ثأرهم وبنات المسيحيه(الاصليه)

البارت 55

مساء الخير ...

#ثأرهم_وبنات_المسيحيه

aylol. بقلم الكاتبه

ins: t8_fe3 للتواصل

𖦹 𖦹 𖦹 𖦹𖦹 𖦹 𖦹 𖦹𖦹 𖦹 𖦹 𖦹𖦹 𖦹 𖦹 𖦹𖦹 𖦹 𖦹

.................................

روز::صعدنا الغرفتي ركض اني وبان وبيان وافتكار وساره. بنين وزهراء هاي الي تبدل وهاي التخلي مكياج لبست فستان محجبات ومرهمه ويا شال
خليت مكياج خفيف كله خوف من ذياب خاف يشوفني وهوا حذرني اخلي ..

بان بطبعها متخلي هواي كلش لبست مانتو طويل مرتب لايگ الجسمها.. بيان جانت مثلها
بس سحبتها افتكار كالتها تعالي امكيجج شبيج ضايجه وتشوفين النسوان يتهامسن عليج خطيه شلون مكسوره شلون ضايجه
خيبه اكشخي وركصي وتونسي اثبتيلهن
هوا الخسر مو انتي

.باوعتلي بيان محتاره ابتسمتلها ..مكيجتها افتكار وسحبت عيونها بالايلاينر صارن فد شي .كعدت ابدل الايهم واباوعلها وكفت تباوع بالمرايه بحسرره حيل انقهر من اشوفها هيج
.نكسرت بعز شبابهاا.

دخلت نور للغرفه تريد تخلي مكياج..كعدت على الجربايه وكالت الافتكار جيبيه هنا خليلي مكياج. .باوعت البيان وكالتلها.

-هههه جا انتي شعدج مخليه هلكد شني هم معرسه لو اخذج الواهس ويا اخواتج.

-باوعت البيان احتقنت وعيونها يلمعن نملن دموع كتلها ..بابستامه .. طبعا ياخذنا الواهس وتخلي مكياج وتركص غير عرس اخواتها والاحلئ من هذا كله اخذن اليحبنهم هههه

-خزرتني بالمرايه بغضب. وبيان مدنكه ساكته اسمع ساره تهمس باذنها نور بلا مشاكل عرس اخوتج اليوم

فيروز:: صفنت اباوع بالمرايه وين اريد اوصل اني شنو السويته يوميه اكول راح اتراجع وبليوم البعده اتقدم خطوه ليكدام..بشنو ورطت نفسي بزواج اني ما مقتنعه بيه
بس حتى ماكسر باصهب ليش اضحي ..
شوكت اتعلم افرض الاريده على نفسي وعلى المقابل ..

من شفت نفسي بالابيض هنا حسيت بنفسي غلطت غلط جبير ..ممكن طول عمري ماراح احبه الاصهب وماراح نتوالم ممكن تخرب علاقته بذياب من ورايه ..

كعدت ساكته واباوع على العرايس البقيه ياخذن صور بفرح
درت عيني على نرجس ..واكفه تصور بيها عمه شيماء غمضت عيوني ودعيتلها من كل گلبي ربي يسعدها وتتيسر حياتها ويا شهاب ..

خفت عليها تروح فصليه ورحت مكانها وجازفت وقبلت بعلاقة حبهم وخفت يفترقون وتتاذه ..
وهسه اشوفها ابدلة عرسها كدام عيني والفرحه ماليه عيونها ..

مركزه بوجها واهمس بداخلي  هاي ثاني وحده من اخواتي كدرت اوصلها البر الامان اول وحده روز. زوجتها لذياب وحبها وصارلها سند وهسه نرجس تزوجت التحبه وراح ترتاح وياه  مجنت اعرف شنو المضموملها .