شهد : انا راحه لقرة عينى يفقع عينى
الام :والله بعد اللى عملتيه دا اصلا انا اللى هفسخ العقد مش هو
شهد : يبقى يعملها كدا وانا ...
ليأتى صوت من خلفها : وانتى اى ى شهد
شهد يخضه:خير اللهم اجعله خير وهى تنظر لوالدتها بخوف مش هو صح مش هو
الام بضحكه : لا هو ى اختى هو
شهد وهى تلتفت له :طلقنى بقولك طلقنى
محمد رافعا إحدى حاجبيه: نغم ى ضنايا بتقولى ايه سمعينى كدا ؟
شهد : ها
محمد وهو يمسكها من اذنها : ى متعلمين ى بتوع المساجد واحده محترمه تقول لزوجها طلقنى كدا من غير سبب وهو يقرصها من اذنها بخفه
روى أبو داود والترمذي وابن ماجه وصححه ابن خزيمة وابن حبان وحسنه الترمذي عن ثوبان رضي الله عنه قال: قال رسول الله صلى الله عليه وسلم: أيما امرأة سألت زوجها طلاقاً من غير بأس فحرام عليها رائحة الجنة.
والمعنى: التحذير من طلب الطلاق من دون علة، أما إذا كان هناك علة لكونه كثير المعاصي والشرور؛ لأنه سكير، لأنه يتهاون بالصلاة في الجماعة أو لا يصلي، أو لأنه يظلمها ويؤذيها بالضرب بغير حق، أو ما أشبه ذلك فهي معذورة تطلب الطلاق، وليس لها البقاء مع من لا يصلي؛ لأن من ترك الصلاة كفر، فعليها أن تمتنع منه وأن تطلب منه الطلاق فإن أبى ترفع الأمر إلى المحكمة فليس لها البقاء مع من لا يصلي.
أما إذا كان لا. يصلي لكن عنده سوء خلق يظلمها ويؤذيها أو يشرب الخمر، أو عنده شيء من المعاصي الأخرى الظاهرة فلها طلب الطلاق ولها طلب الفسخ من معاشرة هذا الرجل الفاسق الذي ظلمها وآذاها أو تجاهر بالمعاصي التي حرمها الله عليه.
هاااا قوليلى بقا كنتى بتقولى طلقنى ليه ى شهاده😉
شهد : اسفه مكنتش اعرف والله
محمد وهو يحتضنها :ولا يهمك ى وصية رسول الله بس بلاش تهربى من حلقة الحديث كتير 😉
شهد بخضه: انا بهرب ى محمد
محمد بضحك : لا ى روحى المهم بقا مغلبه ست الكل ليه
ثم اتجه إلى والده شهد مكملا: والله ى حماتى انا بقول نشيل الحيطه اللى فاصله بيننا دى عشا.......
ليقاطعه صوت من خلفه : اه ى اخويا تشيل الحيطه والجو يخلالكو والسناجل اللى زيى بقا البقاء لله فى مشاعرهم
محمد ممسكا تسنيم من قفاها : اى اللى جابك ورايا ى هبااابه
تسنيم وهى تدعى الحزن : انا هبابه ى محمد اخرتها بقيت هبابه طب س س سلاااام
محمد بحنان : خدى بس ى نيمو هنا وبعدين انتى حبيبتى انتى
تسنيم : لا اتثبت انا كدا. لا ى بابا انا وعلى وحش وقلبى اسود ومبتصالحش بسهوله
محمد :طب خلاص هجيبلك مصاصه
تسنيم وهى تحتضنه : احلى اخ فى الدنيا
بس قولى اى اللى جابك هنا وسايب ماما لوحدها🙄🌚
محمد بضحكه :كالعاده سمعت صوت طنط بتتخانق مع شهد اجيب اشوف فى اى
تسنيم بمكر :يا حنين ى اخويا يا حنين الحب ولع فى الدرااا. تدفع كام وأقولك اى اللى حصل
شهد :بت انتى روحى شوفى انتى كنتى فين يلاااا
لينتبه محمد موجها كلامه لتسميم: ايوا صح انتى كنتى فين
تسنيم :كنت بجيب طلبات لماما من تحت
محمد : طب وماما مقالتليش انا ليه
تسنيم :حضرتك كنت نايم وصعبت عليها ى قلبى دا فى المستشفى طول الليل ى قلب أمه سيبيه نايم وانزلى انتى
محمد بضحك: طب بعد كدا صحينى وانا انزل اجيب وبلاااش خروج كتير مش محتاجه اقولك أن المرأة الولاجه( كثيره الخروج من المنزل بسبب وبدون سبب) ملعونه تمام ى نيمو
