الفصل 15 بائعة المناديل
أشرقت الشمس بنورها معلنة عن يوم جديد بحياة ابطالنا و لكنه يوم حافل بالنسبة لحبيبة..و يوم فرحة يامن بها فاليوم سيراها من جديد وجها لوجه
يامن متحمس جدا اني اشوفك يا حبيبة .. متحمس اشوف رد فعلك عليا .. هتكون صادمة عارف بس هتتعودي و هتحبيني
لا أنا مش قادر أصبر اكتر من كدا انا صبرت كتير .. انا هروح أجري استناكي في الجامعة عاوز اشوفك من اول ما تدخلي من باب الجامعة لحد ما تدخلي المدرج و بالفعل ارتدي ملابسه و انطلق إلى الجامعة ليكون بانتظار حبيبته الغائبة
.........
سماح يا بنتي قومي بقي هتتاخري و انا مش ناقصة اسمع كلمتين من موسي
يمني انا مش عارفة هو بيدخل في حياتي لي هو مش ابويا علشان يدخل و يقولي اعمل اي و معملش اي
سماح يخربيتك وطي صوتك ليسمعك
يمني ما يسمع والا يروح في داهية هو أنا ناقصة قرف علي الصبح اخري و سبيني انام يا ماما
سماح يا بنتي انتي عارفة من غيره اي يجرالنا .. دا انا مصدقت أنه نسي بنته و بيعاملك زيها و احسن منها بقي بيصب اهتمامه عليكي انتي من بعد ما مشيتها
يمني علشان انا اللي استحق العيشة دي مش هيا انتي فاهمة .. انا اللي المفروض ابقي الكل في الكل مش هيا و كويس انك خوفتيها و مشتيها علشان لما الراجل المكحكح دا يموت انا اللي هاخد كل حاجة الفلوس و الشقة و العربيه و المصنع كل حاجة
سماح يا بنتي مهي كل حاجة هتبقي ملك في الاخر بس استهدي بالله و اسمعي كلامة و انزلي قدمي و روحي المعهد .. مش اتفقنا هنهاوده و تكملي تعليكم
يمني بصي أنا متعوتش امشي بدماغ حد .. كل اللي هعمله بدماغي انا فلو سمحتي اخري و سبيني
سماح اخرتها علي ايدك أنتي يا بنت بطني
..........
حبيبة يلا يا ماما هتاخر كدا
سعاد تتاخري اي يا حبيبة لسه الساعة سبعة و نص
حبيبة يا لهوي سبعة و نص دا انا كدا متأخرة خالص لسه هروح اجيب الجدول و اشوف المدرج فين
سعاد بابتسامة مبسوطة يا حبيبة
بادلتها حبيبة الإبتسامة قائلة مبسوطة بس دا انا طايرة من الفرحة والله العظيم .. انا ربنا بدأ يعوضني عن حاجات كتير أوي تفتكري مش هكون مبسوطة دا هموت من الفرحة يا ماما
سعاد ربنا يديم الفرحة لقلبك يا حبيبة اهم حاجة تركزي في حلمك حلمك و بس يا حبيبة
حبيبة متقلقيش يا ماما انا مش فاضية لحاجة تانية غير حلمي
سعاد ربنا ينولك مرادك يا عمري انتي يلا روحي شوفي حلمك اللي مستنيكي
حبيبة فوريرة يا سعاد
