قدري الأجمل (متوقفة)

الجزء الأول

بسم آلَلَهّ الرحمن الرحيم
والصلاة والسلام علي أشرف الخلق والمرسلين سيدنا محمد وعلى اله وصحبه الكرام أجمعين

الفصل الخامس......

دق باب الغرفه
صفا... أدخل
سوسن... إيه؟ مش ناويين تنزلوا؟ الغدا جاهز
صفا.... حاضر ياماما
سوسن.... مالك ياعاصم؟
صفا... جدو كلمه عشان يجيبه من المطار هو وتيته
سوسن... طيب وإيه المشكلة؟ ماتروح
عاصم... يعني مانتش عارفه ياماما؟
سوسن.... اهدا ياعاصم، هو بيعمل كدا وعصبي علي مصلحة العيلة أكيد هو خايف طبعا ان كبرياءنا ينتهي بسبب الطيش لكن هو طيب وعلي فكرة قوانينه صحيحه عشان كل واحد يعرف هو من انعي طبقه، وخاصة بعد اللي عمتك أمنيه عملتو زمان و....

...... القهوة يابيه
عاصم... بصدمة... شروق؟!
شروق... بنفس الصدمة.... عاصم بيه؟!
صفا... بدهشه... انتي بتعملي ايه هنا؟
سوسن... بتعالي... دي الشغالة الجديدة مكان عبير لفترة عشان فرح أختها
عاصم..بإبتسامة وسيمة.... تنوري ياشروق
صفا... في نفسها... ياه رغم إن مفيهاش اللي يشد أي راجل ومع ذلك عاصم أخويا يقع في عشقها بالشكل ده؟ بس ياترى حب فيها إيه؟! ياترى قدر يوصل لماهية روحها؟ ماهو ربنا مابيديش لبني أدم كل حاجة وطالما مش مديها جمال أكيد عوضها حاجة تانية، أنا هساعد عاصم يتقرب لقلب شروق يمكن انا لسه محبيتهاش وماعرفهاش بس يمكن أعرفها وإكتشفها يلا بس كدا مهمتنا بقت سهلة ان هو يتقرب لقلبها واهي الحجج بقت موجودة
نبدأ ونقول استعني علي الشقي بالله

سوسن.... حطي القهوة ياشروق وروحي شوفي شغلك بنتكلم في أمور عائليه
شروق... بإحراج... حاضر ياسوسن هانم

سوسن... عاصم، هو انت تعرف البنت البيئه دي؟ بصاتك ليها مش مطمناني ياحبيبي
عاصم... ماتقلقيش مافيش حاجة من اللي في دماغك دي
سوسن... طمنتني
عاصم... في نفسه... امال لو قلتلكم اني بعشق تفاصيلها وروحها، امال لو فاجئتكم اني عاوز اتجوزها؟ اوصل لقلبها بس وساعتها هتحدي العالم وماهيهمني حد، هانت ياشروق مهمتي معاكي هانت خالص

سوسن... اه علفكرة عمتكم كريمة جاية من السفر انهاردة
عاصم... بفرحه... بجد؟!
سوسن... مالك فرحان كدا ليه؟
صفا... ومايفرحش ليه؟ دي عمتو كريمة
سوسن...بسخرية... بس ياترى هي نازلة ليه! ماكانت كملت حياتها هناك

صفا.... ايه ياماما؟ ماتهدي كدا، دا بيتها، ايه؟ مش انتي اللي بتقوليلنا لازم نكون مخلصين لعيلتنا؟
سوسن... بس دي زوقها بيئه أوي انتي ناسيه انها شريكة عمتك أمنيه في جريمة زمان؟

عاصم... بدفاع... عمتو أمنيه الله يرحمها معملتش حاجة غلط هي حبت واتجوزت علي سنة الله ورسوله ماعملتش حاجة غلط
سوسن... انا نفسي أعرف ايه اللي يخليكو تدافعو عنها، اه طبعا مالهانم متجوزه واحد مانعرفش حتي أصله، مش عارفه أقنع جدك إزاي، والأستاذ يلغي خطوبته من بنت الحسب والنسب ياخوفي لاتكون حاطط عينك علي واحدة مش من مقامنا، ساعتها مش عارفين ايه اللي هيحصل جدك ممكن يهد الدنيا علي دماغنا كلنا
عاصم... ماتقلقيش ياسوسن هانم، أنا ميهمنيش حكم جدي، أنا لايهمني الحسب والنسب ولا غيره فاهماني؟
ترك لهم غرفته ونزل لأسفل وعلي وجهه أمارات الغضب