STIGMA

16

"Leee... tikha chuan a rawn kal tawh ang" a phone ken lai melh pah chuan a mah chuan a nui suk a.
.
.
Phone lehlam ami j-hope erawh a phone ken chu thinrim em em a melh chung in a mit chu na thei ang ber in an chhing sawk a, harsa tih hmel zet a a rawn thawk chhuah leh hawk hnu ah "Ji-hyun nangchu lo va haw tawh mai rawh" a ti fiak kak a. Thinrim hle in lang mah se a thinrim tak tak chuanglo tih chu an za vai chuan an hre vek a, j-hope leh Ji-hyun tih loh midang ho te erawh chuan jhope hmel lan dan chuan an nuih a ti za ngang aniang, nui chhuak silo chuan an mahni chúan an nui tut tut hlom a.

"Maw!!!" A hmel a zawhna nen Ji-hyun chuan a rawn ti hé thung.

"Damdawi in ah chuan va kal tawh mai rawh, i kal hma chu Kim Taehyung hmela hian a rawn call reng tho ang,kan customer te kan ti hrilh hai mai mai zawk ang, i phone lah a ri chawl bawk silo" j-hope chuan thu tak hmel zet chuan an ti hmuk a, customer care ber awm ang ziazang a hmela serous hmel lo lang tel ve chu an customer tih loh, a hnathawhpui a hyung, Jimin leh jk te chuan mak an ti ngang mai😀😀, Ji-hyun inthiamlo hmel chu  nasa tak ani. Khawngai thla ala awm zwk mah.

"Ni e Ji-hyun lo va kal hma sa mai rawh, keini pawh kan inkhar zawhah kan rawn kal ve ang,. Ilo va kal hmasak loh chuan kan lalfapa Kim Taehyung hi kan lakah a thinrim leh dawn emai" nui ti tih leh thu tak zet chuan Jin chuan a ti a. An upa ber Jin ber in chutiang a arawn sawi takah chuan jihyun nuam tilo hmel pawh hmuh a zia ta deuh e.
Jihyun hmel a nuamlo ti hmel Jin in a hmuh khan 'Kim taehyung heihi nangmah vang vek anih hi, kan jihyun pawh a hna thlamuang in i thawh tir theilo ania, he i tactic thing xet hi hre thiamlo tur ah min ngaimiah suh' ati rilru a.

Jimin leh Jungkook pawh kilkhat ah an lo khi ve vur vur mai. An Kim Taehyung hriat thin khan a tactic hman thin, tactic fahrah te te tih chu  alo la hmang reng tih an hriat vang pawh ani mah na.

.
.
Ji-Hyun pawh nuam lo ti hle mah se damdawi in lam pan tur chuan a in siam mawlh mawlh a. A man duh lo viau mah se a hyung te hian an sawi dik tih a hre ve tlat. A kal loh chuan a phone in a tuar leh dawn tho tih a hai bik lo.
.
.
.

Ji-Hyun pov..

.
.
Bus chhung a tukverh awmna lam zawk ah chuan thu in ka hmai chu thli rawn thaw heuh heuh chúan ati hit vawng vawng mai.  He ka ram Korean boruak thiang zet tianga ka hip hi chuan ka dam sawng sawng thin. Hrisel ta sawt te pawh in ka in hre thin. Boruak fresh zet mai ka hnar a ka  hip luh veng veng pah chuan ka mit chu ka chhing diar diar a, ka mit chhin rual in ka hma ah mipa khat hmel chu a rawn lang tel ta thin a, làwm ni miah silo chuan chu hmel ka mit thla a alo lan apiang in ka khi vur vur thin. Ka mitthla a ka thil hmuh min hmuh pui ve miah lo tu tan chuan mi á ang pawh min ti mai thei.
Mahse pawi ka tilo ka hlim a, chu chu a tawk mai.

Ni e, Kim Taehyung. A chhang chuan chimawm in Hyung te lakah pawh min tizak ve thin hle mah se ka ngai a, ka thlahklel a abula hun hman hi ka chak tak zet thin. Tiang hian ka nun hi a in her danglam tih ka lo ring ngailo mahse thil danglam tak chu a thleng mek si.
Ka hmangaih a, a hmel hmuh ka chak a, ka hringnun awmze nei ve ngai hoh lo thin kha ani chuan min thlak danglam sak a, nun nawmna min tem tir a nun zel chakna min nei tir tu ani bawk.
.
.
Bus stop chu Taehyung damdawiin bul mai ah a awm a, bus a din rual rual in ka tlan nghal. Ka tlanna ka hah viau e tilo chuan ka khi vur vur tho.
Mahse tinge ka hlim lo ang ka hmangaih hmel ka hmu dawn tal alawm.

Taehyung room pawn ah chuan ka ding ran tawh a, ka tlan hah bawk a ka thaw  a chham hial dawn in ka hria, ka dâng ro deuh nghulh chu tih reh nan ka chil chu ka lem leh khawlh a, a tawp nan boruak chu atam thei ang ber ka hip lut leh. Khawlum vang nilova ka hah em vang a ka thlan in a chiah zawp vek ka sam chu ka chul mam leh thuak thuak a, ka bag chhung a ka compact àh, Dahyun in min pek  chu la chhuak in ka hmai ah chuan ka hnawih ve thuak thuak a, nidanga ka tih ngai miah lo thin ka lipstick pai ve àt chu la chhuak in ka hmui lipstick in a tawh ve ngai miah loh thin chu han tisawi kual velin ka in hnawih a, darthlalang a ka hmai make-up in a tih danglam zet chu chiang zet in ka hmu, keimah chuan ka khi vur vur a. Heng make-up pai te, in hnawih vel te hi ka tan thil thar ani. Heng thil hi ka tingai lo hrim hrim, tianga in chei vel nan khan hun ka nei ve ngai miau lo ani. Nei pawh ni ila tu tan nge ka in hnawih ang, tu hma a lanchhiat hlau in nge ka in hnawih ve gawt ang ni.
Mahse tun ah chuan thil chu a danglam chho ve tulh tulh ta. Ka nuna ka thil tih ngai loh te ka titan a, tun ah pawh makeup han hman vel chu ka ti tan mek a😄😄😄. Mahse henghi engvang nge. A hma zawng pawh a makeup tello a awm reng thin kha tunah chuan a hma a lan that loh hlau in ka hmang ve ta nia. Mahse a reng chuan ka ti hman lo. Hman pawh ni ila ka peih kher in ka ringlo. Make-up tello keima natural hmel ka put hian ka confi ber mai.
Ni e, ka confi ani he ka hmel, hmeltha pawh ni chuang lo a ma tawk a ka put hian ka confi a nuam ka ti ber ani.
Tuna ka hmai a bet mek pawh hian ka awm a tinuam lo viau tho.