." أنتِ الفضاء الأرقى، والماءُ الذي لا ينتهي، والفجوة الناعمة بالقلب. والإستحالة المُتكررة على مدارج الأزمان "
................. تفاااعلووو بلييز ،🌟❤️
.
.
.
.
ابو علي/ ابني علاوي اني اردي بيك انتة يعني مراح تكدر تتقبل البنية ويجوز تعاملهة مو زين
علي / بابا اخوهة هو الي كتل حيدر شلون اتقبلهة
ابو علي / ادري يبوك بس البنية مالهة ذنب واحنة ولد الشيخ عباس واحنة الي ما نظلم احد وما تطلع منة العايبة والبنية ابوهة معيشهة بالضيم وظالمهة خوما احنة نزيدهة عليهة اريد تكون عاقل وتعرف تتصرف
علي/ صار ابوي ما يصير خاطرك الا طيب
....
..
بعد مرور اسبوعين على وفاة حيدر
قمر / اليوم لازم اروح لذولة العائلة وبابا واحمد فرحانين حيل وحتى احس ماما هم
سارة / يعني بعد منشوفج
قمر / ما ادري والله يجوز الله يجمعنة مرة ثانية
ابو قمر / يلا كومي بدلي دنروح
قمر / لبست رداء اسود وشيلة سودة وجهي احمر من البجي ورحت حضنت ماما وابجي 😭😭😭
ام قمر/ لتبجين يمة وصير خوش بنية واسمعي كلمة زوجج
سارة / رحت حضنت قمر وظليت ابجي
قمر / سلمت ع امي وخواتي وصعدت بالسيارة واني بس ابجي
وصلنة البيت كلش حلو وجبير وبي حدائق هوواي وجانوو واكفين هواي زلم بالباب
ابو علي / طبي بنتي جوة
قمر / طبيت وجان تجي ينية حلوة علية
نور / هلاوو شلونج اني نور
قمر / كوة احجي لان كلش خايفة هلاوو واني قمر
نور / تعالي كعدي بالصالة بين ما يجي الشيخ ديعقدلكم
قمر / اوك
كعدت وشوية وجان تجي مرة مبين حبابة بس شكلهة تعبانة
ام علي / هلا حبيبتي شلونج
قمر / هلوو خالة اباوع ع المرة عيونها مدمعة لا إراديا رحت حضنتهة وابجي 😭😭 خالة والله اني معلية والله اخوي طايش وابوي مدللة وابجي 😭
ام علي / ادري يمة لتبجين اني ادري انو انتي ضحية مثل ما ابني حيدر ضحية
قمر / المرة جانت كلش حبابة ومن سمعت حجيهة شوية ارتاحيت
كرار / يمة يمة اجة الشيخ
ام علي / يلة يمة قمر كومي
قمر / كمت واحس رجلية مخيطة كوة امشي ورحت للديوان عقدلنة الشيخ وعرفت اسمه علي بس ما شفت شكلة
علي / اجة الشيخ عقدلنة هي اسمهة قمر ومبينة حيل خايفة مدنكة ما شفت شي منهة
ابو علي / شوفي بنتي قمر اني حجيت وية علي وهسة وياج هم انتي هسة مسؤولة عن علي امام الله واسمعي كلام ولتعاندين
YOU ARE READING
فصلية الشيخ علي (مكتملة)
Romanceقصة تتحدث عن بعض عادات العشائر العراقية وظلم بعض الاهل لبناتهم وتحمل في سطورها الكثير من المواضيع المهمة والعبر بقلمي / الكاتبة فرقان ❤
