#عشق_المعمم
#الكاتبه_زينب
#البارت11
أحنّ،
كأني لا أجيد إلا الحنين.
- محمود درويش… 🇮🇶🍃
_______
#عشق معِممُ..
لين بهدوء ودموعها تنزل… من جنت طفله ما اعرف شكد عمري تقريبًا يوم سمعت او شي نص يوم..
جابتني .. بـ استهزاء.. امي هه عود امي يكولون ذبتني بدار الأيتام من بديت اكبر شويه واسأل واكول وين اهلي.. شديصير هنا اني وين منو انتو..
علي بجمود .. اي.. شصار؟
لين مسحت دموعي .. گالو اليه انو امچ ذبتج هنايه وانتي… بغصّه… لقيطه..
علي.. دنگت راسها واني اباوع لدموعهآ تنزل.. تنهدت واني امسح دمعتي.. " گمـلي"
لين .. مجنت اعرف شنو اسم لقيطه عبالي شي عادي.. هههه اضحك واسوالف وي البنات ويايه.. بختصار تعلمت على دار الأيتام والعيشه بي..
وكبرت وبديت افهم انـو اسم لقيطه مو عادي من صارن بعض البنات لو المديره تعيرني بي .. امسح دموعي وتنزل اكثر.. كبرت وصار عمري ١٦ سنة وعرفت انو هل ميتم يشغل البنات البي وزواج متعه .. ودعاره.. من جوآ ليجوإ اذا كبرتي وبدت مفاتنچ تظهر بجسمج ويصير عمرچ اكثر من ١٣..
تصيرين لازم تشتغلين مثلهم.. او يزوجوج بس متعه.. مجرد يوم يومين ..او مرات شهر اكثر بفلوس طبعاً..
وبالحلال يكولون… واذا رفضتي يا ويلچ يشُون جسمچ من ضرب وگتل ويخلونچ مره ثانيه…
متكدرين تگولين لا…
علي بجمود واني اقترب منها.. گملي لا تشلعين گلبي..
لين .. دنگت اكثر بالگاع.. كلت لازم أشرد ممعقوله اضل يمهم وانطي جسمي لواحد يوم يومين.. ويذبني.. وفعلا بديت اشتغل على هاي سالفه.. وصرت اخطط شلون اشرد رغم صغيره وما افهم بس مصممه اشرد من هل بيت.. وخططت وصارت الشرده بيوم وآحد حتى اغراضي ما اخذتهن بس جنسيتي وكم لبسه ﻻن بوقتها جانت بارده… شردت وطلعت من الميتم واني اسمع اصواتهم مقززه وكلها كلها ويا واحد….
علي… كملي ..
لين رفعت عيوني المدمعه… لعيونه…
صرخ بغضب.. " نزليهن لعيونچ… وگملي "!
لين.. دنگت بسرعه بخوف.. " و و طلعت من البيت رحت للشارع ركض اول يوم نمت بشارع واني خايفة وارجف لو احد يشوفوني بالگوه نمت بمگان يم محل.. ومحد بي.. ما غفت عيني للحظه واني الخوف مسيطر عليه والبرد شلني.. ما اعرف شلون صار الصبح ولگيت رجال چبير بالعمر وأكف فوك راسي ..
ويسألني منين.. كتله اني مالي احد عمو.. عطف عليه ودخلني لمحله وجابلي ريوك وآكُلني… وضل يسالني منين انتي اهلج شلون جايه لهنا… حجيت اله كولشي.. وبدون تردد حبيت يساعدني…
علي .. ساعدج؟
لين هزيت راسي بـ اي.. ساعدني اي گلي اني رجال جبير بس بيتي بي عائله وهوسة ما اكدر انيمچ يمهم اخاف عليج.. اقترحت عليه انو ابقى بالمحل اتوسلت بيه.. بالكوه قبل أنو ابقى يمه سوالي مكان انام بي وجابلي سرير.. مگسر وعدله اليه بنهاية المحل ..وعشت يمه واشتغل وانظف المحل اله وهو يجيب لي آكل بين فتره وفتره مو يومياً بس اقلها ..
يشبعني لان هو حالته مو كلش محله نجار وبنهايه شارع وماكو ناس قليله عليه ويضوج اذا ما يشتغل ..
ورغم هذا كله عشت بالمحل واني اضم نفسي اذا اجاني احد.. محد يعرف انو بنية عايشه بهل المحل .. الى بيوم صار الماتوقعتة…
