الى كل الزينبيات 5

تريدين تصيرين مهدويه

تريدين تصيرين مهدويه وتجيج الراحه النفسيه تريد تصير مهدوي وتجيك الراحه النفسي قبل ما أبدأ خلي ايدك على قلبك وتخيل دقات نبض قلب الامام المهدي عج)فقط ثواني هااا كملت تعال وياي نقرء سوه😊👇

ترى الدين سهل كلش والتعلق بالامام المهدي عج) اسهل شي بالدين وراح توصل لحب الله عن طريق هذا الامام المعصوم نبدأ من الصباح الكل يعرف دعاء الفرج مجرد ثواني بس تحاول تگوله من قلبك🤲

بس قبل الدعاء گول صباح الخير يا مولاي يا ابا صالح اني اعرف بيك بعدك ممتعلق اذا تگدر اقرء دعاء العهد واذا صعبه عليك خليه لان العافيه بالتداريج بعدك بأول الطريق🤗

اذا رحت للعمل او للمدرسه او عمل بالبيت فقط 3مرات من قلبك صل على محمد وآل محمد واهديها لحبيبك الجديد وهو المهدي عج) بوقت صلاة الظهر بالدعاء لا تنسى دعاء الفرج🤲🕊

واذا عندك مجال اقرء زيارة آل يس وقتها ثواني يجي العصر اهدي 3مرات الصلاة على محمد وآل محمد بس اهم شي من قلبك مو بس لقلقة لسان يجي وقت صلاة العشاء لا تنسى دعاء الفرج ومن اتكمل صلاة اكو دعاء الفرج الثاني هو هم ثواني بدايته (اللهي عظم البلاء😔🤲🕊

ومن تكمل يجي وقت النوم قبل ما تنام اهدي 3 مرات ايضا الصلاة على محمد وآله وسلم على الامام وگوله طابت ليلتك هذا عملك اليومي راح تجيك الجمعه زيارة الامام المهدي يوم الجمعه ايضا مجرد ثواني او دقيقة⏱

وبنفس اليوم بما انك جديد تحاول تقرء دعاء الندبه كل جمعه دائما خلي كل دعاء وصلاة وقراءة قرآن بخشوع حاول جاهد لاحك ع الدنيا بس هاي الأوقات اغلق ابواب الدنيا شوف وخليه ابالك لا سامح الله وگعت بمشكله روح لحبيبك وبكل ثقه وتوسل بيه عند الله حتى يخلصك من كل شي لان هو امام معصوم ودعائه مستجاب لا تنسى الله هو حب وحنان 🕊

موعدنا بالجنة😍 بإذن الله تعالى نعم لان رايحين للطيف الرحيم ✍️

‏إِنَّ اللهَ ومَلائِكَتَهُ يُصَلُّونَ علَى النَّبِيِّ
يَا أَيُّهَا الَّذِينَ آمنُوا صَلُّوا عَلَيهِ
وسَلِّمُوا تَسلِيمًا 🍃🌺🍃

استغفر الله العظيم واتوب اليه
‏

لا إله إلا أنت سبحانك اللهم أستغفرك لذنبي وأسألك رحمتك اللهم زدني علما ولا تزغ قلبي بعد إذ هديتني وهب لي من لدنك رحمة إنك أنت الوهاب 🍃🌺🍃