welcome back
عندما تقسى القلوب
الكاتبة تبارك (توت)
"" "" "" "" "" "" "" "" "" "" "
العمارة هي احدى المحافضات العراقية التي تقع الى جنوبه وهناك تقطن اول شخصية في روايتنا
... صبحج الله بالخير يمة
... هلا هلا يمة حسين صباحك خير... تعال يمة اكعد اكلك خبيزة وچاي
كعدت اتريك وي الوالدة وشوي شوي العائلة بدت تنلم
انه حسين الابن الاوسط بهذي العائلة اخوي البچر اسمة حسن وعندي اخ اصغر مني اسمة علاء
حسن اخوي متزوج وعندة اولاد
اما انه وعلاء بعدنا وانه اصلا ما امفكر اتزوج بعد
احنا مثل كل العوائل العراقية تحكمنا عاداتنا وتقاليدنا الي توارثناها من اجدادنا
نحضر كعدات وفصول....
ماعندي خوات فقط اخوان اثنين والوالد والوالدة عايشين ولله الحمد
خلصت ريوگ رحت للبستان مالنا ابوي وعمامي مشتركين بي ورث من جدي ويدر علينا خير ولله الحمد
انه فلاح اشتغل بي ويوصلني كل شهر اتعابي
كملت شغلي من ساعة ٦ الصبح لحد ما استقامت الشمس الساعة ١٢الظهر
حطيت ايدي على كصتي انفظ عرك جبيني والمح ضل اسود بالبستان
تعجبت هذا ياهو محد يدخل للبستان غير الفلاليح وانه
رحت عليه حسبالي جني شني شجاي احجي جني شيسوي بهل ظهرية يخمط طماطة لو شني
رحت وانه اضحك اتضحت الرئيا لنها عباية حرمة ومطيتني ظهرها ومدنجة تحش خيار
... احم احم
حمحمت لجل تنتبه عليه
اندارت خايفة وبيدها جيس الخيار
نصت لمن خزرتها
... ايات شجابج هين
... اا اانه اامي كلتلي حشي خيار والله
... شني واخوانج مكرمين دازين حرمة بهل ظهاري بالبستان
بلة شافج واحد غيري..... بالله اذا انعادت وطلعتي الحجي يصير ويا ابوج
... لا لا والله بعد ما اطلع
... يلا روحي لهلج
راحت تركض وعبايتها طايرة وراها
هذي ايات بت عمي خالد اهي الجبيرة عمرها ٢٠
ما تدرس احنا ماعدنا البنات يكملن
ومشت هذي العادة وتوارثناها الا ان بناتنا كامن ميقرن ويبطلن من الابتدائي
انه عمري ٢٥ سنة خريج ابتدائي ماحب ادرس ابد
دخلت على كد اعرف اكتب واگرة فقط
دخلت للبيت تعبان تلكتني الوالدة حبيتها من راسها
... كواگ الله يمة
... الله يگوي حيلج حجية
... يلة يمة بدلت لون الغدة جاهز
... خوش حجية
صعدت بغرفتي سبحت على السريع ووكفت اصلي نزلت شفت الوالد والعائلة كاعدين حبيته من راسة وكعدت
... الله يرضا عليك يبوك
مثل اي عائلة عراقية غدانا بالكاع وبين حجوة وسالفة حجة الوالد
... اگلك يبوك حسين
... ابشر حجي
... شني ماناوي تتزوج انا بكدك اخوك حسن عمرة خمس سنوات
صفنت على ابوي ابوي ما يحجي حجوة فارغة الا وراه سالفة
... احجي حجي اسمعك
... لَونك تعرفني يبوك ولكطتها بسرعة ابغاك بسالفة
... اي حجي
... تعرف عمك خالد وبنواته الله يستر عليهن جبيرتهن ايات تعرفها مهو
... اي حجي اعرفها
... خوش... وتعرف انها كبرت والخطاطيب بالباب ف عمك كلي ماكو احسن من ولد عمها ستر وغطا عليها
... شني گصدك حجي
... شوف يبووك انا ناهيلك على بت عمك وهي بزر كماط وانا كلت هذي متصير الا لحسين...
... شنووو
.... يتبع....
عندما تقسى القلوب
الكاتبة تبارك (توت)
يلتمن علية مشتتات البال
وانفظهن نفظ وانهظ ولا جني
VOUS LISEZ
عندما تقسى القلوب
Fiction généraleࢪواية واقعية...... بقلمي ؏ندما تقسۍ القلوب ********♡******** للكاتبة تبارك (توت) تم بداية نشر الرواية ٢٠٢١/١١/٢٨ الخميس♡
