تحت رحمت امير (مكتملة)

part 20

بعد سنتين
دخلات وحدا فلخدمات حلات ريدو باش يدخل ضو ... زيرات على عينيها بجهد من اشعت شمس لي خترقات البيت و حلاتهوم بشويا بان ليها حماها بيبي راقت فوق لفراش و كيلعب ليها فنيفها ... و حنوكها ضحكات ليه و جراتو كتهرو ... و هو كيضحك ...
الجدمة : اثير راه لفطور واجد و لبنات فاقو ...
اثير كضحك : واخا انا نيضا هاكي تاج دين بدلي ليه و غسليلو وجهو بنما انا دوشت ...
هزات الخدامة تاج و هي دخلات لدوشات و خرجات لبسات سروال دجين ازرق و تيشورت صمطات ابيض دخلاتو فسروال و فيست من فوقو سوداء و طالون اسود مع بوشيط كتهز بليد حتى هي فاسود ... ظارت ميكب خفيف و طلقات شعرها و خرجات ... تلقات كاليا لي لبسا سروال ابيض توب و تيشورت سمطات بيج و فيسط ف ابيض طالون و صاك بيج و طيكب خفيف ...
اثير بتسمات : هاي هاي هاي على النشاط
كاليا ضحكات : واش كيسحاب ليك كلشي بحالك انت منين حبلتي بتاجو و نتي نعاسا ...
شويا و هي تبلها لخدامة جيبا تاج هزاتو كاليا من هندها و كتبوس فيه حتى ولا كولو عكار ...
اثير كضحك : ا كاليا شو كي رضيتيه بالعكار رخي دري لهنا ...
بقاو كيضحكو و اثير جبدات لانجيت من صاكها و كتمسح ليه ... وصلو لطبلة كانت ريحان لبسا سروال دجين زرق و شوميز فسه نص ابيض و نص غوز بيبي و طالون و بوشيط ف ابيض و مكياج خفيف ...
ريحان خدات تاج من عند اثير : اجي الحبيب دطاتي اجي ... معرفت امتا غتزولو منكون هد القعيدة دنعاس بزاف ...
كاليا كتهز و تحط فطبسيلها : اختي فيقي غي انت بكري اما حنا مولفين نعاس بزاف
اثير فمها عامر : و اصلا انا راه كنرضع حسبكوم بحالكوم انا ره ام ...
ريحان و كاليا دقة وحدة : طفرايه ...
ضحكو كامليم و كملو فطورهوم ... فهذ العمين تبدلات بزاف دلحوايج اثير ولدات وليد و سماتو تاج دين لي دابا عنو عام و 4 شهور كيما شفتو كانت الولادة ديالها صعيبو ولدات بعملية و تعدبات بزاف واخا هكك قدرات تنوض و ةقفو الشركات ديالهم على رجليها تاني و بداو تعرفو من اكبر مصدري و مسوردسن فالعالم كاليا و اثير شدين الاضارة و متراسين المجموعة انا ريحان ف بحكم دراستها ل الحسابات كانت شادا مركز المحاسبات و هي لي مسؤولة عليه ... علشو مع بعضياتهم فدخول و لخروج و ناشاط ... واخا اثير و كاليا قلبهوم مجروح مكنفيوش بلي خلاو مو موراهم قلبهم و ناس لي كيبغيوهوم ... بعيدا عن لبنات و عن كندة و فالعودة للمغرب فبيت مضلم جالس على الكرشسي كيشوف فديك البت لي قبالتو ... اولا عيب تقول عليها بنت هيكل عضمي جالس فقنت البيت كترعش بلخلعا مجرد لوجود ديالو فديك لبيت كيبغي يقتلها عمين ماشافت نور دشمش اولا حتى شي ضو من غير دوك ثواني لي كيدخل فيهام الضوء من لباب الى جاو عطوها لماكلا ولا جا هو يعدبها ... كيشوف فيها بعينيه العسلين لي كتسحاتهم الهالات السوداء من نهار هربات اثير و سمحات فيه و هو كيتعدب فكرة انه ضلمها كتقتلو و فكرة انها تقد تكون فحضن واحد اخر كتخليه يزيد يعدب لس كانو سباب فكاع هدشي لي وقا
سيف وقف دار يديه فجيابو : عرفتي اش مغندير ليك والو دابا حتى نرجع من صفر حيت باغي ريح دماغي منك شويا ...
