تتمة قصة بعدما خانني وكرهته 🔥مكتملة 🔥

البارت 208

Part 208
بقلم:سلمى سوسو
فاق كلشي لبسو لبنات جلالب حيت ليوما غيديرو لاكط و نزلو فطرو و مشاو لصالون تا دخل لعدول و جلسو سولوهم ديكشي المعتاد سناو هما و عاد دارو عند شهود لي هما سلمى و يوسف سناو تا هما و بداو اعشقو على نبي باركو ليهم و ملي سلاو ناضو لبنات باش ايمشيو الحمام هزو سطولاتهم و مشاو فطوموبيلات و اكيد ليكارد من وراهم وسلو الحمام تركي لي كان مكري ليوما غير ليهم دخلو و هما كيعشقو على نبي حيدو حوايجهم و دخلو دورو على يلمز شمع و بداو احكو ليها و ديكشي و عاد كل وحدة حكات و دارو الماسكات و ديكشي المهم خرجو كيشعلو دارو شي خمسة سوايع فيه رجعو لقصر تغداو و طلعو ارتاحو غير جاو لكوافورات بداو كيصايبو ليهم شعوراتهم و المكياج و دفران و عاد لاصيغ جاو فنات لبسو قفاطنهم و يلمز لي كان خاص بالحناء و عاد نزلو كيعشقو على نبي تلقا ليها اياز و كلا واحد مشا عند حبيبتو
اياز:ماشاءالله
يلمز:حشمات
صفوان:تبارك الله
حسنا:شكرا
كريم:احح قلبي طحتي فهاد زين كلو
فرح:ههه شكرا
عمران:جيتي غزالة
يسرى:حتا نتا احبيبي
يوسف:(هاد الكوبل علام غير بوحدهم اياز و يلمز معروفين برومنسية و هادو بالمضاربات)ماشي كترتي شوية من المكياج و مالك لابسة القفطان مزير
سلمى:يوسف حرام علك بديتي تاني
يوسف:(مد ليها كلينيكس)مسحي لعكر را الصحافة غدخل تصور و منبغيكش تكوني هاكدا
مسحات سلمى شوية ديال لعكار بحاله خفاتو عاد مشاو تا هما جلسو
يلمز كتحني عادي حيت اياز معندوش مشكيل و تا لبنات لخرين مي يوسف نن مخلاش سلمى تحني
سلمى:يوسف عفاك
يوسف:لا هي لا متعصبينيش
سلمى:و الا درت الكحلة
يوسف:صبر معاك ياله نوضي
سلمى:(باستو من حنكو بعفوية)شكرا
مشات هي و خلات يوسف نايضه فيه العافية ههه اكيد فهمتو