قصة مريم

البارت -٢-

هل يسقى الالم بألم ثاناً؟

فزيت من نومي صبح باوعت على مكان مينا خالي اشتاقيتلها لزمت تلفوني ودزيت مسج لماما كتبت بي شوكت تجون اشتاقيتلكم؟ رتبت فراشي ونزلت وكل عادة لكل كاعد ماعدا لولد
مريم:صباح لخير!.
ابومحمد:صباح نور اكعدي بابا تريكي هستونة حطينا للريوك.....عمو هاي جدج ابو امج خابرني
مريم:جدو !شبي ؟
ابو محمد:مااعرف يكول عندي كم حجاية وياك وامج تريدج هم
مريم:ماادري عمو اذا اروح مابات لان مااحب انام بغير غرفتي.
ابو محمد:صار كملي ريوكج وروحي بدلي نجيبة كعدي مصطفى ومحمد خل يرحون يشوفون شنو سالفت لمحلات مااكدر اروح عندي شغلة.
نجيبة:صار.
كملنا ريوك وبدلت وطلعت وية عمي وصلنا لبيت جدي طلعت مينا تركض مشتاقتلها هواي دخلنا سلمت على جدتي وجدي وكعدت يم ماما ومينا جدي وبيبي كعدو يم عمي شوية وكامت امي راحت تحضر عصاير وجاي تظيف عمي
مريم:خوب انت مكيفة هنا ماسئلتي علية حتى.
مينا:مريم راح يصير عدنا اب جديد
مريم:ها؟!
ام مريم:مريومة اجيبلج عصير وكيكة؟
مريم:لا مااشتهي.
ام مريم:ليش؟
مريم:مينا روحي يم عمو يريدج.
مينا:وينة مصاحني.
مريم:روحي مينا.
ام مويم:شبيج صيحتي على طفلة ليش هيج تحلين تسلطين؟
مريم:شنو تردين تزوجين؟ مجاوبيني ليش سكتي ترة ابوي صالة سنة من مات ادري هيج تكرهي شمسويلج؟
ام مريم:مااكره بس مااكدر اعيش بيت وياي نجيبة .
مريم:نجيبة شنو يمة هنا عيشي ليش نجيبة الا يمة ظلين.
ام مريم:انت كتعرفين بعدج صغيرة.
مريم:لا موصغيرة واعية على كلشي بس ماكو مبرر لافعالج خلص مااغصبج ولا اثكل عليج وانت امي راح اخذ اختي واروح .

امي من وعيت على لدنيا لحد هسة جانت مراضية على اهل ابوية ابد وين متروح تحجي عليهم والدي راد يطلكها اكثر من مرة بس عمي جاسم جان يعارض يكول لخاطر لبنات مااعرف ليش جانت سوي جنت اشوفها دائماً هاملة مينا تهتم بأظافرها وبمكياجها واذا ابوية حجة متقبل ويتعارك دائماً وياهة لان متهتك بينا اني جدتي ام ابوية جانت تهتم بيا بس من دخلت سادس ابتدائي ماتت ومن هذا لعمر اعتمدت على نفسي ودرت بالي على مينا صح ابوي ممقصر ويانة بس جنت اشوفها صعبة اهتم بطفلة ومينا اتعلقت بيا اكثر من متتعلق بامها .

