ဉာဏ်များလွန်းသော ခင်ပွန်းသည်

အခန်း (၇၅)

Burmese Translation of Fu Jun You Zhe Dian {夫君，悠着点} by Author 苏行乐.

အခန်း (၇၅)

TRANSLATOR - NC
--------------------

မင်းကြီး သတိလစ်မေ့မြောသွားသည့် သတင်းက မြို့တော်အနှံ့ ပြန့်နှံ့လာသည်။

ဖေ့ကျင်း၏ အိမ်တော်တွင်တော့ ဖေ့ရှောင်ညောင်တစ်ယောက် မိခင်ကို ငိုယို၍ ရှာနေလေ၏။ သို့သော် သူ့မိခင်မှာ အိပ်မောကျနေလေသည်။

ဖေ့ကျင်းက ဖေ့ရှောင်ညောင်ကို ပုခက်ထဲမှ ထုတ်ယူပွေ့ချီလိုက်ပြီး ထိုင်ခုံတွင်ထိုင်လျက် သူနှင့် ဆော့ပေးနေလိုက်သည်။

ယနေ့က နေသာသောကြောင့် ဝဝကစ်ကစ်ဖေ့ရှောင်ညောင်ကလေးကို ပန်းရောင် ချည်အပါးသား ဝတ်စုံ ဆင်ပေးထားလေသည်။

ဖေ့ကျင်းက လက်တစ်ဖက်မှာ ဖေ့ရှောင်ညောင် ဝဝလုံးလုံးလေးကို ချီထားလျက် နောက်လက်တစ်ဖက်ကမူ အရောင်စိုစိုတောက်တောက် စုကျွီး အဝတ်ဘောလုံးလေး ကိုင်ထားကာ ဖေ့ရှောင်ညောင်အား စနောက်ကျီစားနေလေသည်။

ဖေ့ရှောင်ညောင်၏ မျက်လုံးဝိုင်းဝိုင်းကလေးများ တောက်ပကာ လက်လာပြီး စုကျွီးဘောလုံးလေးလှုပ်ရှားရာနောက် လိုက်ကြည့်တော့၏။ သူ၏ လက်တိုကလေးများကို မြှောက် မြှောက်ပြီး လိုက်ဖမ်းရန် ကြိုးစားရှာသည်။ သို့သော် ဖခင်က သူ့အား စုကျွီးကို မပေးပေ။

ဖေ့ကျင်းက စုကျွီးကို သူ့သား လက်လှမ်းမီရာသို့ ထားပေးသည်။ သားဖြစ်သူ စုကျွီးကို လှမ်းဆွဲပြီဆိုသည်နှင့် သူ လက်ကို မြှောက်ပစ်လိုက်တော့သည်။ ဖေ့ကျင်းကတော့ သားဖြစ်သူကို စနောက်ရ၍ ပျော်ပြုံးနေသော်လည်း သားဖြစ်သူကတော့ နှုတ်ခမ်းစူလာပြီး နောက်ဆုံးတော့ အော်ငိုလေတော့သည်။

ဖေ့ကျင်းမှာ အငိုသန်သော ကလေးကို ချော့ရတော့သည်။ တစ်ရေးအိပ်နေသော ရန်ရှီးနဉ် နိုးသွားမှာ သူ စိုးသည်။

"နဝမမင်းသား၊ ဟွမ်းကော်က မင်းသားကို လာတွေ့ပါတယ်" အစေခံတစ်ယောက် အကြောင်းကြားလာသည်။

"ငါ နားလည်ပြီ" ဟု ဖေ့ကျင်း ပြန်ဖြေလိုက်သည်။

ဖေ့ကျင်းက အငိုတိတ်သွားပြီဖြစ်သော သားဖြစ်သူကို ကြည့်လိုက်သည်။ သူ အာရုံပြောင်းနေစဉ် ဖေ့ရှောင်ညောင်က စုကျွီးဘောလုံးကို ယူသွားနိုင်ပြီဖြစ်၏။ ဖေ့ရှောင်ညောင် စုကျွီးနှင့် ပျော်ပျော်ပါးပါးဆော့နေသည်ကို ကြည့်ရင်း ဖေ့ကျင်း ပြုံးလိုက်မိတော့သည်။