مغتربه في ظل اليتم

البارت الثاني والثلاثون

مساء الحب مساء السعاده على عيون
احلى البنات متابعات قصة مغتربه في ظل اليتم تحية حب واعتزاز لكل خواتي ومتابعاتي الانيقات
اعتذر منكم طولت عليكم
واسفه اذا البارت قصير لان صحتي تعبانه
وگلبي ماينطيني اخليكم تنتظرون
ويله نبدي البارت بسم الله

البارت الثاني و الثلاثون
بقلمي،،،
زهراء الشمري 🌿

#شمكَعدك؟
أطبكَهن نام لا يعَمن
وشِد رموشهن وأتركهن يحلمَن

#اااووف_وثگلن_ﭑحلامَي؏ عـيونـي وبَچيت
#آيي_يگـلبي
ضلّـن بنفـسي الردتهـن
لا جبتهـن بالحلال ،
ولا عصيت الله #وبگتهـن !

#يااا_حسرتي_موچـر_بـگلـبي الدهـر واترادفـن علـه اعـله علـه

          ..................    ...................
رقيه....من رجعت للحله رجعت مخذوله
لان احنه متفقين ام صادق تتفق وي امي على كل شي
بس حسيت جيتهه اسقاط فريظه تريد بس تسكت صادق
واني بالسياره اتصلت امي عليه
الو
بسمه.... الو ها رقيه وصلتي بعدج
رقيه.... بعدني بالطريق قريبه على الجامعه
بسمه.... رقيه اذا تحبيني متحجين وي هذا الولد
واذا راد يحجي وياج عوفي وگومي خيولي
گليله ماكو نصيب اهلي ميقبلون ابقى شهرين معلگه وبعده محرم ما جاي
رقيه.... ماما شبيج على كيفج وياي
بسمه.... رقيه والحسين اطيح حظج اذا اسمع بيج
لو احس عليج تحجين وياه
لادگليلي ماعندج شي وياه تره بأي ساعه تلگيني
فوگ راسج بالكليه بدون ماتدرين
رقيه.... من حاجتني هيج حيل خفت انقهرت اختنگت ياربي هسه اني شسوي شلون اصرف
وصلت للكليه صادق يتصل وما افتح خط
لگيته واگفلي نفس كل مره ب باب الگراج
وكلما اتقرب خطوه علي اشتاقله ٤سنوات
كفيلات يخلني اتعلق بي مثل الطفل
عشت وياه اربع سنوات بحلوهه ومرهه بزعلهه وفرحهه وحزنهه حتى من اتمرض هو يجيبلي الدوه
لان اهلي بعيدين
اذا يحس عليه ماعندي مصرف ينطيني
امشي وراسي مدنگته بالگاع والدمعه بعيني
اول مره ما اريد طريق الگراج يخلص
اول مره ما اريد اوصل قريب على صادق
خوف مسيطر عليه
ردة فعله ما اعرف شنو راح تكون
وصلت يمه
صباح الخير
صادق.... فدوه لهل الصباح صباح الورد
فدوه بنيتي طالعه تخبل اليوم
رقيه.... مدنگه ما أگدر اباوع بوجهه
صادق.... الحلو ليش مدنگ شنو زعلانه بنيتي
رقيه... لا مزعلانه بس احنه لازم نگعد نسولف
صادق... اي ياروحي تخلص المحاظره ونروح للنادي
رقيه.... لا مندخل محاظره هسه اروح للنادي
ونسولف الوظع ميتحمل
صادق... قلقتيني صاير شي اهلج سألو على اهلي سامعين شي
رقيه.... لا بالعكس اهلي اصلآ مكيفين بأهلك خوش ناس وسمعتهم واصله وناس معروفين
دمشي خل نسولف بالنادي
رحنه ظربنه المحاظره مادخلنه وگعدنه بالنادي
صادق.... وهاي گعده
اي هسه سولفيلي شكو قلقتيني
رقيه.... اخذت نفس عميق جريت حسره بگد رحمة الله بيهه وجع والم وخوف وكلشي
صادق اني ما اريد احجي على امك بس اسلوبهه ابد جان مو حلو وي امي تحجي عبالك هي ام البنيه
مو هي الي تريد تطلب بنيه
وهم توسلت بأمي تعبرهه وتقنع ابوي والحمد الله گدرنه نقنع ابوي وصار اسبوع سأل عليكم والحمد الله مكيف بسمعتكم وصيتكم
بس من امس گلتله هم بس حجو بيهه
ميردون خطبه هسه وره محرم يالله يخطبون تخبل وما رظه يگول شني ابن عمنه ابن خالنه
