فصليتين

البارت الحادي عشر

عسل:اجه اليوم الي خايفه منه الي ماعرف وين راح

يصفه بيه الوقت وين راح اروح مستقبلي شنو

حياتي شنو رحت ضحية لسبب هاي الخلافات

العشاائريه والهمجيه والتخلف الي كل همهم السلاح

ماكو دوله وماكو قانون يحكمهه ولا راح نصير

مطورين مثل بعض الدول ونبقه نمشي ع نظام

الدوله ونترك النظام القديم وهوه نظام العشاير الي

اكثر شي تدمو بي حياة البنات الي مثلي ومثل غيري

وكم وحده راحت فصليه ونطوهه هديه. حتى بعمر

العشر سنوات يقدمونهه فصليه. واني مستعده اروح

اذا جانت روحتي راح توقف هذا النزاع العشائري

وراح انقذ بابا واخويه وكل شخص احبه اني افكر

ودموعي تنزل ع خدودي بس وكفت كبال المرايه

وكلت لازم اصير قويه الضعيف او الفقير مايعيش

وراح ينوكل حقه اتعلم اوكف على رجليه واواجه كل

المشاكل والصعوبات الي تواجهني بلحياة هاي. وارفع

راس اهلي وماخليهم يشعرون بلحزن اجت لماكيرا

رتبتني وماقبلت اصبغ شعري خلتلي مكياج خفيف ولبست فستاني ونزلت

ام ليث:بنتي شمعة بيتي 😭😭😭😭

ليث:عسل اسفف 😭😭😭 سامحيني بس اوعدج راح اسوي كلشي بيدي حتى ارجعج

عسل:كاافي ماما ليث امي مابيه شي لاتنسون اني

تربايتكم وماراح انزل راسكم واوعدكم راح اكون

قويه ومحد راح يكدر يضرني ولا بشوي وانتو. تعرفون من اعاند بعدد

ليث:كفو خيتي دير بالج ع نفسج

ايناس:الله وياج حياتي دير بالج ع نفسج

ابو ليث:بنتي تعالي بحضني 😭🥺💔

عسل:ودعت الكل وصعدت بلسياره واني اباوع من

جام السياره والمطر خفيف ينزل غمضت عيوني

وفتحت الجام ودعت ضحكتي ودعت فرحتي وطل

الي بقه عندي والي تملكني الخوف والحززن وضلام

الي رايحه اله. ياربي انته ارحم الراحمين ومابقه

عندي اي شخص غيرك مصيري وين. اريدك توكف وياي وماتخليني وحدي
.
.
.
.
.
.
في بيت الشيخ سجاد الضحيه الثانيه

ميس:كعدت من النوم سبحت وبدلت وبليل محضره

ملابسي ومنزليهن خليت مكياج خفيف ولبست