اغتصاب بالاتفاق

الجزء ٢١

اغتصاب بالاتفاق
الفصل الحادي والعشرون

اسر مسك ايديها .. هتفضلى ضعيفه لامتى نورا اللى عارفها المفروض تكون قويه .. قومى وواجهى متحسسهمش انهم تفوقوا عليكى هند نفسها تشوفك خليكى قويه المواجهه لسه فى اولها .. عايز اسمع صوتك بقا علشان نقدر نرجع حقك
نورا كانت بتسمعه وساكته مفيش غير دموع بتنزل من عنيها ومنهاره قرر يتكلم مع الدكتوره علشان يجيب هند تشوفها لانها ممكن تتكلم وقت تسمع صوتها خرج وسابها
اسر .. ممكن اطلب من حضرتك طلب خاص ويارييت مترفضيش
الدكتوره .. اتفضل اطلب لو هيساعدنا اكيد هقبل بتمنى تفوق تانى
اسر .. ممكن تشوف هند اعتقد انها لو شافتها او سمعت صوتها ممكن تتجاوب معاها
الدكتوره .. بصراحه مش عارفه بس اعتقد انه حل كويس ماشى هاتها وهنخليها تشوفها
اسر خرج من عند الدكتوره وكان عنده امل ان نورا تتكلم او ترجع لطبيعتها دخل عند هند كانت قاعده على السرير وحست به وقامت بسرعه وكانت هتقع لحقها
اسر .. بالراحه يا مجنونه انتى كنتى هتقعى عندى لكى خبر حلو
هند .. ايه هو قول بسرعه تيته رجعت ولا نورا بره قول بقا
اسر .. بالراحه يا مجنونه هتشوفى نورا الوقتى الدكتوره وافقت تشوفيها
هند قامت على السرير وكانت بتتنطط وفرحانه وخرجت مع اسر تشوف نورا
هند دخلت عند نورا الاوضه وهى ماسكه ايد اسر وقعدها على الكرسى وقرر يسبهم سوا يتكلموا .. خرج بره الاوضه وهند اتفاجئت لما لقت هند مش بتتكلم
هند .. انتى زعلانه منى علشان سيبتك لوحدك انا اسفه بس مكنتسش اعرف انه هيعمل كده متزعليش منى علشان خاطرى وانا خدت عقابى بقيت مش بشوف الوقتى
نورا كانت بتسمع وهى بتبكى وفجاه بعد ما عرفت ان هند بقيت عاميه قامت قعدت على السرير واخدتها فى حضنها وبدات تبكى بصوت عالى .. اسر كان هيدخل الدكتوره منعته علشان تشوف رد فعلها لانها لسه فى الاول قررت تستنى شويه
نورا ببكاء .. اسفه سامحينى انا السبب باذى الناس من غير قصدى بقيت عبء على كل الناس حتى اهلى اتخلوا عنى بس خلاص هبعد واسيبك علشان متااذيش بسببى
هند بدموع .. لا انا مش هتسيبنى لانى بحبك علشان خاطرى بلاش تمشى
نورا .. مش هقدر لو فضلت حياتك هتتعرض للخطر هنكلم بعض كل يوم
هند .. لا مش هتمشى لو مشيتى وسبتينى مش هكلمك تانى ابدا مش هسيبك
نورا .. هند علشان خاطرى متصعبيهاش عليه اكتر ما هى صعبه خلاص كفايه
هند بصوت عالى .. انتم ليه كده بتعلقونى بكم وبعدين تمشوا امشى بس انا مش هكلمك تانى ابدا وكمان هنساكى مش عايزه اى شخص معايا هعيش لوحدى انا بكرهك
اسر دخل بسرعه هو والدكتوره واخد هند وخرج والدكتوره حاولت تهدى نورا لان جالها انهيار عصبى .. وبدات تعلى صوتها وهى بتبكى بصوت عالى اسر كان بره
نورا .. حرام عليكم عايزين منى ايه انا خلاص تعبت انا مش عارفه انا مين ولا فين اهلى ارحمونى بقا .. يا دكتوره اقتلينى وريحينى انا بنت حرام انا ماليش اهل
الدكتوره حاولت تهديها ومقدرتش وعطتيها ابره مهداه وبدات تنام وهى بتبكى وبتتكلم
نورا بدموع .. متسبونيش خدونى معاكم انا مين طيب ااااااه
اسر اخد هند وكانت بتبكى وراح اوضتها نيمها على السرير
هند بدموع .. انا خلاص مش هحب نورا تانى هى مش بتحبنى
اسر .. متزعليش منها يا حبيبتى هى تعبانه ومش مستحمله اما تتحسن هتصالحك