عاقبة الظلم

حلقة 5

//عاقبة إلظلم//

بقلمي
.
فاطمة اللامي 🫀♥️
.
بعنـه لبيت ريــت لبيت مهجوم
وريـت اكثر بعد من هل خساير
فراش الفاتحه لو شفته ملوم
بنص گلـوبنه تلكى الجوادر
_______________________

(فقدان احدهم)

- حسيت بأحد وكع التفت والكى اختي الصغيره نور واكعه ودم ترس المكان صرخت بخوف واني احضنها اجو الحراس يركضون ويشوفون شكو طلعت الشيخه تركض طلعو كلهم اجه ابن الشيخه يفحص نبضها

- لبقاء الله الطفله متوفيه شاييفين حساس الام وياخذون بتها هذا حالي طفله اني وأخذو طفله مني تخيلو حالتي

- طببونه وانه جسد بدون روح وعبالك روحي الراحت اجو عمامي

ماجد : س... منو امجن تسبعتي بل شيخه وعلي اله اندمج يفرحه

فرحه : حايره بهمي وبخيتي وفاجعتي

- جان حال فرحه يرثى له بل اخص هيه مربيه خوانها الصغار راحو يغسلونها ويدفنونها وهيه لطريق كله مابطلت لطم هيه واختها ساره عمرها ١٠ سنوات حيل متعلقات بنور لان لصغيره

- وصلو للنجف ولكو مسويلها قبر صغير بنص امها وابوها رادو ينزلونها للقبر جوه طفرت فرحه وهيه تصرخ وتريد تذب نفسها

- ولج يمه جتج حبيبه كلبج ديري بالج عليها مريضه ولج يمه منو النه افراح هدمت حياتنه لج يمه وين اروحن انه وهل وليدات

- دفنو نور وفرحه فقدت أكثر وصارت لا ايد ولا رجل يردون يكومونها متقبل وبقت حاضنه قبر اختها وتنعى وتبجي نامت وهيه عل قبر من تعبها واخوها واختها يمها يبجون ساره ملخت نفسها

- طفرت فرحه وهيه تلطم

فرحه : بويه الحك عليه الفركه تأذيني على فراكم ابد ماغمضت عيني شفت الكبر وهلن دموعي ردتك بس تجيني وتنضر شلوني بويه خلاف وجهك هل عمت عيني بويه الحك عليه الفركه تأذيني ماضنيت وياكم يوم تتلاكه

- اندارت للامام :

فرحه : ومنك يل عزيز رايده مرادي عليك حسين امشي احلفك بل على التل ضلت تنادي من هل ساعه رايده مرادي

- وكعت فرحه من كثر الطم لا شالت ايد ولا رجل ركضن عليها النسوان ولشيخه يم ساره ومنتظر اخوهن

- رجعو للسماوه وهمه خاوين اله فرحه وساره ماتعبن من لبجي والطم اخوهن مايدرن وينه وملتهيات بمصابهن ساره عدها فتحه بل قلب متتحمل حزن

- خلصت ايام لفاتحه ولشيخه طشت بل سلف اليحجي على البنات ولو بكلمه يعرف عقابه لكل سكت عل سالفه بس عمامها ماسكتو

فرحه : شيخه مقصرتي ويانه ولازم نرد لبيت ابونه

الشيخه : فرحه انتي تعرفين حبونه لو طلعتي العالم تاكل وجهج ليوم انه سكتتهم عبن باجر من اروحن شلون يحبوبه