:تسنيم تمام ى قلب نيمو
محمد :طب يلا عشان ماما
تسنيم بصراخ :ابدا وربنا مهو حاصل مش قبل منعرف طنط كانت بتزعق لشهد ليه 😉😉
ثم التفتت إلى والده شهد : فى اى ى طنط بضحكه مكتومه
والدة شهد : والله معرف ى تسنيم ى بنتى انا صحيت الصبح لقيت الفرن الكهربى مليان عجينه
وفى طاسه ع البوتوجاز فيها حاجه سوده مش عارفه اى دا
شهد بضحك : فطير ى ماما فطير
وانفجرت فى الضحك هى وتسنيم
محمد وهو يجلس على عتبة المنزل لا دا الموضوع طويل وانا قااااعد لحد م اعرف
شهد برقه: مبلااش ى بيبى
محمد: هأو طالما فيها بيبى يبقى فيها مصيبه تعالى ى شهد قاعدة جمبى ى حبيبتى وابهرينى وهو يشير على البلاط بجانبه
شهد وهى تجلس: وآدى قاعده بس ى سيدى
البت اللى واقفه هناك دى كانت عاملا كيكه جميله الاسبوع اللى فات صح؟!
محمد : صح
شهد ببرأءه : وانا كنت بعملها الاسبوع دا. وبس كدهون
محمد بدهشه: لا بوراحه يا رب تتسترى انا لسا شاب عندى ٢٧ مش عايز اموت كنتى بتعملها اززااااااى
يشهد ببراءه مصطنعه : بص هى البت نيمو قالتلى المقادير كان فيها كوبايه ونص سكر ومعلقتين بودر صح ى نيمو
تسنيم وهى تكتبت ضحكاتها :صح ى روحى
شهد انا بقا فكرتها بتقول كوبايه ونص بودر ومعلقتين سكر😌
محمد بصدمه : كوبايه ونص بودر ى شهد كوبايه ونص
شهد : سيبنى اكمل كلامى لو سمحت ى ابو حميد
محمد بضحكه: كملى ى اختى كملى
شهد بضحكه : المهم بعد معملا الكيك وحطيتو فى الفرن اتفاجئت بالعجين بيطلع من كل حته فى الفرن
معرفتش اعمل اى
محمد: مهو من كمية البودر ى اختى
شهد: المهم
لتقاطعها تسنيم :سيبينى كمل تحت الاخت شهد قفلت الفرن واخدت شويه من العجين دا حطت عليه دقيق وقالت هقليه فى الطاسه وأعمله فطير بس شااااااااط
لينفجر الجميع فى الضحك
محمد من بين ضحكاته: ى جبروتك ى شيخه 😂😂😂
متدخليش الطبخ تانى وهبقى اجيبلك دليفرى بعد الفرح😉😉
شهد : غلطانه انى ضيعت وقتى الثمين فى الكلام معاكو انا راحه اوضتى
نهضو من الأرض
تسنيم : امال دينا فين
والدة شهد بحزن :لسا مرجعتش ربنا يهديها ى رب
بدموع لو اعرف بس اى اللى غيرها كدا
تسنيم بحب: متقلقيش ى طنط ربنا هيردها والله متخافيش
والدة شهد : يا رب ى بنتى يا رب قلبى واجعنى عليها اوى
تسنيم : متقلقيش ى طنط هانت اخر وهترجع زى الاول
محمد : تسنيم انتى عارفه حاجه ومخبياها علينا
تسنيم : بعد اذنكو هروح اشوف ماما
ليلتفت الاخر لشهد : فى ايه
شهد بدموع :والله معرفش تسنيم مش راديا تقول اى اللى حصل لدينا ودينا كل م اكلمها تزعقلى وتقولى ابعدى عنى مكليش دعوه بيه
محمد بنتهيده: وانا عارف اختى تسنيم مستحيل تحكى طالما دينا مش عاوزانا نعرف
لتقاطعه الام يعنى تسيبنا قلقانين كدا مش عارفين فيه ايه ولا اى اللى غيرها بالشكل دا
محمد: حكم كشف الأسرار
قال الحسن: يا امى قال الحسن «إن من الخيانة أن تحدّث بسر أخيك» وقال الغزالي: « إفشاء السر - حرام إذا كان فيه إضرار، ولؤم إن لم يكن فيه إضرار». واللى تسنيم عملتو هو الصح وانا واثق أنهم هيعرفو بحلوها مع بعض
شهد وآلام : امين ى رب العالمين
................................
