"المتمرده والقاسي"( ♥بقلم/ Sara ahmed ♥)

البارت الثالث

من الممكن ان تصبح حياتنا جميله في لحظه فقط عندم نومن بها ❤

فى فيلا الشرقاوي

كان الكل متجمع على سفرة الغدا

امل :- امال فين أدم
ريم :- ما انت عارف ادم بينزل اخر واحد من الشركه يجى يغير هدومه ويمشى تانى
امل:- انا تعبت معاه ومش بيسمع كلام حد صوته من دماغه وبس نفسى يبعد عن السكه اللى ماشى فيها دى
ساره:- كلنا يا ماما نفسنا أن هو يبعد عن السكه دى بس دماغ ابنك تعبانه ربنا يهديه
ريم:- على فكره ابيه أدم طيب جدآ بس هو عنده مرض اسمه حب السيطره فبيحاول يثبت نفسه فى الطريق ده مش معنى كلامى بقول أن هو صح بس مش عايز افش لأنه عمره ما هيسمع كلامكم بالطريقه دى بس ممكن نشوف ليه واحده تقدر تخليه يبعد عن الحاجه دى ويحبها هى ويتجوزها ويبقى كده بعد عن الحرام وبقى كل حاجه بالحلال
امل :- ودى هنلاقيها فين أن شاءالله وبعدين ما انتى عارفه اخوكى أدم رافض موضوع الجواز ده خالص بعد جوازته الاول
ساره :- انا رأى من رأى ريم مش هيبعد أدم عن السكه دى غير واحده توقعو فى حبها
أدم:- السلام عليكم ولسه هيطلع اوضه
امل :- أدم استنا هنا
أدم :- وقف وقال خير
امل :- رايح فين كده
ادم :- طالع أوضى اغير هدومى ونازل
امل :- نازل فين
أدم :- ده تحقيق معايا بقى
إمل :- أدم اتكلم معي عدل
أدم :- والله انا حر اروح مكان ما انا رايح ومحدش ليه الحق يسألنى بروح فين ولا بعمل ايه ولسه هيطلع اوضه
امل :- انت طالع قليل الادب
ريم:- ليه يا ماما تقولي كده بس
ساره :- وقفت وقالت عن اذنكم
إمل :- رايحه فين
ساره :- داخل اوضى أذكره
ريم:- بصت ليهم بزعل علشان أدم وسابتهم وطلعت عند اوضت أدم وخبطت الباب
أدم :- من جوه مش عايز اكلم حد
ريم :- انا يا ابيه
أدم :- سبينى دلوقتى يا ريم
ريم:- علشان خاطرى افتح يا ابيه هتكلم معاك كلمتين وهنزل
أدم :- قام فتح الباب ورجع قعد تانى على سريره
ريم:- بصت حاوليها وقالت مش هتبطل عمرك الحركه دى لما تكون متعصب تكسر اى حاجه قصادك
أدم :- اخلصى يا ريم عايزه ايه
ريم:- قعدت قصاده على السرير ومسكت أيده وقالت مش عايزاك تزعل من كلام ماما هي خايفه على مصلحتك

أدم:- ريم مش وقته الكلام ده روحى يلا اوضك وسبينى علشان اغير هدومى وانزل
ريم :- بتستفاد ايه من اللى انت بتعملو ده بس
أدم :- ريممممممممم متعصبنيش بقى روحى اوضك
ريم :- وقفت وقالت حاضر يا ادم رايحه وهبعت ليك الشغاله تنضف مكان التكسير ده
أدم :- لما انزل تبقى تنضف
ريم :- ماشى وخرجت وسابته
أدم :- حط أيده على وشه ومسحه وطلع بأيده على شعره واتنهد وقام دخل الحمام اخد شاور وخرج لبس هدومه ونزل ركب عربيته ومشى بيها

