|| second installment of "habit series" ||
Solari Dominguez has a habit of biting her fingernails, especially at the times that she's nervous or guilty. It was a normal mannerism for everyone, not until Justine Klein Olivarez kissed her one day when...
❝ Alam ko sa sarili ko na ikaw ang pinakaminahal ko
Sa lahat ng lalaking nagdaan sa buhay ko.
Hindi kita iniyakan dahil wala namang dahilan.
At naging pinakamasaya ako noon . . .
Noong hindi pa tayo nagkakasakitan. ❞
Oops! This image does not follow our content guidelines. To continue publishing, please remove it or upload a different image.
"Sa lahat ng ex mo, sino 'yung pinakainiyakan mo?" tanong sa akin ng pinsan ko na si Calista.
Napasandal ako kasabay ng paghalukipkip habang iniisip lahat ng mga naging ex ko noong high school ako, hanggang ngayong college na ako. Kasabay ng pag-iisip ko ang paglinaw ng mga linya ng kanta na tumutugtog sa katamtamang lakas dito sa loob ng coffee shop.
Inayos ko ang suot kong salamin bago nagsalita.
"Iniyakan ko naman lahat? Yata?" Natawa ako nang mapagtanto na kahit ako, hindi na sigurado. "Lahat naman ng ex ko, minahal ko. Kaya lahat, iniyakan ko."
Napanguso siya bago uminom sa iced coffee na nasa harap niya. Itong babaeng 'to talaga, hindi kayang mag-function nang walang kape!
"Curious lang ako kasi lahat naman ng naging boyfriend mo, pinakilala mo sa akin, eh." Ngumisi siya bago ipinatong ang magkakrus na braso sa lamesa at tumitig sa akin. "Gusto ko lang malaman, sino sa kanila 'yung pinakainiyakan mo 'yung breakup? 'Yung . . . pinakaminahal mo?"
Mabilis na napawi ang mga ngiti ko nang may isang tao akong naalala sa huling sinabi njya. Napatingin ako sa kawalan, kasabay ng pagkagat sa kuko ng daliri ko, na akala ko, naialis ko na sa akin. Napatitig ako nang ilang segundo sa halos puro puti na kulay ng pader.
Ang aliwalas talaga ng coffee shop na 'to. Halos puro puti kung tutuusin. Nakaka-relax mag-aral. Hindi mainit pero hindi rin masiyadong malamig ang pakiramdam kapag nasa loob. Tamang-tama lang. Hindi na ako magtaka kung ito ang naging paboritong coffee shop ni Calista matapos niyang g-um-raduate ng senior high.
Nagbuga ako ng buntonghininga. "Magkaibang tao naman 'yung sagot sa tanong mo, Cali." Tumingin ako sa kan'ya at ngumiti. "Magkaibang tao 'yung sobrang iniyakan ko ang breakup at sobrang minahal ko."
Napakunot-noo siya. "Huh? Bakit? Paano naging magkaiba 'yon? Hindi ba, the one who makes you cry so much is the one you loved the most?"
Napanguso ako kasabay ng marahan na pagtango. "But the one who makes you cry so much sometimes mean that he hurt you more than he made you feel loved."
Sumandal siya sa upuan at kunot-noong tumingin sa kawalan.
"I don't understand."
Tumawa ako. "Alam mo, isang taon lang ang tanda ko sa 'yo pero parang ang bata-bata mo pa rin sa paningin ko! Wala ka pa talagang alam sa relasiyon!"
