : ( تتزير على صبعانها بعرق حنات راسها ) صمت
فاروق: اسمعي ابنتي ! العيب ؟ هو نهضرو فشي حاجة محرمة ! العيب هو نخون تقة والديا ! العيب هز نكذب و نستغفل والدينا ! اما الصراحة فهاد مواضيع ضرورية
رؤيا: ( تتسمع بامتعان ) بابا ولكن ماتقلقش مني؟
قاروق: ( هز حواجبو و يديه بمعنى لي بغيتي ) هضري تنسمع !
رؤيا: كولشي اشكر هاد الشخص ! انا راه تنميز الامور ة فهمت قصدكم ، ولكن ابابا واش ممكن نتعرفو كما نتما تعرفتو على العائلتو ؟
فاروق: ( سخانة طلعت معه ) التعارف يكون بأخبار الوالدين و عندو شروط!
فاروق: ( دوز يديه على شعرها ) الله يرضي عليك ! انا غادي خدمةو فطريق نتصل بعمك ، و نبغيك ماتخبعي عليا والو ولا على ماماك
...المعنى واضح ! موافق على طلبها لكن يكون بأخبار العائلتين هدا تيعني انه شبه مخطوبين ، ركب سيارتو مشى عاد خرجت خديجة مع براء تتغسل ليه وذنيه ، ركبو فسيارة متجهين للفيلا مغيث ، خديجة لابسة جلابتها و براء لبس شورط عادي ورؤيا كما عادتها البسها بسيط لكن ماركة ومواتيها مع زيننها المأذب ، رجيلات بيوض و شعر ذهبي تيبري ، طريق كلها تتكلم مع رؤيا تاوصلو ....خديجة طردت الغضب و اسلمت عليهم بصواب الابتسامة و براء مجمع مع امير و زياد لي عاد وصل ..مجمعين على ضحك و نشاط مع اسماء لي تتعاود مغماراتها ،تاحطو العشا و موراه دسير ...مع انتهاء وقف مغيث شاف رؤيا
_ على عادتها تتلبي طلب دائما ، عنقها جنب خارجين الجردة تيهضر معها على ما ستوعبت الامر لي مطلوب منها شافتو قدامها مبتسم ماد يديه ليها
رؤيا: ( قلبها قرب يوقف جاوبات سلام بالقول ) السلام ...
...عرفت جنس الذكور! قرات و عندها اصدقاء ، عندها الفيس بوك و انسطا و كانت تتعرف و تقلب دورة خوفا من المستخبي ! فضلت تصاحب مها و براء و اسماء و امير فلانسطا ، دائما توصيات فاروق بين عيونها ، شافت اولاد مع صديقتها و اعجبوها و ضحكو و نشطو و جمعو وطواو ، لكن عمرها دخلت فعلاقة ..اول مرة توقف مع الشخص قصد دارها نيشان للزواج ، شيء ممتع لانوثها و شيء مخيف للحريتها ....ماقصدتش ماتسلمش لكن صدمة غلبت
يعقوب: ( حط يديه على صدرو مرحب بحركتها ) تفضلي !
..وقفت تتشوف مغيث لي خلاهم براحتهم و جلس مع خوتو مقابلين ليها ؛ الا غاب اباها فراها عندها ثلاثة ، ماقدراتش تجلس بالحشمة حتى كرر طلب عاد جلست منزلة عينيها ارض و تتزير على صباعها و تتنفس بهدوء و عاطية بضهر للفيلا هو جالس فالكرسي جنبها مقابل لييها ..ثواني من صمت تا سمعت صوتو رجولي الهادئ و يديه تيحركة مصاحبين كلامو
يعقوب : ( بنظرات اعجاب ) رؤيا ياك !؟
رؤيا: ( حركت فقط راسها ) صمت
يعقوب: ( مراقبها بشدة ) انا اليوم طلبت نشوفك نتكلمو علينا ! تسوليني و نسولك الا ممكن
رؤيا: ( هزت عينيها ببطى ) ممكن
يعقوب: عندك شي أسئلة ليا !؟
رؤيا : ( بصوت رقيق منخفض ) اسئلة الاعتيادية راه عرفتهم ..
