حمدان:خلاص كفايه عليكي كده يا رورو. اشرقت بفهم:اااه قول كده. فضل حمدان مركز مع نورا لغايط ما ركبت تاكسي. اشرقت بضحك:يا خساره البت مشيت. حمدان بزعل:يا خساره فعلا. اشرقت بضحك وغمزت :واو عجبتك؟ حمدان بإبتسامه حرج:يلا ياختي نروح وركبوا العربيه وروحوا البيت وهو كل تفكيره في نورا مش عارف عملت في ايه بجد وقام يصلي يدعي إنه يقابلها تاني.. عند نورا روحت البيت ودخلت اوضتها تقيس اللبس تاني ولبست الفستان اللي اشترته دخلت مامتها واتصدمت:اي ده اشتريتي يعني فستان والله قمر يا حببتي بالفساتين معرفش مش بتلبسيهم ليه بس وابتسمت جيهان أمها وكملت:تلاقي مراد اللي قالك تشتري صح؟ نورا:لأ لأ مراد ايه بس إنتي عارفه مراد اصلا مش عارف إني رايحه اشتري لبس ده هي بنت في المحل كده كانت بتشتري فستان وكان معاها شاب ولو شوفتي يا ماما رافض إزاي أنها تلبس بناطيل بس بصراحه البنت فعلا الفساتين جميله عليها ف حبيت اجرب بس إيه رأيك حلو؟ جيهان بابتسامه:اوي اوي يا حببتي..وفي الوقت ده رن مراد جريت نورا تمسك الموبيل وفرحت اول ما عرفت إنه المتصل ابتسمت مامتها وخرجت. نورا بإبتسامة:حبيب قلبي. مراد بضحك:أيه يا نور عيني بتعملي إيه كده؟ نورا بإبتسامه:كنت بشتريلي لبس كده وإنت فين؟ مراد:كنت مع صحابي ولسه راجع البيت.. قاطعته نورا:مش انا قولتلك نخرج وإنت قولتلي مش هتخرج النهارده؟ مراد بتردد:اه أصل هما زنوا عليا يا نورا وانا بقالي كتير مبخرجش معاهم خالص ويا حببتي خلاص فرحنا قرب ومش هشوفهم كتير. نورا:اممم طيب خلاص. مراد حس إنها زعلت:حببتي آسف شوفي بكره نخرج فين ونروح صحيح بكره المهندسين هييجو الشقه يظبطوا الديكور ف هنروح الجامعه ونطلع عليهم المهم الشقه عجبتك ولا لأ والعمارده؟ نورا بحب:حبيبي والله حلوه اوي والمكان بتاعها جميل اوي وكفايه إنك هتبقى معايا فيها. مراد:بحبك اوييييي ربنا يخليكي ليا يا حببتي. (عند حمدان واقف في البلكونه وعمال يتخيلها اول ما دخلت المول وبيندم إنه معرفلهاش اي طريق )قاطع تفكيره رنة موبايله كانت هويدا مردش فضلت تتصل ف رد بملل:الو سلام عليكم ؟ هويدا بإبتسامه:وعليكم السلام ورحمه الله وبركاته ازيك يا حمدان؟ حمدان:الحمد لله امم في حاجه؟ هويدا بحرج:لأ مفيش انا بس قولت اتصل بيك افكرك ان بكره هنطلع عالشقه اللي بابا قال عليها نشطبها وكده هنروح عالساعه10 الصبح كده تمام؟ حمدان:طيب تمام مع السلامه. هويدا:سلام. مامتها:أيه مكملتيش دقيقتين يعني؟ هويدا بملل:معرفش بحسه كده بيختصر الكلام هيفضل لغايط امتى اهبل مش عارف إني بحبه ده ولا إيه؟ مامتها بخبث:الواد ده متسبيهوش مهندس وبكره يفتح شركه ومستواهم المادي كويس إنتي من بكره هتبقي معاه بتشتغلوا حاولي تتعرفوا على بعض تخلصوا وتتغدوا كده. هويدا بإستهزاء:حمدان يخرج اسكتي يا ماما بالله ده مكانش عايز يرد عالموبيل تقوليلي أخرج معاه. مامتها:حاولي بس. وفي اليوم التالي صحيت نورا وقابلت مراد وراحوا الجامعه. صحي حمدان ولبس بدلته وراح الشركه ودخل عند رامي كانت هويدا كالعاده موجوده. رامي بابتسامه:اقعد يا حمدان دلوقتي طبعا هتبتدوا شغل من النهارده انا مش هقولك عايز أشوف شغلك عشان انت ما شاء الله عليك مهندس ممتاز بس كل اللي هوصيكم عليه يا ولاد الوقت الشقه تخلص عالسريع وكمان أبو العريس ده صاحب شركه مقاولات يعني ناس كويسه واضح كده وبس خد يا حمدان رقم العريس أهو اتصل بي شوف هتتحرك امتى انت وهويدا عند العمارده. خد حمدان الرقم وقام وقف:تمام يا بشمهندس متقلقش وأنا هتصل بي واعرف نتحرك امتى.. بعدين بص على هويدا:هخلص ورق في مكتبي واعدي عليكي نتحرك. خرج حمدان من المكتب وراح يتصل بمراد. (في الجامعه خلصت المحاضرة وخرج مراد ونورا وفجأة رن موبايل مراد كان حمدان)مراد:الو مين؟ حمدان:معاك حمدان مهندس الديكور بتاع تجهيز الشقه أستاذ مراد معايا صح؟ مراد بتفكير:أيوه أيوه تمام يا بشمهندس حمدان انا وخطيبتي أهو لسه مخلصين المحاضرة وهنطلع عالشقه عشان نرتب الديكور وكده. حمدان بجديه:تمام وأنا هتحرك دلوقتي انا والمهندسه هويدا. راح حمدان ل هويدا المكتب ونزلوا يروحوا العماره راح بعربيته وهويدا ركبت معاه ووصلوا عند العماره واستنوا مراد.عند نورا ركبت العربيه مع مراد وطول الطريق عمالين يضحكوا ومشغلين اغاني رومانسيه. وصلوا عند العماره. (حمدان إتصدم لما شاف نورا كانت أكبر صدمه لي في حياته معقول دي العروسه! راحوا عند حمدان وهويدا. نورا بصت على حمدان وافتكرت أن ده الشخص اللي شافته في المول مع اشرقت وهو فضل باصصلها شويه والاتنين سكتوا ومقالوش أنهم اتقابلوا في المول ومش عارفين ليه عملوا كده. مراد:أهلا بشمهندس حمدان. حمدان بحزن مكتوم:أهلا يا استاذ مراد دي مهندسه هويدا بنت أستاذ رامي. مراد:أهلا وسهلا بحضرتك. وخلصوا سلامات وطلعوا الشقه وحمدان بيبص على نورا وزعلان اوي. حمدان بص عالشقه وشافها حلوه جدا. هويدا:تمام بصوا حضرتكم تحبوا ديكور الشقه يبقى عامل ازاي؟؟؟
وبسسس كده خلص بارت 4 هستنا رأيكم
يا ترى حمدان هيعمل إيه لما عرف إن العروسه هو اللي بيحبها؟
ويا تري ليه نورا وحمدان سكتوا ومردوش يقولوا إنهم اتقابلوا في المول؟ كل ده هتعرفوا في البارتس اللي جايه ياريت يكون فيه تفاعل شويه احبائي ^^قراءه سعيده💕❤❤❤
بقلمي رضوى وائل ❤✌✌
