جمر إلانتقام ( وشائت الاقدار )

بارت تعريف

( جمر الانتقام )

للكاتبة
sheikh

مساء الخير .. لما تناوش أجسادهم میتات كثيرة ولم تزل أرواحهم ثناغش خاصرة الحياة .

أنا قيلولة ذاتي .. أنا ظهير أيامي
الايقدُر الزمان على كسري ...
أغصاني صلبه .
مشاعري جامحه ..
کنث عكازة نفسي ...

لّكن لوهلة :-

وجدتُ نفسيّ ضعيفةٌ أمامك
أحن إلى ماضي يربطنا
ألوخ نوائب كانت السبب في فراقنا
الروح التي تهمر عطرها على ذراعك
وثرشرش خنانها على ندوبك
ها قد كسرتها بالإنسحاب من أحضانها

إلى متى ؟؟!
هل الشوق يغلبكِ أم القساوة تسيطر عليكِ؟؟

...................................

طبعاً اعرفكم بنفسي اني ضي محمد ال جاسر ( ينلفظ بتلك الطريقة ) جدي سماني لان اسم بيبي وهوة الي لقباني ب شيخة اسمي بالبيت حتئ بالمدرسة عمري 17 سنة سادس احيائي طبعاً احب شي اسمة الدراسة واكره شي اسمة ال جاسر احنا جدي شيخ اباً عن جد جدي شيخ عشيرة (الط...) نرجع اعرفكم عني اني وزني 53 يعني شوية بية روح طولي 155 اني بيضة وشعري طويل وبي خيط صفار يخبل اكثر شي احبة بجسمي الي هية شامات عندي بشحمة اذني اليمنة وحدة وبرقبتي من الجهة اليسرة وحدة مو كلش جبيرة مبينة تخبل اني شخصية انطوائية مااحب الاجتماعات العائلية دائماً عائلتي تعاني مني لان عندي هوس التنظيف لازم مااكعد بمكان الا امسحة دائماً امي تشتكي دكول مو احناا هل مثلج عندي اربعة عمام علي الجبير متزوج غريبة بس والله احسها امي شعور ماموجود باامي عدها ثلاث ولد وبنية اسد الجبير عمرة29 دكتور بجامعة البصرة بس هوة الايد اليمين لجدي دائماً جان يصيحلة وليدي  
وعمر الوسطاني مزوج فرح مرتة حبابة عدهم ولد واحد حسن وعازل جدي ياهو اليتزوج يعزلة واحمد الصغير يدرس علوم فيزياء ومياسة الاصغر عمرها 15رابع متوسط
عمي الثاني اوس مزوج اخت أمي امي وخالتي بنات عمهم وتزوجوهم هم قصة حب وكذا عدهم ثلاث بنات قبس( شعواطة )عمرهة 17 بس هية اصغر مني بهواي يعني اصغر مني بشهور اني اسميهة الفارغة جنهة ابو بريص سلبوح سيان بس مادري شلون لزكوهة وياية وخلونة نفس الصف وفرقد هية وناز توم عمرهن 16(الفطيرة ) وناز ( هاي الزكة) وولد واحد حمزة عمرة 3 سنوات

عمو قيس هذة جدي يسميه الفكرر وصح فكر من اجة للدنيا ماتت بيبي يدرس ادارة واقتصاد  يحب طالبة وياه هذة مايعرف الدنيا طشت حتة لو احترك البيت لان جزع من جدي كلما يكعد ويانة يكلة اه يالفكر مامنك فايدة ماتكول ابوي مريض اشوفة....

وطبعاً ابوية وسندي وتاج راسي محمد الوسطاني تزوج قبل عمو اوس وكامت خالتي كلساع تجي فعلاقة حب بينهم جدي وافق لان بت اخوه وهاي عاداتهم وتقاليدهم انو الولد لازم ماياخذ غريبة يكول جاشبيهن بناتنة

امي رنا امي وابوية فصلين اني الوحيدة عدهم كانت حامل بتوام قبلي وماتوا وكان عندي اخ زين اصغر مني ب اربع  سنوات من مات جدي راجع بالسيارة ميدري وساحكة كان عمري 14 سنوات من مات اوووف من اتذكر الموقف بعدة مرسوخ بدماغي واني وراجعة من المدرسة صار وياي من سحكة جدوو وماما تسودنت كامت كلساع تكول جيبو ابني بابا مل وطلق وهية يتيمة الاب وخوانهة مو شي فجدو خلاهة بالبيت وبابا عزل بيته
احنا بيت اجدادي قريبين بيت عن بيت وزوجة عمي علي بيته ويانة يعني ماعازل 