يعقوب : مر حبا ! نقدر نعرف شنو مخليك مترددة فطلب زواج ؟
رؤيا: ( تتحاول تكلم وتشوف فيه ) حياتي و قرايتي
يعقوب : تقدري تزيدي تشرحي ليا ؟
رؤيا : صراحة الزواج ماكانش فمخططات دياولي ، مقررة من هنا عامين نقرا انشاء الله
يعقوب : الله يسخر ! شنو تقراي بضبظ ؟
يعقوب : مزيان ....هاد التخصص كايوفر فرص شغل للخريجين دياله على اعتبار أنه تخصص مطلوب في سوق الشغل
رؤيا: الا كتاب ! هاد الدراسة لازمني ليها عامين
يعقوب : بنجاح انشاء الله! صافي هدا هو طلبك!؟
رؤيا : ( رمقتو بنظرة مفاجأة ) وي
يعقوب: اولا انا من الناس لي خدمو و درسو فحياتهم ، و ختاريت المستقبل اولا على شهوات الحياة ، ربي ماخيبنيش ، انا وعد مني عمرني نوقف فطريقك من ناحية الدراسة ! بلعكس نساعدك حتى تخرجي و حتى الخدمتك مطلوبة
يعقوب: هادشي خاص بينا حنا ! هاد الجلسة رسمية و باخبار العائلة ، يعني الا تافقنا حنا بجوج ماغادي يزيدونا غير الخير
رؤيا: ( حست بحناكها تزيرو ) صمت ...
يعقوب : ( تحن تحن باش تشوف فيه ) انا واحد الشخص لي واضح بزاف ربي شاهد عليا ! شفتك و بغيتك و قصدت العائلة ، حتى الا بغيتي نتنظرك عامين ؟ مستعد ننتظرك
رؤيا: ( تتلعب بصبعانها ) انا مزال مامتأكدة من موضوع الخدمة ! لكن ماتنشوفش راسي مزوجة بضبظ فهاد الوقت ! نتمنى تفهمني
يعقوب: ( بابتسامة جذابة ) فاهمك ! خاصك غير نتي تفهمي قصدي !
يعقوب: انا قلت مستعد نتظرك ولكن لازم تكون خطوبة رسمية بينانتا ! حنا نتواصلو باخبار العائلة نزيدو نتعرفو و مايكون غير الخير
رؤيا ...اخيرا توضحت لها صورة ! نزلت راسها بخجل ؛ متوترة ، كل شئ مثل الحلم، مراقبها مرة ينزل راسو مرة يراقب تفاصيل وجها و عينيها تاهزت راسها فيه
رؤيا: ايكون الخير انشاء الله ! حتى اتكلم مع بابا
يعقوب : ( بفرحة داخلية ) موافقة !؟
رؤيا: الا بغى الله ! هو بغيت نعرف واش عندك شي شروط ؟
يعقوب: ماعنديش شروط ارؤيا ! ونتي ؟
رؤيا: شرطي هو مستقلبي ! لان حتى انا قريت و تعذبت او الوالديا تينتظرو مني الشهادة العليا
يعقوب : ( بإعجاب ) الله يكملك بعقلك ..
يعقوب: ( وقفها ) رؤيااا ! رقمك ؟
رؤيا: من بعد ! تنشاور مع بابا
..هربت منو ! تنهد تنهيدة لي تتخليه يطلعها من قلبو ، كان عاجبو الزين زاد حمقو الاخلاق و تباثة و صراحة ....فرح من قلبو ، فعلا من داخل قلبو موافق يوقف معاها على مستقبلها فقط تحن فيه تواقف . ..
يعقوب: شكرا بزاف اسي مغيث على وقفتك ! حمد الله وافقات على خطوبة الرسمية على ماتاخد شهادة العليا
يعقوب: الله يكرمك! انخبر الواليدة بعد غدا نكونو عند سي لاجودان لانه الاتنين عندي الطيارة
مغيث: الخير البر عاجله ...
...من داخل فيلا دخلت مزنكة سخانة شاداها ، اخبرتهم بقرارها و فرحو ليها، كلها منين تينصحها و يشجعها حتى دخل عندهم يوسف
رؤيا : ( رجعت حمرا ) اسكت
رؤيا : ( شافت فيهم هما يوقففو حوار منتبهين ليه ) نصح نشوف
يوسف: راه زواج فيه صداع ! حق مولانا ، اما االا ولدتي توام بحالنا ؟ راه تبقاي تسرقي راجل الفلوس و يخونك
اسماء: يعطييييك الحلاقم ! درررك كماارتك
يوسف : ( تيشير أسماء ) شوفي فماما تسطات ! نهار يجيوني حلاقم تتبكي عليا