المدير:وشنو هذا نبيل
نبيل: مدرت والو هيا عيطتلي
المدير: بركانا مالكذب شحال من خطرة ديرها و منلقاش دليل بصح هاد المرة باباك ميقدرش يسلكك
نبيل: اااااه
الشرطي: يالاه قدامي
راح داه معاه للبيرو تع المدير وكي دخل حل فمو مالصدمة كي لقا كامل لبنات اللي تعدا عليهم فهاد المدرسة ....
نبيل(بخوف): ششككوونن ههاااددوووو
ملاك:انا نقولك .هادو هوما لبنات اللي اغتصبتهم و تعديت على شرفهم و كل وحدة فيهم عندها دليل ضدك واكبر دليل هو الكاميرا اللي صوراتك كي حاولت تتعدا عليا
نبيل: ووششنننوووو
ملاك:واش عبالك صح تقدر عليا انا كنت قادرة نبعدك عليا و نقتلك .بصح انا خليتك باش نلقا الدليل اللي يدخلك للحبس و احسب نتا اولهم بثينة،زينب،منال،سعاد،وغيرهم و غيرهم
شحال راح تعقد فالحبس .طول عمرك
وكيما كان الحال داو نبيل للحبس و كل طفلة مسها اشكات بيه و ملاك نفذت الوعد تاعها ...
______________________
روحوا لعند نصر الدين اللي كان يوجد فدوزان باش يروح للمهمة تاعو وكان تومي قاعد فوق البنك ....
توم: اذن هل ستذهب وتتركني
نصر الدين: لن اغيب طويلا .
توم: اخبرني كم ستغيب
نصر الدين: لا اعرف ولكن ساكلمك دوما
توم: حسنا اعتني بنفسك
نصر الدين: وانت ايضا عزيزي .هيا حان وقت النوم
توم:اجل
راحوا في زوج رقدوا و غدوة منذاك الصبح خلاه راقد و خرج لبرا لقا جاسر و سامي يستناو فيه ركب معاهم و قلعوا ديراكسيون للمطار ...
_____________________
عند ملاك و بثينة كانوا قاعدين فشمبرتهم يقصروا ...
بثينة: ياااي شحال راني مرتاحة كي دخل نبيل للحبس
ملاك : وي ورح نوصي روزا تتهلا فيه كيما يلزم الحال
بثينة: 😂😂 شحال راني حابة نشوفو فالحبس
ملاك: خلاص نزيدو يامات و نروحوا نديرولوا زيارة
بثينة: منك سيريو
ملاك: وي نقول لرزان دخلنا ليه
بثينة: اكي.بصح اسمخيلي عندك وحد المخ كيفاش جات في بالك
ضحكت ملاك وهيا تتفكر فالخطة تاعها ....
Flach back .....
فالمدرسة الداخلية تع ملاك كانت قاعدة مع بثينة فالساحة بعدما خرجوا مالكلاصة .....
ملاك :اسمعي مليح راح نقولك الخطة لازم نفذوها فاقرب وقت مادام رزان مراهيش تخدم
بثينة: ملاك اخطيك منو مانيش حاباتو يدنا ليك
ملاك: وشنو كي وصلنا للصح نحبس .والله غير ندخلوا للحبس ونكرهلوا حياتو
بثينة: كيما تحبي .واش لازم ندير
ملاك :اسمعي مليح (انا دك روح نشوف كامل لبنات اللي اغتصبهم هاد الكلب و نهدر معاهم و نقوللهم على الخطة تاعنا باش كي نحكموه يشهدوا معانا برك و نهار اللي نفذوا فيه جي رزان معاها زوج بوليسيين و المدير تقعد قريبة عالشمبرة تاعنا و نتي مع لبنات فالبيرو تع المدير متبانيش قع قدامو و نوصلو خبر بلي رحتي لداركم و راني وحدي هو رح يستغل الفرصة و يجي ليا وانا نكون حطيت كاميرا نصور كامل واش يصرا مراحش نخليه يمسني نخليه يقطع حوايجي شوي برك
بثينة :ايه بصح كيفاش رح جيبي المدير
ملاك :انا نهدر معاه متخافيش وهو اصلا راهو يحوس عالدليل باش يحاوزوا ملايكول هادا و يدخلوا للحبس )
بثينة: يا راستك عندك وحد المخ
ملاك: خصارة عليك متنسايش انا بنت من
بثينة: هاهاها المهم وقتاش تنفذي
ملاك: منا علا يومين ولا تلت ايام كي نهدر مع روزا
بثينة : داكووور .راني حابة نشوفو فالحبس
ملاك:والله غير نبردلك قلبك فيه .اصبري برك .
