رمى لها اوراق واخذتها واختلطت مشاعرها بس حاولت تخفي هالمشاعر منه ومن نظراته
ترف وهي تمثل عدم الفهم:وش ذي؟
مهند:بتكملين دراستك في نفس جامعة جُمانة
ترف:ما طلبت منك هالشئ ومحد قالك اني ابي اكمل دراستي
مهند:دام اني زوجك بتكملين دراستك غصباً عنك
ترف:اتوقع انك ما انغصبت تتزوجني
مهند بتغيير للموضوع:تعالي نامي على السرير
ترف:لاا ما بنام
مسك يدها وضغط عليها ورص على اسنانه:كلامييي ما ينعاد
سحبت يدها منه وانسدحت على السرير وغطت كامل جسمها بالبطانيه
تنهد وقام بيده مخدته وبطانيته وانسدح على الكنب ونام
*صباح يوم جديد
لبس بدلة العمل وعدل ربطة العنق وخرج من الغرفه
كان على وشك يطلع من البيت بس استوقفته الأم زهراء:صباح الخير ياوليدي
مهند باس راسها بإبتسامه:صباح النور
الأم زهراء:مهند ابي اكلمك في موضوع
هز مهند راسه غير منتبهين لترف اللي تراقبهم من خلف الباب
الأم زهراء:اسمع يا وليدي وش رأيك تخلي ترف تكمل دراستها مع جُمانه؟عشان لا كملت تقدر تساعدك في اشغال الشركة
مهند:والله ابيها تكمل دراستها وتعيش حياتها لكن رفضت انها تدرس
الأم زهراء:خلاص اجل انا بكلمها وانت روح لا تتأخر على دوامك
مهند:فمان الله
وطلع...
ترف بداخلها:يمكن لو رحت للجامعه بلقى طريقه عشان اهرب فيها من هنا
ابتسمت ابتسامة ثقة وطلعت من الغرفه
ترف:صباح الخير
الأم زهراء لفت عليها بإبتسامة:صباح النور ، جيتي في الوقت المناسب يلا بنفطر
جلسوا ثلاثتهم على الطاوله
ترف:كيف الجامعة يا جُمانة؟
جُمانة:حلوه مره رغم الكرف اللي فيها
ترف:بتصير احلى اذا جيت ادرس فيها صح؟
توسعت عيون الام زهراء بصدمه
الام زهراء:شلون؟مهند قال انك رفضتي تدرسي
حكت ترف راسها:فكرت امس بعد ما رفضت وشفت اني لازم اكمل دراستي منها استفيد ومنها استمتع بحياتي الجامعية
الام زهراء قامت واخذت جوالها:دقيقه دقيقه الحين نعلم مهند عشان يفرح معنا
اتصلت على مهند ومامرت ثواني الا ورد عليها وحطت سبيكر
YOU ARE READING
رواية يا غنّاة الروح ، يا قصّيدي واشعاري
Romanceماذا لو علمت عمّا يجول بخاطري؟ عن الحُب الذي اكنّه بصدري لك عن كُل المشاعر التي تراودني وتأخذني الى عالمي عن الصدفه التي جعلتك تأتي الى طريقي وجعلتني اقع بحبك رغم جميع ما يحدث... (الرواية باللغة العامية) ...
