المهيب ابو الاكبر
البارت الواحد والثلاثون
مريم: لا عفيه ابقي مع طيف وروحي نظفي غرفتها
سدم: هم حاجيتي خاله ام سرمد شتكول شلونها
مريم: الصبح جايها الدكتور وكايل زينه تكدر تمشي جلطه خفيفه وطايحه بيدها راح يطلعها سرمد على حسابه
واني اريد اروح ويا سرمد خاطر ارتاح لحد لان ممرتاحه
سدم: بستها اعرف بكلبج مثل المر عليج مر عليه
مريم: الله يساعد كلبج خيه بعد لو بجيتي ماالومج ابدا وكامت تبجي الام اغلى شي بلكون كله ..يله اتاخر على سرمد مثل ماوصيتج
سدم: روحي نزلت جوه واني طلعت للغرفه نفظت ملابسي متلوثات لن جنت جوه الجربايه عدلت شالي ونزلت
نسوان تكثر ماتقل وطيف صايره بنكلاديشيه تركض هيج وتركض هيج ولا ملحكه ومعاها ايه ..بسرعه باوعتلي ايه
طلعت الغرفة خاله ام مهيب .دخلت وسديت الباب ..باوعت كنتورها مطلعين كل ملابسها يدورن الها على ملابس سود من اجانه الخبر مهيب استشهد كعدت اصفط بملابسها وانفتح الباب
اية: شنو جاي اسوين
سدم: جاي ارتب بملابس خاله ام مهيب
اية: اتسطرين بيهن لو جايه اتبوكين
سدم: ضحكت اية مو بخلك مشاكل الله شاهد وبعدين بفضل جدي وجدتي معايزة شي وابوك
اية: اهل الشوارع معلمين على البوك
سدم: لا بلعكس اهل الشوارع شايفن انواع البوك من اهل البيت وساكتين
اية: تقربت من يمها ورفستها برجلها هسه احنه وينا وين وانتي هنا سطرين
سدم: ليش وينا وين الف الحمدالله مهيب طلع عايش والف الحمد الله خاله عدها جلطه خفيفه ليش وينا وين
اية: ههههههه هسه اعرفت مصلحتج جايه تتمصلحين حت يحنون عليج وياخذونج ال مهيب
سدم: اذا بالج هشغله اني مو بالي وبعدين مااجيت من كيفي مريم كالتلي
اية: بنت امس الاجت مالها حق تدخل للغرف بدون اذن منا ليش احنه شنعرف عنها وهيه امس اجت
سدم: اذا انتي بعينج شايفتني بت امس لا والله كلبي خل افهمج اني صارلي اشهور وراح اصير بنت سنه وسنتين وسنين ابقه… كافي دوخت راس عيني احجي من الاخير شرايدة
اية: اوووووي يدوخ راسها مسكينه لعد شلون جنتي تتحملين حرورة الشمس تصكع فوك راسج وصوت لسياير والعالم تمشي وانتي واكفه خاطر ربع دينار يشمرون عليج بيها اوووي مسكينه كسرتي خاطري نزلت دمعتي عليج
سدم: نفزرتني من كالت اليه هيج حت الخنكه صرتني كمت اتقوئ مع روحي واكول النفسي مستحيل تبجي كدامها لا تضعفين :اية احجي شنو رايدة بلضبط
