دانا :
وقفت عند الباب وسمعتهم يتكلمون عن اللي ماسك قضيتهم وكانوا يتكلمون عن العقيد عزام اللي هو ابوي كانوا يقولون انهم لازم يلوون ذراعه عشان يترك القضيه ويخاف منهم ، دخل عليهم واحد و جلس سألوه عن الاخبار قال لهم " اللي عرفته عنه متزوج وعنده بنت و عنوان بيته " عطاهم عنوان البيت وقال سعيد " اجل خلصوا على زوجته وجيبوا بنته " يوم سمعته قال كذا دخلت الغرفه سكرت الباب وجلست على الارض اصيح و حطيت يدي على فمي عشان ما يسمعون صوت صياحي وانهرت من خوفي على امي .
عمر :
قررنا اليوم نضبط الوضع وبكرا نروح بيت العقيد عزام و نخلص شغلنا معه ، قمت رحت الغرفه حاولت افتح الباب بعدين فتحت لي دانا الباب كانت عيونها حمراء و واضح انها كانت تبكي استغربت بس سكتت رحت جلست على الكنب و كانت واقفه قلت لها " خذي راحتك اقعدي على الكنب " سفهتني و دخلت الحمام وانا جالس كنت اسمع صوتها تبكي قربت عند باب الحمام كنت بدق عليها الباب بس قلت اخليها في راحتها احسن طلعت من الغرفه و جلست مع العيال .
دانا :
طلعت من الحمام بعد ما خلصت بكي وانسدحت على السرير ونمت من بعد البكي والتعب ، صحيت وطلعت من الغرفه ما لقيتهم بالصاله قعدت امشي بالبيت واستكشفه دخلت غرفه بالبيت كانت الغرفه مليانه كراتين وفيه كرتون مفتوح قربت من الكرتون و جاني فضول اشوف وش فيه لقيت فيه مخدرات خفت الا سمعت صوتهم جايين طلعت من الغرفه و رجعت ل الغرفه اللي كنت فيها وجلست اطالع من الباب شفتهم داخلين ومعهم مجموعه عيال و راحوا ل الغرفه اللي فيها المخدرات كان عمر واقف عند باب الغرفه و واقف معه مصلح و يسولفون والباقي داخل الغرفه .
عمر :
وقفت انا و مصلح عند باب الغرفه وقلت له " مصلح بقول لك شي ياخوي " قال لي " قول " قلت له " والله يا مصلح هالبنت معوره لي قلبي احس اننا ظالمينها وابلشناها معنا " قال لي " والله يا عمر هالبنت معنا عشان تساعدك " قلت له " انا بخير خلاص رجعوها ل المكان اللي جبتوها منه " قال لي " عمر ترى البنت صارت متورطه معنا " قلت له " شدخلها تتورط معنا وهي ما سوت شي ! " قال لي " يوم انها انحاشت معنا في ذاك اليوم وجت معنا بيت سعيد صارت متورطه معنا واساسًا هي ساعدتنا يعني حالها حالنا " قلت له " بس كل اللي سوته مجبوره ومو برضاها ! " قاطعونا العيال لما نادونا ورحنا نساعدهم نطلع البضاعه من الغرفه و نوديها ل السياره .
مصلح :
جاء الليل وكنا جالسين بالصاله وكان سعيد يمدح لنا مطعم بالحي طلعت انا و قحص ورحنا ل المطعم و طلبنا وجلسنا ننتظر الاكل طلعت من المحل و ولعت دخاني وجلست امشي حول المحل وانا امشي سمعت ...
____________________________________
شرايكم ؟ 🚶🏼♂️
تتوقعون وش سمع مصلح ؟
اسفه امس ما نزلت كنت مشغوله❤️
