مهـماا فعـل يضـلل ابـي ❤️💔
.
.
.
وصلناا وخالاتي وعماتي قلبوها زغاريط
لين عيوني دمعوا ع العموم درناها زي العشية بس وبعدين ع المغرب روحوا الناس ....
وطبعاً قعدوا العائلة والاقارب بس
.
.
.
الناجي: قاعد برا توا
آية: لا صقع حبيبي خش جوا
الناجي: ماعنديش خلوق بكل
آية: بصراحة ، مش هاينه عليا نجمة بكل
الناجي: اي مش عارف كيف بتقعدوا بلاها مع ان هرجتها واجد بس نستاحشوها
آية: حرام عليك 😂
الناجي: اي شن جو القراية
آية: تمام ويع مع بعضهن .. ياعون الي كملها 😩
الناجي: هههههههه اللهم لاشماته 😂
آية: خلاص باي 😒
الناجي: تي خيرك حرجتي
آية سكرت وخشت للدار لقتنا دايرين عاله وملتمات الشبابات قعمزت وقعدنا نهدرزوا ...
.
.
.
تسريع للأحداث 🌞💓
مرن كم يوم وجي يوم عرس نجمة
ولؤي خدي ايميل رود لصاحبه يعرف كيف يهكر وكدا بس كل شي يصير قدام عيون لؤي طبعاً
سراج ناوي على شي ممكن يقلب حياة نجمة
ومحمد ماشيه حياته زي ماهو مخطط
ورافع كلم امه ع مبروكه وعجبتها هلبا وقرروا يخطبوها بس بعد عرس اختها وكذا يعني
.
.
.
يوم 2015 . 9 . 3 💛
طلعنا من المزين وركبنا نا وماما وآية مع لؤي
وكان الفستان زي فستان الملكات والمكيب كان سمبل يعني ماحبيتش الاوفر
وآية لبست سكيرت فوق الركبه بالون البزاري وبلوزة بالون الاسود نظامها زي الكت وتسريحه كوبه على شكل وردة وميكب سمبل حتى هي
ومبروكه لبست فستان تحت الركبه بشوي لونه زي الفيروزي ومرصع بالفضه وطالقه شعرها
ورنيم لابسه فستان لونه بودري مخصر فوق الركبه بهلباا وكعب ع لون الفستان وتسريحه ذيل حصان
وطبعاً الشباب ياحليلي كلهم لابسين الزي الليبي (العربي) ❤
وصلناا للصالة والكل يزغرطوا والناس كلها يشوفولي ... خشيت مع لؤي وصلنا للمسرح وشافلي
لؤي: خلاص اليوم بتسيبينا ياقردة 🥺💔
وانا حضنته وعيوني تعبوا دموع
ولؤي عدا جري عشان مايشوفش حد من النساوين
قعمزت وقلبي يدلف دلف كنت متوترة على فرحانه
مشاعري كلهن تلخبطن
.
.
.
رنيم: الناجي هادا بيزعملي كبدي هففف وين راح توا
علي: هففف جنان وين نكلم فيها بكري ماتدردش طبعاً علي خلوه يتعب ويجيها لعندها الست هانم
علي وصل لباب الصاله
رنيم سمعت صوت رجلين: واخيراً جيت يا افندي
علي: 😳
رنيم: 😳 .. شن د د دير هنا
علي كان مصدوم ويشوفلها وبس طبعاً هي لاطالعه بعبايه لا انهم يحزنون 😂
علي تعفلق: خشي جوااا 😠
رنيم: اوكي اوكي 😯
وخشت وقلبها يدلف دلف 💓
.
.
.
شوي وعلقوا اغنيه
” عشق ماعندي غيرك تدري انت بس💛 “
مع خشه حسام
صبيت ودموعي عبوا عيوني وقعدت نرعش
" شوفي شعورك لما خلاص تتجوزي يالي حبيتيه وحاربتي الناس كلها عشانه 💛"
جي حسام مسك يدي وغمض عيونه
حسام: مبروك ياقلبي ❤️
اناا خلاص كنت قريب ونبكي: الله يبارك فيك ❤️
وحضني وصالة كلها يقعدوا يعيطوا
حسام: خلاص ، خلاص يابكايه
اناا: باه باه 🥺
وجابوا الطورطه وكلني حسام واني وكلته وبعدين صورناا ومشيناا
وركبنا في السيارة وطول الطريق شادين يدين بعضنا ❤️
ووصلناا للحوش ونحيت الفستان ولبست بيجامه وخش حسام للحمام قعدت شوي على التيليفون وبعدين غلبني النوم
طلع حسام من الحمام ( يكرم القارئ )
وشافني راقدة غطاني ونحا الفون
وهز الفون في يده فجأه كانت رسالة من رقم غريب كان بيحطه بس مسكه وفتح الرساله
حسام: 😳😳
.
.
.
رنيم وهي تبكي: استاحشتها 💔
سلوى: واني شن نقول ايييي 💔
مبروكه: الحوش فاضي بلاها تما 😢
خلود: خ خ خلاص م ماتبكوش ه هي خاشه لحياة جد د يدة بلعكس افرحولها
مبروكه: كلامها ينقط عسل البت هيا 🤤💛
سلوى: ههههه يانجي كنتي وخلاص 💛
خلود فرحت هلبا وحست روحها انها من العائله 💕
.
.
.
حسام: نننجججمممةةةة!
اناا: حسام خيرك شن في 😳
حسام عزق التيليفون: هادا شنيييييي
اناا مسكت التيليفون: رسالة؟
حسام مسح وجهه: اقريها
اناا بديت نقرى فيها وعيوني دمعوا
" اهلين يا نجمة
صح اني بعدت عليك فترة ويمكن قاعده زاعله مني بس مازلت نحبك ومازلتي في قلبي ... خلينا نردوا لبعضنا زي زمان يا نجمة ... "
اناا: لا لا كدب كله كدب
حسام: ليش تكدبي عليا وتقولي ماحكيتش مع حد انت الشخص الوحيد الي حبيتك ليييش
اناا: حسام ماتصدقش والله كدب 😭
حسام غمض عيونه بالقوة وطلع برا الدار
اناا قعدت نبكي: ليش ياربي ليش ليش حتى بعد ماخلاص بنتهنى في حياتي نرد تاني للمشاكل لييش 💔
وحاول كل حد فينا يرقد بس ماقدرناش 💔
.
.
.
علي غمض عيونه وحاول يرقد بس صورة رنيم مافارقاتش ❤️
مسك فونه بعت مسج
" نحبك ومانقدرش ننساك ... لتوا قاعده في بالي ... حتى موقف بكري لتوا فبالي 😂❤️ "
قعد شوي بعدين ردت
" ولا اني قادرة ننساك "
" خلاص معناها عليش مانقعدوا ديما مع بعض "
" كيف "
" مافيهاش كيف ... نردوا لبعض "
" مافيش شي كان بينا عشان نرددوا "
" عارف بس ماتكسريش ظهري يارنيم صدقيني بنموت من غيرك "
" ونا على اساس مامتش الف موته لما قتلي كلميلي بنت جيرانكم "
" اسف والله اسف ونستاهل سباط ع وجهي باهي "
" حشاك ... خلاص عطيني فرصة نفكر "
" خووووودي راحة رااااحتككك "
وسكرت وهي فرحانه .. وهو زيها
.
.
.
