الخاتونه 👸🏼
قصة عذاب الروح الحلقة 78
هسه راح تروحين
مادري
حبيبتي اذا رحتي بغلاتي لبسي عبايه ولفي نفسج
تره ماعرفتك ساعه تسب وساعه حبيبتي
ديله تحمليني
يله باي
الله وياج ااااكولج
هاا
مثل ماكتلج عبايه ولاتخلين كولشي لوجهج
ماشي
سديته وسويت مثل مكال لبست عبايه من امي وطلعنا رحت لدكتورتي وسجلت اسمي وكعدت نتضرت شويه واجه دروي دخلت سلمت عليهه ورحبت بيه وسلتني عن حياتي وشصار سولفتلها بختصار كالت فعلا رتحت بالي كان يمج وهسه شنو عندج كتله داجيك وضعي وحجيتلها عل اعراض العندي بتسمت كالت اصعدي للسونار ضلت تفحص وطولت وكلش دققت وبلاخير كالت
حامل بلاسبوع الثالث الف مبروك أعتقد الحمل صاير بدايت الشهر
هيه تحجي واني كلبي يخفك واول شي صار كدامي شنو شعور بارق من يعرف جانت بداخلي مثل هبت هوه بارده عل كلبي محسيت بيهه بحملي الأول مغمضه ووعاني صوت الدكتوره من كالت
شنو يريد بارق أفندي بنوته ولد
مادري والله مسالته هوه متخبل عل حمل
الحمدالله الله يتمم عل خير وتكومين بسلامه واكيد الولاده عل ايدي
اشكرك واكيد اني ماستغنى عنك
فدوه لعينج هاي موقويات وفيتامينات واشوفج بعد شهر نشوف نبض النونو
تشكرت منها وطلعت امي من شافت الفرحه بوجهي عرفت حامل خطيه حضنتي ودمعت والنسوان يباعون عليه طلعت مسولفه قصت حياتي وكلمن دكولي شوفي ربج ميكطع طلعنا كتلها يمه لادكولين اريد اسوي مفاجاء داشوف بارق شيسوي مرينه للسوك شتريت كم حاجه وامي تسوكت ورجعنا اول ماوصلنا خابرته جنت مقرره اروح لبيتنا وحدنا ال اكوله دكيت عليه جاوب
هلو حبي
هلو حبيبتي
وين انت
انتي وين هسه دادك عليج ودكيتي
بلبيت
شوكت رجعتي
قبل شويه
لبستي عبايه
اي طبعن
تمام
وين انت
موجود عل شارع
اريدك تجي اريد اروح لشقتنه
ليش شكو
محتاجه كم غرض داجيبهن
يله جاجيج
YOU ARE READING
عذاب الروح
Randomبغداد تحديدا الشعب اني هبه من مواليده 87اعيش مع عائلتي الى هيه متكونه من امي واخواني اثنين عصام وحذام ماعندي اخوات والدي متوفي من اني وصغيره اروي الكم عذابي عذاب الروح
