رحلة صبر

البارت 16

گالت ريحانة انتِ صغيرة انه مااريد اخسر عيالي من وراچ

-ليالي انه شعلي تخسريهم جاي احچيلچ يعني انه صرت اريد تخسرين عيالچ

-شوفي ياعيني كملي دراسة بعدچ ترا مراهقة بـ هذة الفترة اي واحد  يگلج  احبچ انتِ شمدريچ مايضحك عليچ
بعدين اتورط انه بهل السالفة لان انتِ اختي خاف عبالچ خالة زينة ترا عندو عمات يأكلوچ بلا ملح

-هه يعني هسه مو جنتي انتِ وعادل تحچون سوا ماگلتي يضحك علي لو مراهقة هم عمرچ كان ١٤ مدري ١٥ لو هي شغلة نحاسة ترا انه مااطيقة لا تخافين مااخرب بيتچ

-والله انتِ وحدة عرمة يولي بس فكري شوي اذا عرفو عمامي والله يذبحوچ صير كونة تروح من حدر راسچ زلم  ها اذا عرفت مرت ابوي تگوم تطبل بشرفچ احنا  من غير شي صفتنة حمرة عبالچ مااريدچ تچين وياي مو بالله ترا بعدين انتِ جنتي توصلين الرسايل هسه  محد اكو منو تبعثها ويا ولد
اذا نكمشتي منو يوصل الرسايل ماكو غيري انه انه اعرفچ ماتردين بيتي يخرب وارجع وياي طفلين مو صح

هزيت راسي طلعنة گعدنة شوي واندك الباب راحت بنت عمي فردوس  طلع ابن جيرانة امه تبيع ملابس
هو يجيبها على بيوت الناس لان وضعهم مايسمحك  يفتحون محل لو بالبيت لو بعلاكة تخلي ابنها يفتر

دخل الولد عمرة ٨ سنوات  نسوان عمامي بلشو يختارون ملابس لان جو بلش يحر  اكثر وحدة اخذت ليالي ماخلت شي مكياج عطور دشاديش
انطينه قسم من الفلوس وراح گال بعيد اجي لان ماعدنة

جدة گال ليالي شدعوة دشداشة وحدة وهاهية شعندج أربعة والله كنا دشداشتين نغسل وحدة ونلبس وحده

ليالي گالت جدة انه غير علمود عدول مايشوف غيري ويمل مني  صارت  تقيس بالدشاديش تگول هاي طويلة كفوها  اخذوها على الخياطة امانة

جدة تگلها عندچ اثنين مايمل منچ لا تخافين

ليل اجة عادل ليالي گالتي ريحانة مثل ماوصيتچ ماشي 

اي ان شاء الله 

الايام تمشي عمر مرات اشوفة بس دائماً اتجنب احچي وياه او حتى ادحچت عليه

بالمدرسة ماكان عندي صديقات معرف ليش الا وحدة بنت جيرانة بس بيتهم مو كلش قريب علينا هم هي راسبة بالسادس بـ عمري اسمها مرام  اول فترة نحچي مجرد عن الدراسة

الى هي حچت گالتي ابن عمتي يحبني وانه احبو واحچي وياه من الموبايل وانتِ

گتلة لا مااحب ابد شلون تحچين وياه جدام اهلچ يعني يعرفون

لا شبيچ  امي عدها موبايل حاطتو اذا نريد نخابر على اخواني من نريد  شي نتصل بيهم هي ماتدري اخذو واخابرو احچي وياه مرات بالسطح مرات بالحمام

عزا بعينج ان شاء الله متخافين يعرفون شنو موقفچ وموقف هو من يحچي ويا بنت عمتو  شةنو موقفو من اخوانج