سوف تأخذك الحياة إلى دروبها كلها
لتختبر إفتراضاتك ومزاعمك.
الكل جان موجود بس بابا ماكو سيارتة هم ماكو عرفت بابا صاير شي وياه
رقية : فاطمة فهمينييي شصايرر ليش تبجون وبابا وينن
فاطمة : باباا 😭😭😭
رقية : احجييي عادد شبيي
فاطمة : بابا داعمله واحد والولد فاقد 😭😭
رقية : عبالك واحد وضربني عله راسي مااعرف شأحجي ومااكدر اسوي اي شي حته مااكدر ابجي هيج ضليت بس صافنة
بقينة عله هل حالة بس صلينة وكعدنة ندعي حته غدة محد تغدة محد الة نفس بقينه من 12 الضهر الحد العصر احنه ماكو اي خبر نتصل عليهم ميجاوبون
اخر شي ب ال6 العصر رجع محمد ووياه بابا ركضنة سلمنة عليهم وحضنة بابا وراهة كعد جبنالة مي شرب
ماما : شنو شصاير فهمنييي شلون الولد اندعم
بابا : اثناء مادااسوق سمعت صوت فون ب المقعد الوراي ديدك ف انداريت شفته جهاز واحد من اصدقائي من وصلتهم واحد منهم ناسي مبايلة ف انداريت دااشيله ومااحس غير صارت ضربة قوية وكفت السيارة ونزلت بسرعة شفت ولد واكع وراسة عبارة عن دم ف كبل نقلتة للمستشفى ورة تقريبا 4 ساعات وصلو اهلة واقاربة واجو 3 ولد منهم هدو عليه بس اكو رجال جبير صاح بيهم وماخلاهم يتقربولي
ف كلتلهم اني مو متقصد واذا تردون هسة اروح اسلم نفسي للشرطة
الرجال الجبير : لا متسلم نفسك احنه القانون ميحل مشاكلنة احنه نحل مشاكلنة بنفسنة
بابا : تفضل شتريد مني اني حاضر
الرجال الجبير : احنه راح ناخذ عنوان بيتكم وباجر نجيكم ونتفاهم حضر اهلك وشيوخكم
بابا : كل الهلا بيكم ...
تعالو نعرفكم عله بطل القصة
اسمي حسين اني من البصرة بس اداوم ببغداد اني نقيب عمري 28 سنة عندي اخ واحد اسمة حسن واخت وحدة اسمهة رفل ثنينهم اصغر مني حسن عمرة 24 ورفل عمرهة 19
اني طويل نوعا ما معضل طولي 190 ووزني 80 عيوني رصاصي شعري عالي بس مو كلش لان مااحبه يصير هوسة اما لحية ف مااحب اخليهة اخلي بس شوارب
اني من نوع الي كلش عصبيي ومااتفاهم وعندي عقدة من العلاقات واصلا البنات كلهن مااحبهن لذلك كلما امي تكلي شوكت تزوج اسويلي مشكلة واسد الموضوع
مرة من المرات جنت ببغداد بداومي اتصل والدي كلي حسن راح للنجف زيارة هوة وجماعتة وهناك جاية سيارة وضاربتة اني هنا عقل ماضل براسي لان حسن مو بس اخوي لااخوي وصديقي هم وحسن بي امراض يعني صحتة مو كلش زينة ومن ضمن الامراض هوة الربو ف اعصابي صارت نارر وبعد مااشوف كدامي وكبل ركبت سيارتي ورحت للنجف ...
في مكان اخر
طبعا البيت كلة دخل انذار وعمامي كل ساع يجون وخوالي هم وطبعا بابا كال باجر يجون ف لازم نحضر نفسنة المهم بابا كال ماكو غير يطلبون فلوس لذلك لتقلقون
في مكان اخر
حسين : وصلت للنجف خابرت والدي ...الوو بوية وين انتو
والد حسين : احنه بمستشفى .....
حسين : يله جايكم
وصلت للمستشفى سئلت عن غرفة حسن ورحت الهم
حسين : ها بوية حسن وينن خوما متأذي
والد حسين : توهم طلعو من العمليات وحاليا ب العناية المركزة و
حسين : و شنو كملللل
والد حسين : الدكتور يكول دخل بغيبوبة ولو يطلع منها عايش لو ميطلع
حسين : انت شدتحجيييي مستحيل حسن يموتتت احرك الدنيا اذا صارلة شي فهمتو لو لااا
والد حسين : حسين اهدأ ماكو شي ينحل ب الصياح والعصبية
حسين : اخذت عنوان الي ضربة
والد حسين : اي اخذتة
حسين : انطيني اياه اريد اروح اكسرة تكسرررر اليوم اخلي هوة اليدخل بدال حسن وانيمة بنفس المكان النايم بي اخويي
والد حسين : اهدأأأأأأ ماراح اسمحلك تسوي شي غلط الرجال مامتعمد وراد يسلم نفسه واني ماخليته
حسين : ليش ماخليتة ليشش شمنتضررر بعدد
والد حسين : احنه منخلي القانون ياخذ حقنه احنه الناخذ حقنه ب أيدنة
حسين : باجرررر نروحلهم واريد اشوفهم همة ويامن اندكوو
