ملائكه الشياطين

البارت التاسع

بقلمي / ضوء القمر 💫

‏- أنتِ شجاعة جداً وهادئة لدرجة أنني أنسى أنكِ تعانين .

نشوف ملوكه 🥺💔

مر شهرين و اني محبوسه بهاي الغرفه و ما اشوف احد غير هذا الحقير و زهره احس راح اتخبل حتى البلكونه قفلها من آخر مره بس صار ميعاشرني ولا ياذيني ما اله علاقه بيه بس ليش حابسني نايمه بالفراش و ندكت الباب اكيد زهره

ملاك : تعالي زهره

فتحت الباب و فاتت من شافتني ابتسمت

زهره : صباح العسل يا عسل
ملاك : صباحو
زهره: شلونج اليوم
ملاك : مخنوكه زهره طلعيني منا راح اموت راح اتخبل بعد ما اتحمل الله يخليج طلعيني منا
زهره : ووف يا عمري والله ما بيدي شي

كمت ابجي حضنتني تسكت بيه

زهره : زين جربتي تحجين وياه يجوز اذا حجيتي وياه يقبل تطلعين
ملاك: لا اخاف منه خاف ياذيني
زهره : انتي مو تكولين من سالفه البلكونه صار مياذيج
ملاك : يي بس متذكرين شسوه بيه اول ما جيت انتي شفتي جسمي
زهره : بس هسه الوضع تغير اول ما اجيتي هو جان عصبي بس هسه هو هدء
ملاك : انتي شايفه ثور يهدء

راسا حطت ايدها على حلكي تسكت بيه

زهره : ولج سكتي لا يجي و يسمعج
ملاك : وفففف

ضلت زهره يمي تسولف و اني ضايجه بعدين راحت تكمل شغلها طبعا بهاي الفتره هذا الحقير موصيها تشتريلي كلشي احتاجه فكرت اجرب المكياج كمت حطيت مكياج بناتي و سرحت شعري ضليت اباوع على نفسي صار شكد ما مهتمه ب بشرتي و شعري و اظافيري بهاي الاثناء انفتح الباب اني ما منتبهه كل ضني زهره

ملاك و هي تلتاف: زهره شنو رايج.....

انصدمت من شفته اني اعرف هو ميجي هيج وقت شجابه ضليت متصنمه بمكاني اجه وكف كدامي

جاسر : هاي شمسويه بروحج
ملاك بتوتر و خوف : ااا مو و ااا اني مم شسمه

ضليت اتئت تقرب مني و همس يم اذاني

جاسر : اذا تخافين على روحج غسلي بسرعه

اني هم طكيتها بركضه للحمام غسلت المكياج بس الحمره نوع مات متروح بسهوله شكد حاولت اروحها متروح طلعت اعضعض بشفتي هو واكف بنفس مكانه

جاسر : ليش ما غسلتي
ملاك بخوف: غ غسلت بس ال الحمره م مدا تروح
جاسر : تعالي

خفت بس رحت يمه فجاءه بدون مقدمات .....

‏وَكيف لِتلكَ العَينينِ أَنْ تَقْبِض أَنفاسّيَ بِمُجَرَدِ رُؤيتِهما؟

***
نروح يم نور 🤭

و فـي كيدها العظيم رقـة قلب آعظم

مر شهرين و ريان يحاول يتقرب مني بكل الطرق بس اني ابتعد خايفه مو منه بس خوف بداخلي ما اعرف ليش بيوم كاعده بغرفتي اندكت الباب