#دفاتر عتيقه (عشق سني)
الكاتبه مرجان
بارت2
زهره بدينه بالتنضيف بس اماكن الاثاث مو حلو تصميمهن ف اتفقنا ع يوم الجمعه نضف الغرفه رحنا سوت رقيه الاكل اكلنا ورحت حاجيت اهلي
زهره،سلام عليكم بويه
ابو زهره بلهفه وحب،وعليكم السلام يازهره ابوها شونج بويه مرتاحه بالمكان بت عمج رقيه شونهه قلقنا عليجن
زهره،لاتخاف بويه زينين نبوس ايدك يابويه مكان عاجبنا واكو ويانا بنيه سنيه حبابه اسمها شمس
ابو زهره، بويه لاتحتكين بيها هوايه
زهره، اعذرني بنات شوي واجيجن طلعت للساحه اللي بالقسم احجي براحتي
زهره، ليش بويه خوش بت هيه وحبابه حته ساعدتنه بالتنضيف اليوم
ابو زهره، يابويه ماتعرفين دواخل الناس شني وخفاياهم لاتقون علاقتجن وتحجن اسرارجن الها شماجانت صغيره
زهره،اي بويه هذه هوه مانقوي علاقتنا بيهه
صدك رجعت لغرفتي ومر اليوم عادي هيجي مر اسبوع بيوم الجمعه عطله طلعنا بعد ما اخذنا اذن الاداره واذن اهلنا بس شمس ماحاجت اهلها كالت عادي شفنا سيارات شرطه بالباب مال جامعه دنكنا راسنا ومشينا بس شمس عافتنا وراحت الهم احنه ستغربنه ليش راحت يمهم بس باوعنا نضره خاطفه الها شفناها تتماوع
بالحجي وتضحك وكل شوي تباوع لواحد كالت رقيه امشي نروح صدك صعدنا بسياره ورحنا للمول طنشناهه اشترينه الغراض النحتاجهن ورحنا لطبيب العيون لين عيوني مجاي اشوف زين بالحصه كلت لبابا كال روحي للطبيب انتضرنا يوصل الحجز لاسمنا جان اسمع سكرتير يكول
زهره علي
زهره،اني
تعاي ادخلي دورج
زهره،يله رقيه
رقيه، يله
دهلنا للدكتور فحص عيوني جان يكول
الدكتور، بابا انتي ليش ممهتمه لصحتج ونفسج هاي صاير عندج قصر نضر مرحله نضره6/4
زهره،شتكول دكتور فدره افحصلي من جديد ماكو احد بعائلتنه هيج صاير بيه
الدكتور ،عادي بنتي القصر مو اله وراثي هسه راح اكتبلج دوا تاخذينه مرتين باليوم وقطرات لعينج وكل شهرين ترجعيلي
زهره،حاضر دكتور
احنه طلعنه واني نهديت بالبجي رقيه تريد تسكتني ماكو كعدتني علئ مسطبه بحديقه واني ابجي حسيت عله ضل فوك راسي رفعته شفته ولد مانتبهت الشكله شمس وعيوني مدمعه بسبب
البجي جان يمد ايده بجيبه ويطلع منديل انطانياه وكال
الرجال،امسحي عيونج ماكو شيء يستاهل البجي شو هو كال هيج ومشه واني زدت بالبجي يا ما يستاهل لو هامله نفسي اكثر ومارايحه للطبيب جان تعميت هسه ليش هيج ياربي اجت رقيه جايبتلي عصير ومي شربت مي شويه ونطيته الهه لحت رادت اشرب العصير ماشربته ابد رجعنا للقسم بعد ماجبنا الدوا صار100الف همزين اخذنا ويانه فلوس هواي اول ماوصلنا للقسم دنيا الضهر ساعه 1وشمس ملكيناها بالقسم سوت رقيه غده وتغدينا ماخلتني اغسل مواعين خطيه
زهره،خلي اغسلهن انتي سويتي غده
رقيه،لا لو تموتين انتي تعبانه روحي ارتاحي
زهره، اوك
رحت شربت دوا حطتلي رقيه قطره ورحت نمت ماكعدت اله علئ صوت موبايلي وهوه يدك طلعته من جوه راسي شفته ابويه فتحت الخط ونهديت بالبجي يريد يفهم شبيه ماكو بس ابجي
ابو زهره،شبيهه زهره ابوهه منو مبجيهه ها كوليلي
زهره،اهئ بويه اهئ بعد اهئ اهئ ماشوف
ابو زهره بصدمه،بويه نطيني رقيه تفهمني مافهمت منج
اجت رقيه وحجت كلشيء لبوي. وفهمته واني رحت غسلت وجهي ولميت شعري اليوصل النص ضهري لونه بني هوه وعيوني
رحت حاجيت ابوي وكال باجر جاي لبغداد هوه وسامي صدك سديت
الخط ويه ابوي ورحنا تعشينا وكعدنا نقره شويه ل10خلصنا قرايه بس شمس مجايه قلقنا انطينا خبر للاداره كالوا راحت لاهلها ف هدئنا شوي باوعنا بموبايلاتنا شويه ونمنا اجه ثاني يوم لبست فستان طويل وبوتين ابيض وعبايه وطلعنا دخلنا لمحاضرتين الاولانيات واجه عامل صاحلنا كالوا يردونا بغرفه العميد رحنا اني ورقيه
رقيه،دق دق
صوت الباب عود ههه
رقيه، ادخل
العميد
ادخلوا بابا
دخلنا شفنا بابا وسامي رحت كبل حضنت بابا مشتاقتله وراهه حضنت سامي
حاجوا العميد عن حالتي واخذولنا 3ايام اجازه ماقبل اكثر خلينا ولمينا غراضنا وطلعنا للناصريه للمكان اللي نولدت وكبرت بيه بس بالسيطره مقبلوه يدخلونا اجه ضابط ضخم وشكله هيبه جان يكول ليش مدخلهم ها
الجندي، سيدي ماعدهم رخصه سياقه
سامي،سيدي انخبصنا وطلعنا بدونها صار النا ضرف
جان الضابط يكول
الضابط، خويه هاي اخر مره كون لين احنه نتحاسب افتحلهم الطريق يلا
الجندي حاضر سيدي
624 كلمه صوتوا للبارت
أنت تقرأ
دفاتر عتيقه (عشق سني)
العاطفيةهي فتاه بريئه حنونه تختصر كل حياتها بعائلتها فقط لٱ تعرف شيء عن الحب او الانتقام. ليأت فجأه هو المغرور المتملك صاحب الكبرياء العنيد ليقلب حياتها فوقا علئ ☟تٌَحَـتْ☟ بسبب شيء واحد وهو (الأنتقام)لنرئ معا ماسبب انتقامه ولماذا ؟؟ ابتدت 24 /نوفمبر /2022...