الى قرباي لوجها غتبليك صفاء لي كينت عطياها غي نتولات متعرفهاش خلتها و باها دارو المستحيل باش يفلتوها من يديه مي معامن كيدويو واحد مجروح و جرحو معندوش دوا ... كانت مسخة بزاف و غي جالسة مع لحيط و كتشوف ... حل تيليفونو دخل لكمرات كيبان فيهوم نفس ديك الجناح ليفيه الات التعديب كان رفيق مربوط على ديك سرير و كولو دمايات و ناس كيداويو ليه جروح حيت مبغيهش يموت دغيا مزال باغي يزيد يتعدب مزيان كي كيتعدب هو ... ولا قاسي كتر من لقياس هذ العماين بدلاتو للاسوء قلبو تحجر ولا بحال شي جماد او بالاحرا مكينش ݣاع ... جاو من مراه وليد و علاء لي خبروه انهم واجدين باش يمشيو ... علاء هذ العمين كانت كافيا تخليه يتضمر علاش لا و كاليا بعيدا عليه و لي كيحرقو انه هو مغلطش و مادار والو ... واليد كان كيقول بلي عادي واخا هو كان طيح مي كيكدب راسو ... خرجو من لقصر و ركبو طونوبيل لمطار ...  ركب فطيارتو الخاصة ... اثير و ماليا و ريحان كانو جلسين فغرفة الاجتماعات كيعقدو صفقة جديم مع رجة من اكبر شركات انتاج النسيج فالمغرب ...
اثير بتسمات : مستر انور كنضن تفقنا على كلشي
انور بدلها الابتسامة : دكشي لي كين ا امدام اثير
كاليا بتسمات : اذن نقولو مبروك ...
انور ضحك : نقولو مبروك (وقفو تسالمو) كنتمنا تكونو غتحضرو ل مؤتمر دهذ اليلة لي غيتقام على شرف راساء انجح الشركات المغربية
اثير ببتفاخر : وعلاش حنى نقدو نفلتو حدث بحال هذا و خصوصا الى كنا معرضين كضيوف شرف ...
تسلمو و خرجو كيضحكو خداو لوطو و رجعو لقصر حيت عندهوم شلا ميتوجد لهذ ليلة ... فهذ الوقت كانت وصلات طيارة لمطار نزل منها سيف هو لول تبعو علاء عاد وليد كانو جاين لهنا باش يحضرو لشي مؤتمر هذ اليلة ... ركبو فطموبيلات و كسيراو نيشن لقصر ديالهوم ... دخل سيف بيشان لبيتو باش يرتاح
وليد تنهد : حالتو مكتبشرش بلخير ...
علاء تنهد بحزن : ماكين حتى شي خبار عليهوم
وليد دار حركت نفي براسو : والو هذي عمين و حنى نقلبو و والو بحا الى تبخرو ...
علاء زير على عينيه : كون معشتش معاهم و شفتهوم حدا عيني نقول غي كنا كنحلمو و ماكانوش من الاساس غتحماق ولله
وليد حط يديه على كتفو : غيجي شي نهار و غادي يبانو و حاس بلي قريب غي تهنا اخويا ...
تفارقو كوبا و قصد بيتو باش يرتاح ... لبنات كانو مشاو بيوتي سنتر باش يدورو يالحلة شويا صوبو شعرهوم و ضفارهم و ينضفو بشرتهم اما حتى مكياج كيصوبوه راسهوم  خرجو من بيوتي سنتر فاتحاه القصر ... ياله دخلو و هو يجي تاج كيرمي لخطوات عند ماماه
اثير كضحك : زيد احبيبي زيد ياله ياله ...
وصل عندها كيهنقها و هي حمات عندو غطير بلفرحا حيت اول خطوات ليه ... كاليا كانت كتصورو و كضحك ... دارت سلفي و كتصور راسها فديو معاهم و هما كيبوسو فيه و يلعبو معاه ... مشاو كيضحكو طلعين لبيت باش يشوفو لش غيلبسو ... فاق سيف كان مليوح على كرشو عريان من لقوف لبس غي شوط و كتبات ظيك الوشمة لي هبطا من عنقو فجنب لي كانت يصينة اما معناها بالعربية هي سميت اثير لي موشومر فيديه بحروف لاتينية قديمة تكسل و ناض من فراش دخل يدوش خرج لاوي على نصو فوطا ... دخل لدريسنغ جبد لباسو الرسمي و هنا تفكر فاش كانت اثير كتجبد ليه حوايجو و تبقا تقارن هذي مع هذي و هي كتشور معاه و هو شاد فيها و كيضحكو ... غمض عينيه بجهد ... خدا لباس رسمي ... سروال توب مع شوميز و فيست كوحل قاد شعرو و دار مݣنتو و رش عطرو ... لبس صباط كلاص و خرج كان علاء و واليد كيتسناو فيه ... علاء لابس سروال اسود كلاص مع شوميز زرقاء غلمقة حتى هو ساعا و مقاد شعرو لور و ريحت لعطر فيحا منو .. واليد لابس سروال كلاص رمادي فيه حطوط على شكل مربعات و شوميز بيضاء و فيسط دنفس طقم ماكانا و عطر حتى هو ... وصل سيف بلا ميقول حتى كلما زاد و هوما نوراه ... طلعو لموزين كيصوكها شيفور نيشان لمؤتمر ... اما لبنات كانو لبسو و خارجين فالباب ...