بنت بمدرسة عيال |كاملة

ذكريات

صراخ والدتها وهي تقول: ليان!!! كم مره قلت لك لا تغلطين
رجفت الطفله ذات الست اعوام وهي ترجف: اس اسفة ماما بحلها زين المرة ذي
اكملت الأم صراخها وبغضب: لازم تكونين مثالية !!
لا تخلين الناس تتشمت فينا وتقول بنت عيلة الديثير غبية!!!
بدأت تبكي بصمت
بينما امها ضربتها كف وهي تكمل صراخ: لا تصيرين ضعيفة!!!!

بلغت عامها التاسع

فتح الباب الحديدي
وهو يدخل بجسده الضخم
وعضلاته الكبيرة
وعينه الحاده
والثانيه اللي مغطية
تكلم بصوت جمهوري: ليان!
اللتفتت له ببرود وبعيون ميتة ماتناسب طفلة ابدًا: هلا؟
جلس على احد الكنب اللي باللون الفضي
وتكلم: اجلسي
جلست امامه باستغراب لقدومه لها اربع سنين ماشافته
اكمل كلامه بصوت حاد: بما انك وصلتي لعمر التسع سنين بتكون اليوم اول مهمة لك
اقتلي امك!
فتحت عيونها بصدمة وبعد ثواني قليلة رجعتها لوضعها الطبيعي
وهزت رأسها بالايجاب
بينما ابوها طلع من الغرفة مثل مادخل
كانت عارفة انه بيجي ذا اليوم
كل شخص يوصل عمره تسع سنين بعائلة ال دريتل لازم يقتل شخص قريب منه
يا امه يا ابوه واذا عنده اخ او اخت يقتلهم
واذا ماوافق بينقتل هو...
والسبب لوجود القاعدة ذي
عشان يتأكدون انه الطفل مابيتأثر بالمشاعر بالمستقبل
لانه المشاعر بتعارض مهنة القتل...

تعرف انه امها قوية كثير
عشان كذا لها اسبوع تخطط لخطه تقدر تقتلها فيها

الساعة ثلاثة الفجر
دخلت الغرفة بهدوء بدون ماتخرج اي صوت
ناظرت الجسد اللي نايم على السرير
وقربت من وراه
غمضت عيونها بخوف وبتوتر
قربت السكينه لعنق والدتها
تراجعت للخلف بخوف وبعدم رغبة لقتل امها
او بالاحرى لعدم رغبتها بقتل اي شي
حست بشخص يمسك السكينة اللي بيدها
رفعت عيونها وهي تشوف امها تناظرها بنظرات مرعبة
اترجف جسدها اكثر
تكلمت الام بنبرة مرعبة: للحين ضعيفة!
وبحركه سريعة قربت السكين لعنق بنتها وشدت شعرها وصار وجهها قدام وجه بنتها المرتعب

بينما ليان اخرجت سكين صغير من جيبها بدون انتباه امها
وادخلته بعنق امها من الخلف
حست بجسد امها يسقط
وابتسامه غريبة اعتلت وجه الام واطلقت ضحكه مرعبة
:ههههههه
اغمضت عيونها وجسدها هوى على الارض وفارقت الحياة
بينما ليان
كانت تناظرها برعب
رجعت للخلف
وهي ترتجف
حست بيد ضخمة انحطت على كتفها
اللتفتت للخلف
وهي تشوف ابوها وعلى وجهه ابتسامه
بينما هي كانت ترتجف بخوف للحين...

بعمر العشر سنوات

طلب ابوها منها تقتل احدى اكبر رجال الاعمال هو وعائلته

خرجت من منزل الرجل
ووجهها مليان دم
واصابة بكتفها
بس كانت عيونها ميتة خالية من الخوف
اعتادت على الموضوع

استمرت سنوات حياتها ال١٥ وهي تقتل الناس ببرود
وصارت من اقوى الاشخاص بعائلة الديثير

والدها طلب منها طلب غريب وهو انها تقتل طالبه بالمرحلة الثانوية
من اول مابدأت عمليات القتل بحياته ماطلب منها تقتل مراهقة
بس قررت تكمل مهمتها بدون اهتمام للأسباب
وعشان خطة قتل الطالبة اضطرت تدخل المدرسة
اول مره تدخل مدرسة
طول حياتها تتعلم بالبيت
عشان كذا كان الموضوع غريب عليها بالبداية
بس سرعان ماتأقلمت مع الموضوع
كان كل تركيزها بالمدرسة على الطالبه اللي طلب ابوها منها تقتلها
عرفت موعد خروجها من المدرسه وموعد دخولها ومع مين تروح ومع مين تجي وحتى ابسط التفاصيل عرفتهم

وبالنهاية قتلتها ببساطة
وبعد ماقتلتها
قررت تكمل السنة  عشان طالبة عرفتها وشافتها مثيره للانتباه
وبنهايه السنه طلعت من المدرسة زي مادخلتها
بس ماقطعت علاقتها مع الطالبة اللي كان اسمها"لين"

كانت اول مره تتواصل وتتعمق مع شخصية غير عائلتها الملوثة
شافتها كيف عايشه حياتها
واستمتعت معها كثير
بس بالنهايه
عرف ابوها وطلب منها قتل صديقتها لين...
عشان كذا قررت تهرب من عائلتها اللي بدأت تستوعب انهم غلط
ليش اقتل الناس؟
وش السبب وش الفايدة؟
كل الناس تستحق انها تعيش؟
يمكن الاشخاص اللي قتلتهم فيه ناس تحبهم وللحين تبكي عليهم؟
بدأت تفكر بالموضوع ولأول مره
وقررت من وقتها
تبعد عن اهلها وتهرب منهم
وحاولت تهرب بطرق كثيرة
بس كانو بكل مره يلقونها
عشان كذا بالنهاية استسلمت وقررت تغيير من كل شي فيها وقررت تهرب لمدرسة عيال
بتنمر الاشخاص عليها
غيرت جزء من رأيها
"بعض الاشخاص يستحقون يموتون"