العالم شدگول عليه
ملكو هيج حجي اذا خابرتج المره گليلهه ماكو قسمه
صادق.... انتي تحجين صدك
رقيه... شجاي تشوف جاي اشاقه بدن دموعي تنزل
صادق.... رحمه للكعبه بس لا تبجين خليني افهم
وهسه شلون
رقيه.... والله ما ادري محرم بعد ٥ايام علي
وامك مصره الا وره محرم وهاي صارلهه اسبوع ماسألو على اهلي
صادق... سألو ومكيفين وفرحانين بيكم
خوش ناس وابوج سمعته بالمنطقه حلوه
بس امي دگول ما متهيئه بعدني
رقيه... واذا ما متهيئه ليش جبته واجيتو حجيتو
اني هسه امي دگلي اذا اسمع لو احس عليج تحجين وياه اموتج وأگل لبوج يزوجج
وحايره ما اعرف شسوي اخاف خاف تراقبني
صادق.... الدمعه بعيني اول مره عيني تدمع على بنيه
هاي معشعشه بگلبي وروحي اتخبل اذا متصيرلي
لزمت التلفون واتصلت على امي وفتحت سبيكر
الو
ام صادق... الو هله يمه خو مابيك شي
صادق.... يمه ام رقيه گايلتلهه ماكو قسمه ابوهه مايرضه يخليهه شهرين معلگه يگول اذا وحده من عماتهه رادتهه انطيهه
ام صادق.... اي وخل ينطيهه وين يلگون مثلك يايمه واذا قسمتك متصير لغيرك
رقيه.... اسمع حجيهه وابجي گمت اشهگ من البجي
صادق.... يمه شبيج ليش تكفريني شنو قسمتك شنو هذا الحجي انه اذا رقيه صارت لغيري اكتل روحي وحگ اخو زينب فدوه اروحلج بس خطبه قبل محرم خل نسوي
ام صادق.... مادگليي شمسويتلك هل البنيه وهيج تحبهه ردتني اروح لهلهه ورحت بعد شتريد ماكو خطبه الا وره محرم عمامك وخوالك لازم اگلهم
واشوف رأيهم
رقيه... سد التلفون وعيونه حمر اول مره اشوف دمعة عينه تنزل ومحتار ميعرف شيسوي
ربع ساعه ساكتين هو يشرب جكاير خلص باكيت وما نطق ولا كلمه دگ تلفوني امي
فتحت سبيكر هو يسمع
الو
بسمه... الو ها ماما رقيه وصلتي
رقيه.... حاولت اعدل صوني لان مخنوگ ودا ابجي
اي ماما وصلت
بسمه.... خما اجاج هذا الولد حاجاج ظايقج
رقيه... اباوع بعيونه وهو يباوعلي بحزن
لا ما اجاني اصلآ ماشفته وهسه راح ادخل محاظره
بسمه.... عفيه بنيتي خلصيلي هاي السنه شلون ما جان واذا اجه قريب عليج عوفي وگعدي بمكان بي هواي طلاب وبعد ما احذرج دربالج تحجين وياه
رقيه.... تدللين ماما ان شاء الله سديت التلفون نزلت راسي شهگت بجيت ياربي ليش هيج يصير ٤سنوات مو شويه
يضيعن علمود شي تافه يعني امك ليش هيج مصعبه الموظوع مو الله تعبت
صادق.... وانه شبيدي تحاسبيني اني الأگدر علي سويته گلتيلي خل بس اهلك يجون يخطبون وسويت المستحيل وجبتهم
رقيه... وهسه شلون اهلك راكبين راسهم واهلي راكبين راسهم واحنه الظحيه
صادق.... ما ادري ما اعرف بصوت عالي يصيح شسوي هسه اني اتبره منهم هذوله اهلي
ميقبلون يغيرون رأيهم تردين تعوفيني وتنهين العلاقه ماعندي مانع
رقيه.... شبيك ليش هيج عصبي عليه اني شنو ذنبي
صادق.... انطي من نفسج شويه واحجي وي امج
لعد شلون تحبيني وين الحب
قنعي اهلج وره محرم ثاني يوم اجي اعقد عليج
بس انتي اظاهر مليتي وتخافين تواجهين اهلج
رقيه..... شهگت ودموعي تنزل انته تريد تذب حرگة گلبك بيه اني شنو ذنبي اني متأذيه اكثر منك شلون يعني اواجه اهلي انته عاقل ابوي اذا سمع او مجرد
يحس عندي علاقه بيك يذبحني بدون تفكير
عقله عقل عشائري
هسه انته تقبلهه على اختك تجي تواجهكم
