صدفة

✨الجزء الاول✨

ملاحظة 1 : القصة واخا فيها شخصيات كتار شوية ولكن ايلا ركزتو غتحفظوهم دغيا
ملاحظة 2 : غنحاول نحط ليكم أصغر التفاصيل فالتصاور باش تعيشو مع القصة كتر ونتمناا تعجبكم و تكون عند حسن ظنكم 💗

الدنيا مضلمة و الزنقة كتصفر كانت الساعة كتأشر ل12 دليل طلعات لبيتها رمات صاحها فوق الناموسية و توجهات للحمام مستمتعة بالجو الهادئ و اونفاص معاها برج ايفل كتأمل فيه 

خرجات من جاكوزي وشلات بالما بارد باش تحيد عليها العياء خرجات لاوية عليها الفوطة و مشات لدريسيغ  لبسات عليها بيجامة دنعاس

هزات الفون شافت الساعة كانت 1 دليل
نيهال : زعما تكون نعسات .. امم نصوني ونشوف
دوزات الخط بقات كتسنا شحاال حتى كانت غتقطع و تحل الخط
نيهال : ااه الو جدة !
الحاجة فاطمة : الو بنتي لباس عليك
نيهال : لباس لباس أجدة نتي بخير يكما فيقتك من نعاس
الحاجة فاطمة : لا باقي مانعست كنت كنتسناك تاصلي
نيهال : ااه ايوا شفتي بعدا الزين دالعالم گالسة كتسنا نتاصل عليها( وكملاتها بضحيكة كيوت)
الحاجة فاطمة : هههههه الله يخليك ليا و صافي .. منلقاش بحالك
نيهال : اصلا مكاينش بحالي😌
الحاجة فاطمة : ههههه شنيولة اشنو درتي اليوم
نيهال : غير الخدمة أجدة نهار كامل مهزيتش الراس حتى لينا خارجة ويكاند
الحاجة فاطمة : اه مزيان ابنتي الله يسخر ليك ابنتي و يفتح ليك ابواب الخير
نيهال : امين الحبيبة ديالي .. جدي لباس عليه؟
الحاجة فاطمة : بخير راه كيسلم عليك
نيهال : هههه حتى هو سلمي عليه وبوسيه ليا..   فخبارك نقدر نهبط عندكم للمغرب شي نهار فهاد السيمانة ايلا لقيت شي وقت توحشتكم بزااف
الحاجة فاطمة :(بفرحة) و حنا كتر ابنتي مكاين حتى شي حد عندنا من غيرك غير دوزي راه توحشنا ريحتك و هبالك و السعادة لي كدخلي معاك ...
بقات نيهال و الحاجة فاطمة كيدويو حتى ل 2 ونص دليل  ( راكم عارفين جماعة دالعيالات مكتساليش😂 )  من بعد ما قطعات نعسات نيشان كان نهار كتر من متعب عليها..
تسناو تسناو درت ليكم زربة السطافيط غتكونو باقي مفاهمين والو نبداو بالبطلة ديالنا نيهال لي كانت غاية فالجمال غنحطها ليكم فالصورة