رواية: ايام قد مضت💕....
آلـ,ـحـ,ـلـ,ـقـ,ـهـ,ـ ؛10....
السلام عليكم... كيف الحال ... شن ديرين.... نشالله تكونو بخير... نحب نذكركم انها الروايه هذي حقيقيه ممزوجه بلخيال يعني في حاجات خياليه ...ونشالله نكون لغاية هنا عجبتكم وعند حسن ضنكم ومطيرتهش لكم....
(*الـلـهـم اعـنـا عـلـى ذكـرك وشـكـرك وحـسـن عـبـادتـك🤍*)...
ﻣــﮧتبالغش فـ العطاء ، سواء فـ الثقة ولا فـ الشعور كل ﻣــﮧعطيت اككثر كل ﻣــﮧ උ يزيد حجم خيبتـك 💞....عرفين ليش عشان صعب تلاقي لي يتأقلم مع تفصيلك مش كل شي ساهل ولازم من تعب وكفاح ومثابره باش تلاقي لي ... ياخذ ويعطي مش ياخذ وبس...في ناس تقول الحياه شينه ...انته امشي ارقد...الحياه حلوه بس اعرفو كيف تعيشوها...وفي ناس عندهم فكره على انه في اصحاب اصحاب مصالح ... لا انته متمشيش ترقد انت تعال نفهمك...مفيش حاجه اسمها اصحاب مصالح الدنيا خوذ وعطي لما يجيك حد يطلب منك حاجه مره واثنين وثلاثه ومرات ميجيكش الا بعد يبيها هذي مش مصلحه .. هذامرسول جايك من فوق باش تاخذ تجر وتكسب فايده ... لما يجيك وياخذك منك حتى لوكان محصلتش منه خير حتحصل من غيره .. ليش لانك درت في انسان خير... هذي اسمها فيد واستفيد خوذوعطي ... مش مصلحه ... الحياه حلوه بس تبي لي يفهمها ...
طبعا من اليوم لازم تحطو في بالكم انه بدينا في الحلقات الاخيره 🌻....
صلب الموضوع...
جا يوم الخميس وعدو هل غيث خطبو ياسمين وبلصدفه عدت لينا ...
وشافها قصي قال لي يسرى تنادي لينا برا شويه ... نادوها في السور عشان يقعدو برواحهم ويحكو... المهم ...
قصي مدخلش على طول نادو لينا وقعد شويه لينا واقفه مع يسرى....
لينا:ليش جبتيني هنا يا مصيبه.
يسرى:تي في واحد يبي يحكي معك.
لينا : منو ؟!.
يسرى: حتعرفيه توا .
يدخل قصي وتطلع يسرى تجري....
لينا:ييييه هذا انته.
قصي:مرحبتين بنور العين.
لينا: نعم نشاءلله خير.
قصي:مافي الا كل خير غير كان خاطري نشوف حبيبتي.
لينا:حبيبتك في الجنه.
قصي : حبيبتي عيونها جنه.
قصي يقرب ولينا تبعد ....
_____________
ليلى تفكر ومهموه في الحوش وفجاءه يرن ياسر...
المكالمه📞....
ياسر:الو.
ليلى:الو .
ياسر:وين قاعده.
ليلى:في الحوش.
ياسر:كنك ما جيتيش.
ليلى:عدت لينا.
ياسر:اهاا،قتلك.
ليلى:نعم.
ياسر: تذكري احمد.
ليلى:احمد من .
ياسر:تستعبطي.
ليلى:لا والله احمد من لي تحكي عليه .
ياسر:احمد لي كلمتيه الايام لي فاتت وتحسابيه رد عليك.
ليلى:كيف.
ياسر:انتي رنيتي على احمد كنتي تبي تقوليله اني انا بنجوزك وانه هوا باعك وكان خاين .
ليلى:لا مصرش الكلام هذا.
ياسر:وكان قتلك تسجيل المكالمه عندي.
ليلى:اين مكالمه.
ياسر:سمعت كل كلمه تقولي فيها له وعرفت انك مزلتيي تبيه وكنتي على علاقه معه ورنيتي عليه عشان تبي تقهريه بس هوا زلطك.
ليلى:من قالك الكلام هذا.
ياسر:انا كنت جنبه في وقت انتي رنيتي.
_______
قصي:نحبك.
لينا:شن تخرط .
قصي: نخرط في يلي كان لازم نخرطه من زمان بس مكنتش في فرصه.
لينا:باه وخر من عليا را يشوفنا حد يفهم غلاط.
قصي زاد قدم اخرى...
قصي:منيش موخر نين تقوليلي نحبك.
لينا: شن تخرف انته .
قصي زرها على الساس....
لينا:قصي تو يشوفنا حد يفهم غلط.
قصي: مش شوري بيك قوليلي نحبك نوخر.
لينا : قصي .
قصي: اعيونه.
لينا: وخر .
قصي: هيا قولي نحبك.
لينا:امشي روح.
قصي:انتي في حوشنا يا قلبي.
قصي يحط يده على يدها وبدا يزيد يتقرب منها....
قصي:هاا بتقولي؟.
لينا:منييش قااايله.
قصي...قرب اخرى،،،
قصي:بتقولي ولا بوسه وحاجات اخرى.
لينا:كيف.
قصي:كان متبيش تقولي معنتى تبيني نبوسك.
لينا:لالالالا.
قصي:شن لي لالا هيا قولي.
لينا:يا ربي كنك اتبرد انت.
قصي:هذي مش براده.
لينا:شن تبي .
قصي:قولي نحبك ولا بوسيني.
لينا (بصووت واااطي):نحبك.
قصي:مسمعتكش عليلي صوتك.
لينا(بصوت مرتفع):نحبك خلاص حول.
قصي باسها على شفايفها بوسه سريعه💏...
____________
ليلى:يا ياسر افهم الموضوع قبل.
ياسر:منبيش نفهم شي ورقمي تحذفيه من عندك وتنسي وجي .
ليلى:ليش شن درت انا.
ياسر:من جدك هذا كله ومادرتي شي.
ليلى:افهم قبل يا ياسر.
ياسر:معش نبي نفهم شي ومعش نبيك اصلا.
ليلى:الموضوع هذا مش لعب يا ياسر لازم تفهم .
الى اللقاء في الحلقه القادمه.....
مع السلامه👋...
الكاتبه ...(Rbabsham )...