خلصت كلامي وية امي ورحت على عمي كتلة يلة عمو نروح !
ابو محمد:اي عمو ومينا تجي لو لا.
مريم:اي يلة مينا بدلي.
ام مريم:لا متروح مينا انت فد وحدة ادبسز ومتمشين كلمتج علية فتهمتي لو لا.
ابو محمد:ام مريم لا لطفلة تجي ويانة وصلني خبرج بس بنياتنا يمنا .
ام مريم:ابو محمد تمنع طفلة من حضن امها.
ابو محمد:حضن امها ماشفتها فد يوم نامت بي وحست بحنانة امشي بابا مريم بدليلها خل نروح تأخرنا على عمتج نجيبة.
رجعنا للبيت واني صافنة بزماني فجأة وبسنة وحدة شتتت عائلتي لميت غراض مينا وصعدتها فوك ظلينا كاعدين اني وياهة
مينا:مريم ليش رجعنا هنا اني اريد يصير عندي اب بس مااريد ابقة هناك جدو دائماً يصيح علية وبيبي متقبل العب العاب بتلفونها.
مريم:ليش تردين اب احنا عدنا اب ميصير ابوج واحد وهوة رعد ابد لتفكرين يصير عندج اب غيرة لان هوة يزعل هوة هسة ديشوفنا بس احنا منشوفة.
مينا:اوكي غلطت ...اكلج مريم ماما ليش مرجعت ويانة؟
مريم:لان تريد تعيش وية ابوها وامها .
مينا:يلة هي هم خطية تريد ابوها وامها.
مريم:اي ديلة لعبي بلايباد رايحة اجيب اكل ليوم ناكل وحدنا .
مينا:ماشي.
اكلنا اني ومينا ولليل كلش غفت بس اني ظليت كاعدة تلفون صار ممل وين وشسوي بي بعد كمت نزلت بلحديقة جان لوقت بي نهار وليلي يعني شمس دتشرق ضليت صافنة افكر بلي صار وليش امي هيج صارت تجي وهواسات لافكار تعوذت لشيطان وشغلت قصيدة لباسم صرت احب لقصايد وبديت ابجي اباوع على شروق وحدها دموع تنزل الى ان شفت نفسي رتاحين كمت رجعت لغرفتي ونمت وصبح نفس لورتين للعصر عمو صاح علينا نحضر روحنا راح نطلع نتونس غيرت لمينا مينا بعدها صغيرة عمرها ٧ سنين واني بهذا لوقت عمي ١٥ سنة لبستها وحضرت نفسي هم ونزلنا طلعنا طلعة كلش حلوة طلعتني مو لمود لاني بي ورجعنا للبيت تعبانين رسن غفينة جان هذا ليوم حلو وهادئ فزيت من نومي لفجر باوعت على مينا نايمة ظليت كاعدة اذا ان حسيتهم كعدو وكعدت وياهم ونفس روتين ليوم مر ثلث اشهر بهدء وقربت لمدارس هاي سنة ثالث متوسط اني صاحني عمي انزلة
مريم:ها عمو!؟
عموجاسم:عمو تعاي هاي فلوس علمود ملابس لمدرسة بس منو يروح وياج يشتريلج؟
مريم:تسلم عمو عندي مال لعام مبيهن شي
عموجاسم:شنو مال عام دهاج هاج اذا صار عندي وقت اني اخذج.
نجيبة:عليمن هل دوخة رجع فليساتك عدها عدها.
عموجاسم:شعليج انت احد كالج احجي هاج اخذي عمو معليج بعمتج نجيبة تشاقة.
مريم:ماشي بس عمو احتمال اضمهن.
عمو جاسم:براحتج وشتردين اني خادم.
مريم:تسلم عمو .
مصطفى:شكو؟
عمو جاسم:ماكو شي تعال انت شنو شبيك هل ايام.
مصطفى مابيا شي تعبان.
عمو جاسم:مين تعبان من نوم؟
مصطفى:.........
مريم:يلة اروح انام تصبحون على خير.
لكل:وانت بخير.
مر شهر وازوجت امي اتصلت بيا بيبي ام امي عزمتني على عرس امي غريب لموضوع صح ؟ اجتي لمدارس وجانت مدرستي غير جنت ادرس بمدرسة اهلية لكن حالين حكومي مااريد اكلف عمو جاسم اول يوم الي بلمدرسة.

اذا عجبتكم روايتي اكتبو بلتعاليق حتى استمر بلكتابة،وشكراً على القرأة وارائكم💙.