♡♡♡♡♡♡♡♡♡♡♡♡♡♡♡♡♡♡♡♡♡♡

إنّ أبي فعل كُل شيء ، لم يبقىٰ للأخرين ما يقدمونه لي🤍

في شقة مالك

وصلت ليان الشقه ودخلت اترمت على الكنبه وحدفت الشنطه جنبها واتنهدت بتعب وفى الوقت ده خرج مالك من اوضه وقال
مالك :- ليان حبيبتي رجعتى فيكى حاجه ولا ايه
ليان:- بتعب متقلقش يا بابا انا كويسه
مالك:- مدام قولتى يا بابا مش يا بابتى يبقى فيه حاجه
ليان :- اترمت فى حضن ابوها وقعدت تعيط
مالك :- طبطب عليها وقال فيكى ايه بس يا بنتى قلقتينى عليكى
ليان :- انا النهارده كان اسوء يوم فى حياتى يا بابا
مالك :- أهدى بس واحكيلى ايه اللى حصل معاكى
ليان :- بعدت عن حضنه ومسحت دموعها وحكت ليه كل اللى حصل
مالك:- بس انتى اللى غلطانه يا بنتى
ليان :- بصدمه انا يا بابا
مالك :- ايوه يا حبيبتى غلطى كذا مره لما غلطى فى الراجل فى شركته وقصاد السكرتيره بتاعته وكان لازم تعتذرى ليه وسامحك
ليان :- بس هو اللى غلطان من الاول خالص يا بابا لما كلمنى بعجرفه فى مكتبه ولما فكر يهنى فى مكتبه واخر حاجه لما فكر يعتدى عليا كل ده وتقولى انا اللي غلطانه
مالك :- هو غلط لما فكر يعتدى عليكى بس برضه كلام شريكه بيقول أن هو كان بيخوفك مش اكتر إنما انتى اللى بدأتى الغلط معاه من الاول خالص
ليان :- بس يا بابا
مالك :- مفيش بس انتى لازم تتأسفى ليه عن اللى حصل منك وموضوع أن هو قرب منك ده انا مش هسكت عليه بس لازم تبدأى انتى الاول بالاعتذار
ليان:- حاضر يا بابا
مالك :- ادخلى يلا اغسلى وشك وغيرى هدومك علشان اخوكي على وصول نحضر ليه الغدا
ليان:- حاضر عن اذنك ودخلت اوضتها وقعدت على السرير وقالت طيب وانا هعتذر ليه ازاى ده هوف بقى ده بنأدم متعجرف على الفاضى وما هيصدق يشوفنى بتأسف ليه علشان يذل فيا بكره ابقى اروح اتأسف ليه وخلاص وقامت دخلت الحمام غسلت وشها وغيرت هدومها ودخلت المطبخ تحضر الاكل ما ابوها وبعد وقت انتهو ووصل مازن وحطو الاكل وبدأو ياكلو

♡♡♡♡♡♡♡♡♡♡♡♡♡♡♡♡♡♡♡♡♡♡

‏لا يموت المرء الذي يوجد بحوزته أصدقاء، أصدقاء حقيقيّون جداً للحد الذي حين يوشك على السقوط يرتطمون بالأرض قبله☕️🌱✨.

في فيلا مراد

فى اوضت مراد

كان قاعد وهو مسك تليفونه وطلب رقم أدم وانتظر رده
ادم:- عايز ايه يا مراد
مراد:- انت فين
أدم :- وانت مالك متصل علشان تسألنى فى حاجه متخصكش
مرا. :- تلاقيك عايش حياتك ولا همك انت عملت ايه فى البنت
أدم :- بهدوء هى اللى جبته لنفسها لعبة بالنار لحد ما حرقتها تستحمل بقى النتايج
مراد:- ليه كل ده علشان بس ردت عليك ووقفت قصادك
أدم:- متخلقش لسه اللى يفكر يقف قصاد ادم الشرقاوى يا مراد
مراد:- بس دى بنت ابوس ايدك بلاش تأذيها
أدم :- هههههههههههه خلاص انا هنفذ خطتي
مراد :- لاء اوعى تقول نفذت خلاص
أدم :- لا لسه لم هنفذ هحتفل بأنتصارى كمان
مراد :- ليه بس كده يا ادم
ادم :-مراااااااااااااد اقفل مش ناقص صداعك ده
مراد:- براحتك يا ادم بس انا بقى مش هسكت
أدم :- لو فكرت تنطق بكلمه واحده يا مراد يبقى انت السبب فى اللى هيحصل فيها وفى اهلها انت عارف انا مستعد اعمل فيهم ايه لو عايز تأذيهم اكتر روح وقول الحقيقه وقفل السكه فى وش أكرم
مراد:- أدم يا ادم اسمعنى بس وحدف التليفون على السرير وحط أيده على راسه من فوق وقال هتعمل ايه يا مراد
♡♡♡♡♡♡♡♡♡♡♡♡♡♡♡♡♡♡♡♡♡♡

يتبع ممكن ارائكم وتعليقات علي البارت