نجي ع شغل جدي وبيتة
طبعاً جدي شيخ سلم المشيخة لابنة الكبير علي عدة مصانع مال سجاد ودكاكين مال ملابس حتئ المدرسة الي نداوم بيهة كل خميس بضروفة يدز للايتام وعندة بساتين وحلال الحلال مخلي ناس بيه بس ع التجارة والسوالف هاي اسد مرات وعمامي حتئ كل للمديرة انو تصير شيخة رئيسة الطلاب بالمدرسة يعني شلون تشرف ومن هاي الكلاوات يريد بس يكسبني بس اني مااجرعة
طبعاً بيت جدي قصر بعد بيوت البصرة اول ماتدخلون من الباب كبيررر كراج السيارات وعلئ الطرفين حديقة نص البيت وبعدين ينقسم إلى قسمين ديوان للزلم من جهة اليمين ومن اليسار بابين باب المطبخ وباب ديوانية المطبخ جبير بيه طاولة جبيرة مال طعام الكل ينجمع عليها ونطلع من المطبخ نطب بالصالة الصالة بيهة تخم جبير وبيها درج وغرف عمامي وغرفة جدي جوة نصعد الفوك بيه خمس غرف وحدة بالنص وثنين من اليمين وثنين من اليسار الي بالنص غرفة اسد صدك جدي عازل اسد يعني بيتة ورة بيت جدي بس يعبر الترك يفتح باب بيته مرات يجي يبات هنا وغرفة فرقد وقبس وناز من اليمين وغرفة احمد يمهم ومياسة من اليسار واني هم بس كل وحدة بغرفة غرفتي خاصة جان زين يمي بس مات الله يرحمة والطابق الثالث متروك مرات نصعد بيه بيهة مخزن للمواد الحافظة الغذائية عدنة خدامة ام عيسئ خطية مرة طيبة بس انقهر عليهة هية مرة جبيرة دائماً اكل الجدي احنا نخدم نفسنة يكول هية كلشي متسوي بس اتساعد امج ومرت عمامج دائماً تكلي مااخطبج لعيسئ واني اضحك دخيل بختج ياخالة اني الكيمياء اصعب من حياتي

اني وبنات عمامي كوررر دائماً يستفزني لان جنت اعاني من بعد فقدان زين حالة نفسية حادة انقهر من يرزلن ام عيسئ عود هنة كيوت ومن هاي السوالف وتكب العيطة عمامي مالهم شغل حتئ لو وحدة تكتل وحدة جدي يكول بيناتهم

اني البنت الجبيرة الغبيرة لهاي العائلة دائماً ال جاسر يكلهم لبنات عمي تسمعن كلمتهة سواء بالمدرسة أو بالبيت وبنات عمي يغارن احب الشعر وخاصتاً الدارمي جدي وعمامي يكلولي نلكة بيج الشيخة الضي ال هية جدتي يشبهوني بيهة بس اني مشايفتهة يكول جدي تشبهج حتة بسوالفج بدارمياتج مرات اتكابل اني وجدي واحد يذب علئ الثاني دارمي بس دارمي عتب طبعاً اني هادة بس حادة مااحب احد يستفزني وخاصتاً اذا اكض وحدة من بنات عمي تقرة علئ روحة السلام احب الطم احب فزعات الفواتح لان جانت خالتي ملاية جنت اقرة بكتبهة مالت الملاية فحب الكولات مثل متكول خالتي اني بكل عزة لطامة اتذكر بفاتحة جدو ابو امي رغم اني صغيرة بس الطم امي لتكول مسيحية مالطمت بس تبجي واني وخالتي بالنص

نجي علئ اسد هذة فد واحد عقدة مرات نشوفة يضحك يعوف بنات عمي كلهن ويجي علية ملابسج مشيتج علئ الرغم من انو اني ملابسي حتئ مشيتي هادئة لدرجة يحمدن بااهلي علئ تربيتي يكول يجي يوم وابوشج خب كوم ابوي كادر بس علئ امي وهوة يشيل روحة ويطكهة بالكاع مرة كلتهة وجان جدي موجود اجة يكوم بس جدي كعددة خو من يصير عصبي يبو اقرو علئ بيت ال جاسر السلام يكوم يصيح يكسر بس هوة هيبة رغم عصبيتة بس رزن هوة طولة 180 يعني طويل كلش اذا اوكف يمة اضيع جسمة مرتب معضل بحيث الايضرب واحد يطير جبهتة حلوو عيونة حلقية سود وشعرة من يروح للدوام يرفعة بوية بس هوة لا احساس ولا مشاعر
طبعاً نسيت اكللكم انو اسد اكبر من عمو قيس يعني ملحك علئ بيبي بس ماتت من اجة الفكر لان عمو علي متزوج بعمر صغير
........................... ؟

شيخة تكول

كلهم سبب دمعي .....واضحكتلك 
صعب أصبح حياتلك ..واضحكتلك
اذا غرتك دنيا .........واضحكتلك
بغيابي بغيبتك جارت علية 💔🥺

الله عليج ياشيخة