غزال

31

فى احد اشد السجون فى استراليا لقد تم نقل طارق الى هناك بعدما حكم عليه بالسجن 25 عام بسبب كم الجرائم التى ارتكبها
كان يقف والده امامه فى زياره له وبينهم سور حديدى وامام كل منهم هاتف يتحدث مع الاخر منه
جلال . شفت اخر طيشك وصلنا لفين
طارق . غزال جرلها حاجه
جلال . لسه بتسال عنها بعد كل ده
طارق . هى كويسه انا مش هسامح نفسى لو جرلها حاجه
جلال بتنهيد . غزال كويسه على حسب علمى وكمان المعلومات دى كان مسرح بيها جاسر نفسه فى اخر مقابله كان عملها علشان فى ناس مهتميه بحياته
طارق براحه . كويس انها بخير ثم اخرج من جيبه ظرف واعطاه لولده
جلال . ايه ده
طارق . ده تسلمه لغزال واوعدك انى دى اخر مره هذكر فيها اسم غزال فى حياتى الظرف ده علشان حابب انهى الماضى وبداء  من جديد
جلال . متقلقش انا عملت نقد للحكم وهفضل وره الموضوع ده لحد ما اخرجك من كل ده
طارق بابتسامه باهته . جنونى وهوسى وصلنى للعقاب ده  سبنى اتحمله لوحدى ارجوك
جلال بحزن على حالة ابنه . انت ابنى وانا لازم اساعدك مافيش اب بيكون مبسوط وهو شايف اولاده فى ضيق
طارق . انا رادى بقدرى
بعد احاديث كثيره رحل جلال وطارق عزم على تنفيز ما خطط له ولكنه انتظر الى حين يتاكد ان والده قد عاد الى القاهره بسلام
ابتسم بحزن . لازم اعمل كدا طول ما انا عايش مش هقدر انسه حبى لغزال ولا الالم اللى عانت منه بسببى ولا انا هقدر انسه عذاب ضمير هو ده الصح.
§____________®^®_______________§

بينما فى احد الكافيهات كان يجلس على نار للقاء ابنته لقد مرت عدت شهور وهو بعيد عنها ابتسم عندما راها دالفه الى الكافيه ونهض
اقتربت منه بابتسامه شديده وضمته بحب. داد وحشتنى 
ضمها بشده اكبر . اخير قدرت اشوف ملاكى القمر
تاج . داد انا عاوزه ارجع اعيش معاك
امجد . ليه مامى مش مهتمه بيكى
تاج . لا مامى كويسه معايا تقريبا انا ورائد بقينا محور اهتمامها
امجد . رائد عامل ايه
تاج . هو كويس وكمان مراته كويسه وعن قريب اوى هيكون اب
امجد . اب هو اتجوز
تاج . اه دى حكايه طويله وبدات سرد له كل الحكايه من البدايه
امجد بحزن . انا سبب كل ده لو كنت زوج واب كويس مكنش هيحصل كل ده ولا كان زمانى بعيد عنكم كدا
تاج . لسه فى امل داد انت اتحسنت وبقيت كويس انا هساعدك انك ترجع تانى لمامى ونكون عائله واحده
امجد . مافيش داعى لان ده مستحيل زيزى مستحيل تسامحنى
تاج . هحاول سبها على ربنا ثم عليا
امجد . سيبك من كل ده انتى عامله ايه فى الدراسه حياتك مشيه ازى
تاج . هممم اولا كل نشطات يومى القديمه تقريبا نستها وبقا عندى نشاطات جديده لان كل حاجه كنت متعوده عليها مش عاجبه رائد وانا بحاول ارضيه والدراسه بيساعدنى فيها رائد وساعات خالو  جاسر وغزال وفى اخر فتره لينا كمان
امجد . غزال ولينا مين دول انا سفرت كل حاجه  اتغيرت ولا ايه
تاج . اه غزال مرات خالى جاسر ولينا مرات اخويا رائد هما اخوات
امجد . انا حابب اتعرف عليهم كلهم
تاج . انشاء الله لما ارجعك انت ومامى لبعض هتتعرف عليهم كلهم برحتك
امجد . انشاء الله
§____________®^®_______________§

فى قصر الجيار
كانو جميعا مجتمعين على طاولت الفطور اولا نزل رائد وهو يسند لينا التى بالكاد تستطيع المشى لقد زاد حجم بطنها للغايه دليلا على ان موعد الولاده قد اقترب لينا . امشى بسرعه شويه
رائد . الكلام ده ليا انا هو انا اللى ماشى زى البطريق المائى
لينا . انا بطريق مائى يا دب
رائد . كدا طيب امشى لوحدك بقا
لينا بعبوس . كدا بترمينى انا وبنتك طيب انا لما اولد هخدها ومش هتشوف وشنا تانى
سهام وزيزى معا . 😄😄😄😄
رائد . خلاص خلصتى دراما تعالى يا اخر صبر قال هتسيبنى قال ده بعدك واكمل مساعدتها
بعدما جلست.
زيزى . خالى بالك من نفسك كويس كلها سبوع على معاد الولاده
لينا . اه قربت اوى
سهام . ربنا يقومك بالسلامه انتى وبنت حفيدى الغالى
الجميع امين
                 ♡………®………♡