Flach back....
ملاك: والله معبالي جات هكا وخلاص
بثينة:المهم تهنينا منو
ملاك: وي ههههه
__________________
عند رزان و ياسمين وجدوا رواحهم و رفدوا دوزانهم و قلعوا ديراكسيون للمطار
كانت ياسمين تسوق و رزان شاردة تتفكر النهار اللي استدعاهم اللواء للمكتب تاعو ...
Flach back ....
رزان+ياسمين : حضرات وداروا التحية العسكرية
اللواء: ارواحوا ارواحوا
رزان: كاين مهمة جديدة
اللواء: نعم مهمة جديدة .و تهمك نتي روزا
رزان : وشنو هيا حضرات
اللواء: تم اصدار قرار القبض على الدون
ياسمين: ولكن حضرات هاذ شي منقدرولوش وحدنا
اللواء: ولهذا راح تخدموا مع ثلاثي الهلاك
رزان: فهد المخابرات + صقر المخابرات+عقرب الكمبيوتر
اللواء:بالضبط المهمة راح تطون في سويسرا وراح نتلاقاو لتم مع ثلاثي الهلاك و تتفاهمو على الخطة و كل شي
ياسمين: وقتاش السفر
اللواء:بعد اربعة ايام
رزان: حاضر رح يتم تسليمو فاقرب وقت
اللواء: نتمنا هذا لانو لازم نكملوا الاجراءات الرسمية
رزان(بصوت مرعب):متخافش رح نجيبلكم الجثة تاعو
Flach back ....
وصلوا رزان و ياسمين لمطار سويسرا و بعدما كملوا كل الاجراءات خرجوا لبرا
كانو واقفين معبالهمش وين يروحوا حتى صونا التليفون تع رزان ...
رزان: الو
👨💼:الو معايا العميلة رزان *****
رزان: انعم شكون معايا
👨💼:معاك صقر المخابرات
رزان: اااه ممكن نعرف وين راكم
👨💼:شوفي موراك
دارت رزان موراها لقات جاسر و معاه زوج متعرفهمش ...
رزان: عميل جاسر واش راك دير هنا
جاسر: ماشي هنا روحوا لدار و نتفاهموا
رزان: داااار !!!!
جاسر: وي لانو مراحش نكونوا براحتنا فالفندق و لانو المهمة خطيرة لازملها توجاد كبير
رزان: وي صح
جاسر: تفضلوا معانا
راحوا كامل ركبوا فطونوبيلات وحدة لرزان و ياسمين و لوخرة لنصر الدين و صحابو....
كي وصلوا لتم دخلوا لدار ....
(كانت فيلا كبيرة فيها 3 طوابق كل طابق يعتبر دار وحدها)
جاسر: علابالنا انو ميجوزش نقعدوا كامل مع بعض بدون رابط شرعي علابيها خيرنا هاذ الدار الايطاج الاول نتلاقاو فيه و الثاني ليكم نتوما و حنا الفوق كامل و كل ايطاج يعتبر دار وحدها يعني مكاش حاجة حرام ولا اختلاط بيناتنا
رزان: كنت نخمم فهاد الموضوع .شكرا ليكم
جاسر :تفضلوا نرتاحو اوبعد ساهل
راحوا طلعوا كل واحد لدارو باش يريحوا و غدوة منذاك يبداو الخدمة ...
__________________
والى هنا نصل إلى النهاية البارت
نتلاقاو فالبارت الجاي ان شاء الله
واش رايكم علاش اللواء قال بلي المهمة تهم روزا ؟؟؟
و هل رح ينجحوا ولا يفشلوا ؟؟؟
ومتنساوش فوت و كمنتار
حبكم ❤
YOU ARE READING
بين جدران المخابرات (رزان&نصر الدين )
Actionهو قوي،عنيد،لايخاف الموت والاهم انه لا يعترف بالحب و يعتبره ضعف هو عميل متخفي في المخابرات الجزائرية لا أحد يعرف هويته ولا احد يعرف شكله الحقيقي سوي مديره و صديقيه المقربين هو فهد المخابرات هي،قوية عنيدة ،لا تقبل الهزيمة .لاتخاف على نفسها بل ع...
