الورثة ( رواية ليبية )

#الورثة

البارت الثاني

منيرة ... الحوش حوشكم كان م شالتكم الأرض
نشيلوكم فوق روسنا ولا شنو ي مرت خوي
وفاء ... ف سرها تلعن ف منيرة طبعا طبعا
مكاسب ... جينا وقت العشاء حماتي تحبني ههه
ومشت قعمزت تأكل مع انها م كانت اطيقني لا
ف سماء لا وطاء بس يلا
منيرة ... تغرف ل مكاسب امي متكرهش حد من بلاش
مكاسب ... لأني طيبه كاسره عصاتي
وفاء ...
منيرة ... ولسانك طويل هذا وطيبه
مكاسب ... ساكته بس عشان خاطر ف أطفال كان م هك نقول كلام +18
وفاء ... مكاسب
مكاسب ... هيا ي عيال ههه مصبين متحشمين حوش سيدكم تعالو قعمزو
وفاء ... سيدهم توفى يعني حوشي انا
مكاسب ... وانتي والمرحوم شنو م واحد
محمد ... فتح باب هلا
مكاسب ... نجك لي حمدلله ع سلامة تحكي وفمها مليان
محمد ... سلمك
رحاب ... حمدلله ع سلامة
مكاسب ... خذينا مكانك ههههه
محمد ... ماعنديش نيه ومشا لداره
وفاء ... صحتين وطلعت ورا محمد
طق طق
محمد ... تعال
وفاء ... فتحت باب ممكن نخش
محمد ..
وفاء قعمزت ع طرف سرير شن صار معاك
عجباتك نقولو مبروك ولا شني 😌❤️
محمد ... يبتسم اي اي
وفاء ... ضحكت شفت امك تجيبلك الا حاجة زينة
محمد ... تمام ياامي بنرقد 😂
وفاء ...اكيد بتحكي معاها طبعا يلا نمشي تصبح ع خير
محمد ... تلقي الخير
فلاش باك

فرح ... خشت لقت محمد قاعد ف مربوعه
هااااي شجوووووووو شخبارررك وقعدت تضحك
بروحها بيش يخاف ويطفش
محمد ... اهههههههه
فرح ...

ف دار فرح مع صحبتها
خلود لاء
فرح اي والله هذا الي صار
خلود انتي لبستي لماعي ودرتي العار
فرح تأكل ف نوتيلا متذكرينيش كل مانذكر بيغمى عليا
خلود اكيد طفش العريس
فرح الحق نا كنت نحسابه مغرور ومكنتش نبي نتزوج بس بعد شفته ندمت يجنن لو تشوفيه
خلود ... مخيبك
فرح ...☹️

ف القصر
وفاء وهذا جناح خاص بيك وب عيالك
مكاسب بتقعدينا مكان م يقعدو الخدم
وفاء ... لا حشاك سلفتي ف فاصل بينكم
ومتخافيش الخدم مش هيجو شوركم
مكاسب ... شكرا
وفاء ... العفو طلعت وسيبتهم
رحاب ... ان شاء الله عاجبك قلة قيمة اللي نحنا فيها
وداد ... صراحة عجبني مكان خدم احلى من حوشنا
هذا كله دار واو كبيرة دار فيها أديار وحمام ومطبخ
وصالة وجنان الله 😍
رحاب ...😒
مكاسب ... عمكم مات مش من بلاش من ورا العقيرب اللي عنده
ليث ...مقعمز ع صالون اوووو عمنا ريتش ي جماعة والله مش باين فيهم ههههه
رحاب ... ربي يزيدهم
سر ... ابلة نظيرة عايرينا ب سكوتك
رحاب ... تصبحو ع خير
مكاسب ... اببببووو تعايب ع رحاب
ليث...😂😂😂😂
محمود ...😃

وفاء ... ادير ف مرطب ليديها
منيرة ... طق طق
وفاء ... 🤨منننن
انا منيرة عادي نخش
وفاء ... خشي
منيرة ...شخبارك كويسة
وفاء ... جايتني ف نص الليل عشان تسأليني سؤال
هذا كويسة ي منيرة كويسة هاه حاجة اخرى
منيرة ... قلت نطمن عليك
وفاء ... لا اطمني كويسة
منيرة ... باه طلعت تحكي مع روحها شكلها مش كويسة انظر كنها
خشت ع دار ملاك نقدر نخش
ملاك ... كانت تقرا اي خشي اعميمة
منيرة ... حطت سفرة ع طاوله فيها كباية حليب
ملاك ... اووو كنت محتاجتلها
منيرة ... حليب ب العسل ل ملاك العسل
ملاك ... ابتسمت
منيرة ... عندك امتحان
ملاك ... اي علوم
منيرة ... باهي منعطلكش عن قرايتك ربي يوفقك
ويفتحها عليك ويبعد عنك كل شر وماتنسي حرف
ي ملاك ي بنت خوي ي الحنونه يالطيبه ربي يفرجها ويفتحلك دماغك وقت الامتحان يارب