دخلت خوله الشق وقعدت بهدواء تحس بدوار وكاد انه بسبب الجوع رفعت يدينها تبعد غترت زيد وحطتها بحضنها وابتسم : ماني لك ولا انت لي ليه نتامل بعض
حطتها على حال وحطت راسها على ركبها وضمته بيدينها
دخلت خديجه وقربت منه وحطت يدها على ظهر خوله وابتسمت بحنيه : وشلونك الحين
رفعت خوله راسها وتبسمت : بخير مير جوعانه
خديجه : الاكل جاهز مير انتظرتك تردي واطمن عليك
خوله : ليه مادورتي عني
خديجه : دورت عنك مير جاسم ماتركني اروح اخذك
خوله بتعجب : جااسم
ابتسمت خديجه : تراهم متفقين
ميلت خوله فمها ببسمه خفيفه ؛ جوعانه
وقفت خديجه : الحين اجيبه
طلعت خديجه وناظرت خوله للفراغ جاسم يدري بالي حصل وكاد شافني بحضن زيد يادافع البلاء وش سويت الله يسامحك يازيد ليه ليه
دخلت خديجه مبتسمه وبيدينها صينية الاكل وحطتها امام خوله : بالعااافيه كليها كلها
تبسمت خوله وقربت تاكل لكن بالها كان بعيد
،
في مكان بعيد ومجهول
كان قاعد يناظر للنار وكانها تشعل بصدره عقد حواجبه بحقد وكره : والله ماتركتكم تتهنو بحياتكم
حط يده على كتف ولده وابتسم : لاتشغل بالك وكل شي بيصير مثل ماحنا نبي
تنهد الزعيم وابتسم بسخريه : وش يصير اربعين فارس ماقدرو يمسكون كم رجال وحرمه وش المسخره ذي
ابتسم ابو الزعيم : لاتنسى انهم عيال شيوخ وغير كذا وصلني اليوم خبر زييين يبرد قلبك
الزعيم ناظره وعقد حواجبه : وش هو
ابو الزعيم : الحرمه ذيك بتعرس
الزعيم : وشلوون وانا ابيها وشلون ذا خبر يبرد القلب
ابتسم ابو الزعيم : هدي هدي ماكملت
حرك الزعيم ملامحه بانزعاج وهز راسه بزين
ابو الزعيم : مع انشغال الكل بالعرس بـ .........
ابتسم الزعيم برضى ومن ثم ضحك بخفه ويحس فعلا برد قلبه
،
في قبيلة الشيخ ابو جاسم والكل حط راسه لاجل ينام
ذيب : بي نوووم
كنعان ؛ نام ومن مسكك
ذيب : ماسكني ذا الي قاعد يشب النار
جاسم ابتسم : تلاقيه مابه نوم وتوه صحى
كنعان : مير لزوم ينام بنصحى الصباح لاجل نفرح بك وعلى الغروب بنرح
ذيب ابتسم : ليكون عشق بنيه من قبيلتك ياجاسم
جاسم تبسم : يطب ويتنقى والي يبيها من زين حظها
ذيب : اييييه اجل وانا
ضحك جاسم : وش وانت وغروب وين راحت
ذيب تنهد بهيام واشر على قلبه : اااه غرووب هنا مخبيها
التف زيد ورفع صوته : تو مانمتو
ضحك ذيب ورفع صوته : من وين يجي النوم وانت تشب في النار
ضحك زيد : قووول مابك نوم وقرب ماله داعي لذي الاعذار
قعد ذيب وناظر زيد : وش عندك لاجل اجيك
زيد مبتسم : عندي قهوه يحبها قلبك
فز ذيب وراح قرب زيد وابتسم : صب وانا اخوك
ابتسم زيد وهز راسه : على ذا الخشم
وقف جاسم وقرب عندهم : اجل وانا بعد صب لي
ضحك زيد : ايييه قوولو كذا من البدايه
ذيب : وانت ياكنعان ماودك تجي
ناظرهم كنعان لثواني والتف لجنبه الثاني واعطاهم ظهره : ماودي بنام
هز ذيب كتوفه وناظر لهم وابتسم : الحين باعتبار باقي كم ساعه ونفترق
جاسم : وانت وش له تحسب الوقت لفراقنا
تنهد زيد وعيونه معلقه بظهر كنعان : ماهو مصدق متى نفترق
حد ذيب عيونه ومركز على نظرات زيد : اييه اعدهم لاني ودي اعيش كل ساعه باقيه معاكم ماهو قالب ظهري وانا اعد كم بقى ونفترق
ابتسم جاسم : اييه وانت الصادق الله العالم متى نلتقي مره ثانيه وان كنا بنعيش او نموت
تحرك كنعان بانزعاج وما تكلم
زيد ضحك بخفه : تدرون تعالو نلعب كلا يقول بيت شعر عن شي بداخله
ذيب ابتسم بخفه : احب الشعر هاتو اشوف
جاسم ناظرهم يناظرونه : وش تناظرون ماني قايل الاول
زيد : عجل جاسم بشوف
ذيب : اسرع يلا هات
ضحك جاسم بخفه على ملامحهم الجديه : اممممم
من ذا يبلغها اني متعب ...
والشوق في جنبات قلبي يلعب
