..........
وقف هاني : تبون المحطه ولا نكمل ناخذ شقه
لف هتان ع م محمد النايم : لا شوف ذي المحطه وقف عندها ابيها
وقف هاني عندها نزلوا الا محمد
دقايق ووقفت سيارة خالد جنبهم نزل وتوجه للمحطه ودخلها
قام محمد لما حس بالحر فتح عيونه ما حصلهم جلس يتمغط ولف شاف المحطه ظن انهم فيها ارتكى ع الدريشه وويناظر بالسيارات
حس بالجوع نزل وطلعوا هاني وهتان بالاغراض وقف قبالهم : جوعان
ضحك هتان : جبنا اكل معليك
شال الاكياس هاني : يلا امشوا
طلع خالد ببكت دخان وهو ع حاله وقف مكانه لما شاف محمد يسولف مع اللي معه
رمى البكت وممشى له بسرعه ووقف وراه : م محمد
محمد صنم مكانه واقف ما تحرك ولا ناظر فيه عارف عارف ذا الصوت ما يبي يلتقي فيه الحين
لف هتان عليه واشر ع محمد : تعرفه !
هز راسه ومسك كتف محمد يلفه وناظر بوجهه محمد يكبت رغبته القويه فيه ابعد يد خالد : ل لاا
سحبه بيده : ناظرني محمد كيف ما تعرفني ان
قاطعه هاني اللي دفه : قال ما يعرفك تسمع
مسك ياقة هاني وصرخ : ا انا انا اعرفهه ذا محمد والله محمد
فرق ما بينهم هتان وابعد خالد : لو سمحت ابعد ما نبي مشاكل هو قال ما يعرفك
محمد يناظر وقلبه يعوره ع حالته غمض ورجع لوراء بيركب
سحبه بقوه وضمه : لا تروح لا تروح محمد وربي ضعت بعدك
انغمس محمد بدفاه عض شفته ما يمديه ينطق الا بهاني سحبه ولكم خالد ع وجهه وطاح من التعبب
شهق محمد وهو مصدوم من جسم خالد الحار ولا اللكمه ولا هالاته السواء اللي ماليه عيونه
قرب بسرعه وتعاون مع هتان وسحب هاني عنه ونزل بسرعه عند خالد اللي يأن بألم دمه اللي امتلى فمه وانفه لف ع هاني بصراخ : ليش تسويي كذا ليش تضربه
قرب هاني له بعصبيه : هيي ورع تبيني اشوفه يتحرش فيك واسكت
سفهه محمد ورجع لخالد يضرب خده : قووم خالد الله يخليك قوم
