ဉာဏ်များလွန်းသော ခင်ပွန်းသည်

အခန်း (၃၁)

Burmese Translation of Fu Jun You Zhe Dian {夫君，悠着点} by Author 苏行乐.

အခန်း (၃၁)

TRANSLATOR - SS

--------------------

လက်ရေးလှအခန်းထဲတွင်ဖေ့ကျင်းတစ်ယောက်တောင်ပိုင်းကျင်းမှလာသော အကြီးအကဲမာ၏ စာကိုဖတ်နေခဲ့သည်။

အကြီးအကဲမာပို့လိုက်သည့် လူကလည်း သူ့ကိုငါးခြောက်တွေပေးသွားသေး၏။ စာထဲတွင် ဖေ့ကျင်းမွေးထားသည့် ငါးတွေက အတော်လေးအရသာရှိသည်ဟူ၍လည်းရေးထားသေးသည်။

ဖေ့ကျင်းစာကိုဖွက်လိုက်၏။ နန်းတော်ထဲတွင်ဖြစ်သမျှကိုသူရေးပေးလိုက်သည့်စာကိုရကြောင်းပြောသည့် စကား၀ှက်မှန်း သူနားလည်လိုက်သည်။

ဖခင်ကသားတွေကိုသံသယ၀င်ပြီးသားတွေက နန်းလုနေသည့် တော်၀င်မိသားစုတွင်သူမွေးလာရသည်က ကောင်းချီးပေးခံရမှုလား ကျိန်စာလား သူမတွေးတတ်ပေ။ အသက်ရှင်ဖို့အတွက်ပဲ လက်စားချေရမလား၊ မိသားစုကိုကာကွယ်ဖို့ ခံစစ်ပဲပြင်ရမလား။?

နောက်နေ့မနက်တွင်တော့ ရန်ရှီးနဥ္ရော ဖေ့ကျင်းရော မိသားစုစုံညီစည်း​ေ၀းပွဲအတွက် နန်းတော်ထဲသို့၀င်ရသည်။

ရန်ရှီးနဥ္၏ခန္ဓာကို်ယ်က မနေ့ညကလောက်မနာတော့ပေ။ ထို့ကြောင့်လမ်းလျောက်ရတာအဆင်ပြေစေရန် ပေါ့ပေါ့ပါးပါး၀တ်ရုံရှည်တစ်ခုသာ ၀တ်ဆင်ခဲ့သည်။

မုမိဖုရားကတော့ ထိခိုက်ထားသည့် သတ္တမမင်းသားကို ဂရုစိုက်ပေးနေသည်။ ထို့ကြောင့် ခပ်လှမ်းလှမ်းတွင် ဘုရင်မင်းမြတ်၊ မိဖုရားခေါင်ကြီး၊ လမိဖုရားနှင့် အိမ်ရှေ့စံ၊ ဖေ့ခန်းတို့စု​ေ၀းနေကြသည်။

ဖေ့ခန်းက ဖေ့ကျင်းကိုမြင်တော့ ပြေးလာချင်သော်လည်း ဘုရင်မင်းမြတ်ကဆူမှာစိုးသဖြင့် လမိဖုရားနားတွင်သာ ရပ်နေလိုက်တော့သည်။

"မင်းသွားချင်ရင်သွား။"
ဘုရင်မင်းမြတ်က ဖေ့ခန်းကိုပြောလိုက်ခြင်းဖြစ်သည်။ "အဲ့နားမှာလငပုတ်ဖမ်းသလိုနေမနေနဲ့"

ဖေ့ခန်းက သူ့အဖေပြောသည်ကိုနားမလည်သဖြင့် လမိဖုရားက ရှင်းပြမှ ဖေ့ကျင်းဆီသို့ပြေးတော့သည်။