اول كرونيك ليا لبنات نتمنى يعجبكم😍😍
القصة تدور حول البطلين إسلام و إلين لي كل واحد ميعرفش واش راح يصرا والمفاجأة لي يخبيها القدر ولي راح يجمع بيناتهم
أبوني وتفاعلوا لبنات نحبكم❤❤🙏🙏🙏🙏🙏🙏
ركبت إلين فالطموبيل مع راجلها و هي تترعد و خايفة (كان مغطي وجهها مشافتش شكون) وهو كان عادي كشغل ماشي عرسو و واحد ما هدر مع لوخر كي وصلو للدار قاللها وصلنا هي مسكينة كانت راقدة عيات راح من جهتها و مسعا في كتفها ينوض فيها اي نتي نوضي حتا ناضت مخلوعة قالتلو واش قاللها اهبطي وهي حست بواحد اارعشة كي سمعت هذا الصوت بصح مدارتش في بالها هبطت وهو طلع لي فاليز معاه فتح الباب و دخلو وهي حشمت بزاااااف ولات نحات البرنوس وهنا الكارثة قالتلو علاش قبلت تتزوج بيا بلا متعرفني (كان عاطيها بالظهر) إسلام: دار وقاللها اسمعي انا تزوجت بيك علاجال يما فهمتي و انا عندي حبيبتي إلين: تشوكات واش شافت العريس هو اسلام دموعها بداو يهبطو ويدان و تزڨي وتقولو علاش ياربي علاااااااش نتا كاشي بسبابك نتا خسرتلي حياتي و زيد تزوجت بيك علااااااش إسلام: إسلام تشوكا فيها (هو كان عمبالوبلي هي لي حبت تتزوج بيه و تبغيه المهم هههههه) راح لعندها و شدها من يدها وقاللها ر***علاش راكي تزڨي راكي حابة تجمعيلي الناس هنا إلين: نحي يدك متمسنيش متمسنيش راحت طلعت للفوق تشهق و حوست على بيت وين ترقد دخلت في بيت إسلام بصح مغلقتهاش بالمفتاح (تخاف تغلق الباب و تحصل هههههه) راحت دخلت للدوش دوشت ولبست بيجامة تاعها و رقدت تبكي على زهرها الانسان لي خرب حياتها هو نفسو راجلها إسلام قعد فالصالو يتمعشق مع سيليا سيليا: حبي تزوجت و خليتني ماشي زعدتني غير انا لي تديها إسلام: خلاص حبيبي ماشي قلتلك من عام نطلقها و الله منمسها و نتزوج غير نتي سيليا: صحا عمري المهم تمعشق حتا عيا باش طلع يرقد في بيتو هو غير دخل و المفاجأة لقا إلين راقدة كي الملاك فوق المطرح تاعو و هذيك البيجاكة لي كانت لابستها
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
شعلاتو و شعرها الطويل الطايح على وجهها راح قرب لعندها نحالها شعرها ولقاه مشمخ فاق بلي كانت تبكي غضاتو بيسك معندهاش ذنب مسكينة واش دارت(اه اه اه اه اااااااا تاثرت😭😭😭) غطاها وراح دوش وبدل امبعد ملقاش وين يرقد ولا فرش فلرض قدام المطرح ورقد بصح مقدرش يرقد ظل يتقلب حتى وصلت 4 تاع الصباح ولا نض ورقد فالمطرح تاعو نسا ڨاع بلي تزوج حتا ناضت إلين صباح مقدرتش تتحرك حاجة ثقيلة فوقها حلت عينيها لي ضربت فيهم الشمس بلعقل ولاو يبانو عسليين يهبلو و تلقا إسلام معنقها كي القرد 🙈 ناضت تعيط ايي نتا واش راك دير هنا هو ناض يحك فعينيه الخضورة لي قتلو إلين اول مرة تكون قريبة ليه حتا بلعت ريقها و ولات حمرة و بدات تااا إلين: اااو. اا ش راك دير هنا إسلام: هذي داري نرقد وين حبيت و هذي الشمبرة تاعي فهمتي نايضة مع صباح ربي تعيط عند راسي إلين: كاين شمبرة واحد اخرا نرقد فيها بالحشمة قالتها إسلام: قرب لعندها ولاو وجوهم مع بعض و نطق بهذاك الصوت المبحوح تاع كي تنوض صباح و قالها علاش معجباتكش الرقدة تاع البارح في صدري إلين ولات حمرة طمطومة (هذي تحشم بزاااف يعني هذي انا ههههههه) ونطقت وهي تتنفس بالزرب وقالتلو معجبتنيش و هربت تجري بالبيجامة تاعها لي مرسومة ماللور ذيل تاع الارنب هي تجري و إسلام شاخ عليها ضحك 😂
هذا هو اابارت تاع اليوم اتفاعلو بليييييز باش نكملها🙏🙏🙏🙏🙏🙏🙏🙏🙏🙏🙏 نمووووت عليكم كامل 😘😘😘😘😘😘😘❤❤❤❤❤❤❤
