(فصليه لحارس مدرستي)

ملتقى القلوب

للكاتبه زهراء الكنانيه،،،
.
.
عٌنِ مَأّذّأّ ّسأّګتّبِ عٌنِ وِأّقِعٌ حُزُيـﮯنَ امٌ ْعنَ ذَڴرَيـﮯاتْ لُنَ تْْعوَدِ امٌ ْعنَ مٌسِتْقًبّلُ لُاتْْعلُمٌ مٌاذَا سيِاَْتٍيِ بهً اَْمٌ عنَ اَْبتٍساَْمٌهً وٌخٌلَفُهِہ‏‏آ آلَفُ دُمِـعَهِہ‏‏ 💔.
.
.
.
(البارت الثالث)
.

جنه،،عزززه والله عبالي صدك 😂😂😂
ضلينه انسولف او نضحك او مشه اليوم دروس لحد مدك الجرس للبيت نطلع لمينه كتبنه او طلعنه ،اني انتضر نور تطلع ورايه ابنص ساعه جنت قبل انتظرها يم الحارس جدو بس هسه وين بعد ابقه هذه الحارس اهنا طلعت او بقيت واكفه بالحديقه الخارجيه اكو كراسي كعدت عليهن (اني البس عبايه احبها اولبستها اهلي مجبروني بالعكس شجعوني لان لبستها)،،
بقيت كاعده المدرسه فرغت حته الاداره فرغت المديره تدري بيه فمتحجي ليش ابقه وحدي المهم بقيت الحارس بقه ايباوع استغرب من وجودي او ليش مطلعت بقه ايروح او يرجع انتبهت ايريد يحجي شي بس متردد اني امدنكه راسي لان استحي اباوع اشويه واحس شخص وكف يمي او عطره ايجنن اجيت ادوخ منه جان يحجي او ياريت لو محاجي صوته ايجنن رجولي خليت وانتبهت عليه ولج جنو اسكتي عيب المهم كال

،،،، السلام عليكم تنتظرين منو انتي او ليش مطلعتي

جنه،، باوعت عليه انتبهت عليه شخصيه او صاحب اكتاف او عضلات وعيونه عسليه او بشرته حنطيه او لحيته جذبني شكله ما احس اله عاط بيه 😂

،،،،هييي انتي مو احجي وياج اشبيج صافنه جاي اكلج ليش بعدج مطالعه تنتظرين منو

جنه،،والله فزيت واشكد استحيت منه كتله انتظر اختي بالمتوسطه المدرسه الي ابصفنه تطلع بعد اشوي وانروح سوه

،،،،اوك تمام محتاجه شي اجيبه الج
جنه،،لا تسلم ماريد شي ،،،،خله او راح بس ابد مشال عينه عني او اني خفت اشويه واجتي نور  خلينه او طلعنه بس من طلعنه زادت نظراته عليه ضجت كلش خلينه او رجعنه للبيت نور بالطريق كال

نور،،اكلج جنو منو هذه لعد جدو وينه

جنه،،ما ادري حارس جديد جدو ما ادري بي حته مسئلت باجر اسئل عليه

نور ،،،بس ليش ايباوع عليج ابد مشال عينه عليج من طبيت لحد مطلعت

جنه ،،اوي اشمدريني اكيد ميستحي ،،خلينه او وصلنه للبيت اول مطبينه الساعه ب١٢ لكينه ماما بالمطبخ سلمنه عليها

الام،،،هلا بنياتي اشلونجن

احنه،،زينين ماما الحمدلله او جوعانين راح نصعد انبدل او نجي انساعدج بالغده

الام ،،يله لعد ابسرعه اليوم امسويه اكلت جنو المفضله

جنه،،ياي ماما امسويه فاصوليا هسه ابسرعه راح ابدل وانزل رحنه غسلنه او بدلنه او نزلنه ساعدنه ماما بالغده لحد اتغدينه اني او نور غسلنه المواعين صعدنه نمنه مر اليوم عاظي بين البيت والقرايه والمناكره بين نور او اني او علي احنه ال٣ دوم ضحكنه او عركاتنه بعد اخوان او تعرفون شنو الي ايصير بينه 😂________________