စစ်သူကြီးရဲ့ ဇနီးအလိမ္မာလေး /စစ္သူႀကီးရဲ႕ ဇနီးအလိမၼာေလး

ဇနီးလေးပြန်မလာလို့ စစ်သူကြီး လွမ်းနာကျသွားပြီ

"ရှောင်းကျန့်ရယ် နင့်ပုံစံကိုလဲကြည့်ဦး နင်မပြန်ဘူးလားဟမ်..."

မင်းသမီးကြီးရဲ့ နန်းဆောင် ကြမ်းပြင်မှာ မင်းသား ၄ က ပုံ့ပုံ့ကြီး ထိုင်နေတယ်။ ခေါင်းငိုက်စိုက်နဲ့ စိတ်ပျက်လက်ပျက်။ ဝမ်ရိအာကလေးနဲ့ ပြဿနာဖြစ်ရကောင်းလားဆိုပြီး မင်းကြီးနဲ့ မယ်တော်ကပါဆူလိုက်တာမို့ အဆောင်မပြန်ခင် ရှောင်းကျန့်က အစ်မတော်ရဲ့အဆောင်မှာ ဝင်နားနေတာ။

"ကျွန်တော်လဲ ပျော်လို့မှမဟုတ်တာ ခုက ဒီလောက်တောင် ဖူးဖူးမှုတ် ထားပါရက်နဲ့ အဲ့ဒီ အကမယ်ကို..... မပြောချင်ဘူးဗျာ ဘယ်သူမှလဲ နားလည်မပေးကြပါဘူး"

"ဟဲ့ ကလေးပဲရှိသေးတာလေ နင်လက်ဆက်ထားတာ ကလေး သူ့ဘာသာဘယ်အရွယ်ဖြစ်ဖြစ် ငါတို့အကုန်လုံးက ပိုးမွေးသလိုမွေးပေးထားတာ နင်အခုလိုအနိုင်ကျင့်တော့ ဝမ်ဦးလေးတို့ကို ငါတို့ဘယ်လိုမျက်နှာပြရမလဲဟဲ့"

"အာ.... အနိုင်မကျင့်ပါဘူးဆိုမှ...သူဆိုးနေတာ ကျွန်တော်က မှတ်လောက်အောင်လုပ်ပြမှ...ဟဲ့. ရှောင်စွန်းအာ အဲ့ဒီကျောက်ပန်းခက်ကလေးတွေ ငါ့အဆောင်ပို့လိုက်စမ်း ဝမ်ရိအာကလေးက ကျောက်စုရတာဝါသနာပါတယ် လင်းမေ့ အခုသယ်လာတဲ့လိုင်ချီးသီးတွေ ပြန်သိမ်းထားလိုက်စမ်း ငါပြန်ရင်ဝမ်ရိအာကလေးအတွက်သယ်မယ်..."

ရှောင်းကျန့်က တကယ်ကိုပဲ စိတ်ဆိုးနေပါတယ်။ ဒီကလေးလေးကို ဆုံးမဦးမှကိုဖြစ်မှာ...။ သေသေချာချာဆုံးမပါဦးမယ်။

"ဟဲ့ ရှောင်းကျန့် ကျောက်ပန်းခက်က ငါ့မွေးနေ့အတွက် ခမည်းတော်ပေးထားတာ...လိုင်ချီးသီးတွေကလဲ ငါ့ဝေစုလေ နင့်ဝေစုနင်သယ်ပါ့လား"

"အာ အစ်မတော်နှစ်တိုင်းစားရနေကြပဲဟာ ဒီတစ်နှစ်စာတော့ အစ််မတော်က ကလေးကို ဦးစားပေးပေါ့ ဝမ်ရိအာကလေးကြိုက်မှာဗျ.. သေချာသယ်ရမယ်... ဟဲ့ မေ့အော် အအေးဂိုထောင်မှာ သေချာသိမ်းနော်... မဖြစ်သေးပါဘူး ငါကိုယ်တိုင်လိုက်သိမ်းမယ်"

ရှောင်းကျန့်က ထိုင်နေရာကထလို့ အအေးဂိုထောင်ဘက်သွားဖို့အလုပ်မှာတင် မင်းသမီးကြီးနန်းဆောင်ကို နယ်ခြားတပ်က စာလွှာရောက်ပါတယ်။ မင်းသမီးကြီးအဆောင်ကို တပ်သားတွေလာရောက်ခွင့်မရှိပေမယ့် ရှောင်းကျန့်က သူ့အဆောင်ပြန်ရင် ဝမ်ရိအာကလေးကိုလွမ်းတယ်ဆိုပြီး ကပ်နေနေတာမို့ နယ်ခြားသတင်းတွေသိရဖို့ မင်းသမီးကြီးက လာရောက်ခွင့်ကို အထူးတလည် ပေးထားတာဖြစ်တယ်။