فى صباح اليوم التالى
ترن ترن ترن ترن ترن
رن الهاتف عدة مرات برقم غريب
شهد :...........
=الو شهد انا حبيبه
شهد : وعليكم السلام ورحمه الله وبركاته ازيك ى بيبه عاملا ايه
حبيبه بصوت ممتلئ بالبكاء : مش بخير خالص
شهد بخضه: لى بس مالك فى اى
حبيبه : ماما مش راديا تخلينى البس الخمار وانزل بيه بتقولى مكبرك اوى 😭😭😭
شهد : طب اديلى طنط اكلمها
حبيبه: مش راضيه بتقولى لو جيبتيلى طول الارض لحد هنا عشان تلبسيه مش هتلبسيه انتى لسا صغيره
شهد : طب انا هستأذن من محمد واجيلك بعد العصر متبكيش وادعى كتير واستغفرى بنيه الفرج واستعينى بالله بالحوقله وربك هييسر بأمر الله
( بعد العقد الزوجه ممنتخرج عادى بدون اون زوجها مادام لم يدخل بها وما لم تذهب لبيته بعد فتوى ابن عثيمين , ولكنه ان فعلت ذالك انما احتراما له )
حبيبه : هو لازم تستأنى منا بخرج عادى من غير م اقول لبابا
شهد : بصى يا بيبه فى حاجه اسمها
حكم خروج الزوجه او الفتاه بدون إذن وليها اللى هو (الاب/ الزوج )
أولا :
يتفق الفقهاء على حرمة خروج الزوجة – لغير ضرورة أو واجب شرعي – بغير إذن زوجها، ويَعُدُّون الزوجة التي تفعل ذلك زوجة ناشزة .
ودا جه فى " الموسوعة الفقهية " (19/107):
" الأصل أن النساء مأمورات بلزوم البيت ، منهيات عن الخروج ... فلا يجوز لها الخروج إلا بإذنه – يعني الزوج - .
قال ابن حجر الهيتمي : وإذا اضطرت امرأة للخروج ، لزيارة والد : خرجت بإذن زوجها ، غير متبرجة .
ونقل ابن حجر العسقلاني عن النووي عند التعليق على حديث : ( إذا استأذنكم نساؤكم بالليل إلى المسجد فأذنوا لهن ) أنه قال : استدل به على أن المرأة لا تخرج من بيت زوجها إلا بإذنه ، لتوجه الأمر إلى الأزواج بالإذن " انتهى النقل عن الموسوعة باختصار.
ثانيا بقا حيث :
ومثلها أيضا الفتاة التي تخرج من بيت وليها من غير إذنه ، فإذا كان ولي أمرها يملك أمر تزويجها ، فمن باب أولى : أن يملك القيام عليها في أمرها كله ، ومن ذلك : أن يأذن لها في الخروج من بيته ، أو لا يأذن ؛ خاصة مع فساد الزمان وتغير الأحوال ، بل الواجب على الولي – أبا كان أم أخا - أن يتحمل هذه المسؤولية ، ويحفظ أمانته التي عنده ، حتى يلقى الله تعالى وقد أدب ابنته وعلمها وأحسن إليها ، والواجب على الفتاة : أن لا تخالفه في مثل ذلك ، وفي أمر المعروف كله ، ولا تخرج من بيتها إلا بإذن وليها .( الاسلام سؤال وجواب)
حبيبه : ايوا فهمت تسلمى ى شهاده ى رب مستنياكى العصر
استودعك الله
شهد : خير من استودعت
(لما حد يقولك استودعك الله تقوليلو خير من استودعت)
يتبع