ومو اني الي امل منك اعرف شلون تختار كلماتك
لا تجرحني وتزيد همي هم حرام عليك
اخذت ملازمي وجنتي ورحت طلعت من الكليه ابجي ومخنوگه قررت انهي كلشي
لان امي كل ساع تتصل عليه مثل المتأكده عندي شي وياه
وصلت للبيت منهاره حتى خالتي شكت بيه
شبيج خاله عيونج حمر ليش
لا خاله حساسيه بعيوني ومرمدات الصبح اذني
تلفوني ما سكت صادق يتصل واني خالته صامت وظامته بصدري
ثاني يوم ما داومت لان كلماته وحجاياته شلعن گلبي
شلون فكر شلون اقتنع ويريدني اواجه اهلي
حتى لو اعشقه شلون اگدر اواجه واني بنيه
شلون انطاه گلبه وگلي ننهي العلاقه ماعندي مانع
٤سنوات يعني عمر
شلون يظحي بيهن بلحظه يومين اني ما خاله لگمه بحلگي صار عندي هبوط علگت مغذي
ثالث يوم خابرتني امي
گلتلي حظري نفسج راح نمر عليج نروح للجنوب لبيت جدج خطوبة عمتج
صادق يتصل ويدز رسائل واني ما اجاوب غلقت الجهاز حظرت غراضي ومرو عليه اهلي ورحت
تقريبآ بقيت اسبوع واني ما اعرف خبر عنه
روحي تلوب علي
تبارك اخته تتصل وما اجاوبهه
عقدت عمتي قبل محرم بيوم
كملنه عقد وعماتي كلهن مجموعات وبنات عمتي
ظحك وسوالف واني بغير عالم تفكيري كله بي
احس ناقصني شي
وبالليل تگعد عمتي الجبيره وياي
ام كرار.... عمه رقيه انتي تدرين بيه شگد احبجن بنات علي عزيزات عليه وتعرفين كرار شگد يحبج
ويموت عليج شدگولين وانتي خلصتي بس هاي السنه احجي وي ابوج واخطبج والله ادللج دلال
رقيه.... اني منا متحمله ومخنوگه وهي حجت فرفحت نهاريت بجيت بستهه من راسهه عمه فدوه
والله كرار مثل اخويه ما أگدر اتخيل نفسي وياه
لا تفتحين موظوع وي ابوي فدوه
خلص الاسبوع واني بقيت مداومه على قرائة
سورة محمد بيوم الجمعه ماتركتهه
رجعت ذبوني اهلي على بيت خالتي
فتحت جهاز اتصالنا لگيت ب١٠٠مكالمه ورسائل كومه
صادق.... حبيبي فدوه فتحي خط
بنيتي ادري غلطان بس خل اسمع صوتج
خوخايتي اسف والله مو قصدي
ردت فعلي جانت بدون قصد
رقيه لخاطر حبنه لا تشلعين گلبي بس طمنيني عليج
رقيه فدوه والله راح اموت زين دراستج شعليهه
ليش صار اسبوع ما مداومه
رقيه.... ذني كلهن رسائل وبعد من زخم الرسائل مينفتحن
اقره بيهن وابجي اشتاقيتله ما أگدر اعوفه
بيوم عقد عمتي قبل محرم بيوم وامي دگلي
هسه لو اهله مسهلين الموظوع جا هسه انتي عاقده
جان لازم اداوم ثاني يوم
لبست جبه سوده وشال اسود ومكياج خفيف
وصلت للگراج وگلبي يدگ سريع بطني خبطت گامت توجعني
حلكي يبس شعور واحساس اول مره احس بي
من راح اشوفه شراح يصير راح اظعف لو اظل متماسكه
ادعي يارب ما الگاه بالگراج امشي سريع خطواني ما احس بيهن من سرعتهن اريد بس اوصل للقاعه علمود ما اظعف گدامه وحدنه
وصلت للقاعه بعده ماواصل
هو ميدري بيه اني اليوم اداوم
گعدت على الستول واسمع صوته
صادق.... صباح الخير شباب
رقيه.... مدنگه راسي وبگلبي احجي وياه
اروح فدوه لصوتك من عمري على عمرك اموت ما أگدر دمعتي نزلت بعد ما اتحمل ظعفت وانيةاسمع صوته واباوع لشكله تعبان
گمت ركظت علي
أبرار.... ظليت ادعي ربي فدوه اروحلك ماعندي غيرك ردلي وليدي راضيه بي حتى لو مريض حتى لو
مخبل اريده ابني قطعه من روحي بس همه الطلعت بيهم من الدنيا لا تكسر گلبي