(Unicode)
"ဘာ! ရွှေမိုးညို အလုပ်မလာဘူး ဟုတ်လား.."
"ဟုတ်တယ် တိုင်း၊ အအေးမိပြီး ဖျားနေလို့တဲ့"
"ဟာကွာ.. အဲ့တာ ငါ့စကားကိုနားမထောင်လို့ဖြစ်တာ၊ လိုက်ပို့ပေးပါ့မယ် ပြောတာကို ခေါင်းကို ပြုတ်ထွက်အောင်ခါတာ"
ပြာယာခတ်နေသော တိုင်းကမ္ဘာသည် သူ့သူငယ်ချင်း တိုင်းကမ္ဘာမှ ဟုတ်ရဲ့လားလို့ ဟေမာန်ကိုကို သေချာပြန်ကြည့်လိုက်ရသည်။ တိုင်းကမ္ဘာ ဒေါသထွက်တာကို တစ်ခါမှ မမြင်ဖူးခဲ့..။ ခင်ခဲ့တဲ့ ဆယ်နှစ်တာအတွင်း တိုင်းကမ္ဘာမှာ ဒေါသရှိသေးမှန်း ရွှေမိုးညိုပါမှ သိလိုက်ရသည်။
"ဪ တိုင်းရယ်၊ ဆယ်နှစ်လောက် စောင့်ပြီးပြီကို တစ်ရက်လောက် ထပ်စောင့်လိုက်ပေါ့"
"မစောင့်နိုင်တော့ဘူး ဟေမာန်၊ ငါ မိုးညိုရဲ့အပြင်စည်းကို ရောက်နေပြီ၊ ငါ ပြန်တွေ့တာ အရမ်းနောက်ကျ နေပြီ"
"နင့်အပြစ်မှမဟုတ်တာ၊ နင့်အမေရဲ့ ကျန်းမာရေးကြောင့်ပဲ"
ဟေမာန်ကိုကိုနဲ့ တိုင်းကမ္ဘာက ရှစ်တန်းနှစ်မှာ စခင်ခဲ့တဲ့ ရင်ဖွင့်ဖော်ရင်ဖွင့်ဖက်သူငယ်ချင်းတွေ..။ တိုင်းက ဟေမာန်တို့ကျောင်းကို ပြောင်းလာခဲ့ပြီးနောက် ဖေဖေ့ကျူရှင်ကိုပါ လာတတ်ခဲ့သည်။ ချောင်အကျဆုံး စားပွဲဝိုင်းမှာ တစ်ယောက်တည်းငြိမ်နေတတ်တဲ့ တိုင်းကမ္ဘာနဲ့ ရင်းနှီးလာဖို့ မလွယ်ကူခဲ့။
ရင်းနှီးလာပြန်တော့လည်း သိလိုက်ရတာက ရှစ်တန်းကျောင်းသားလေးမှာ ချစ်ရတဲ့ကောင်လေးတစ်ယောက် ရှိနေသတဲ့။ တိုင်း စိတ်ကစားနေတာလို့ ဟေမာန်ထင်လိုက်မိပါသေးသည်။ တိုင်းသည် သူ့အချစ်က စစ်မှန်ကြောင်း အချိန်နဲ့ရင်းကာ သက်သေပြသည်။
အမေဖြစ်သူကို ဘန်ကောက်မှာ ဆေးကုရင်း ကျောင်းပါ တက်ခဲ့တဲ့တိုင်းက ဟေမာန်နဲ့စကားပြောဖြစ်တိုင်း ရွှေမိုးညိုကို ရှာပေးဖို့ တောင်းဆိုတတ်သည်။ ဆယ်နှစ်ကျော် ကြာလာတာတောင် အချစ်မပျက်ခဲ့တဲ့ တိုင်းရဲ့မျှော်လင့်ချက်တွေကတော့ နောက်ဆုံးမှာ ပြည့်ဝသွားခဲ့ရပါပြီ။
ČTEŠ
4.ညိုခဲ့လေသော် / ညိဳခဲ့ေလေသာ္ (Completed)
Romanceဘယ်လိုညိုညို ရွှေလိုဝင်းနေမယ့် အဆုံးတဖက် ချစ်ခြင်းတရားတို့ရဲ့ နိဂုံးသတ် ညိုခဲ့လေသော် (10.10.2021 - 2.01.2022) ဘယ္လိုညိဳညိဳ ေ႐ႊလိုဝင္းေနမယ့္ အဆုံးတဖက္ ခ်စ္ျခင္းတရားတို႔ရဲ႕ နိဂုံးသတ္ ညိဳခဲ့ေလေသာ္
